2 Korinthianys 12:9 - An Bibel Kernewek 20234 (Kernewek Kemmyn)

⁹ Mes ev a leveris dhymm: ‘Ow gras yw lowr ragos; rag yn gwannder yth yw ow nerth gwrys perfydh.’ Ytho, fest yn lowen y hwrav vy bostya y'm gwannder, may trikko warnav nerth Krist.

2 Korinthianys 12:9 ပူးပေါင်းရင်းမြစ်များ

2 Myghternedh 2:15

Ha pan y'n gwelas mebyon an brofoesi re bia yn Yeriko, i a leveris, ‘Spyrys Elias a drig war Elisha.’ Hag i a dheuth dhe vetya orto hag omblegya dhe'n dor a-ragdho.

Salmow 8:2

Yn-mes a anow fleghigyow ha'n re ow tena ty re fastyas nerth drefenn dha eskerens, rag may tiswrylli an eskar ha'n dialor.

Ysay 11:2

Spyrys an Arloedh a bowes warnodho, spyrys furneth ha konvedhes, spyrys kusul ha nerth, spyrys skians hag own an Arloedh.

Ysay 43:2

Pan dremenydh der an dowrow y fydhav genes, ha der an avonyow, ny livons warnas; pan gerdhydh dre dan, ny vydhydh leskys, ha ny wra an flamm dha woleski.

Sefania 3:17

An Arloedh, dha Dhuw a-berth ynnos, galloesek yw, ev a saw; fest heudhik yw warnas gans lowena; ev a vydh tawesek yn y gerensa, ev a lowenha warnas gans kana,

Matthew 28:18

Ha Yesu a dheuth, ha kewsel dhedha, ow leverel, ‘Pub galloes yn nev ha war an nor re beu res dhymm.

Matthew 28:20

ha'ga dyski dhe witha pup-tra oll a worhemmynnis vy dhywgh; hag awotta, yth esov genowgh pup-prys bys worfenn bys.’

Luk 21:15

rag my a re dhywgh ganow ha furneth ma na yll oll agas erbynnoryon sevel er agas pynn na'gas kontradia.

1 Korinthianys 10:13

Ny dheuva warnowgh temptasyon vyth nag yw kemmyn dhe vab-den. Lel yw Duw, ha ny wra ev agas gasa dhe vos temptys dres agas nerth, mes keffrys ha'n temptasyon ri fordh a dhiank a wra ev, rag may hyllowgh y berthi.

1 Korinthianys 15:10

mes dre ras Duw yth ov vy an pyth hag yth ov, ha nyns o euver y ras orthiv. Yn kontrari, my a lavuryas yn kreffa agessa oll, kyn nag o my, mes gras Duw usi genev.

1 Korinthianys 2:3

Hag yth esen vy genowgh yn gwannder hag yn own ha meur a grena;

1 Korinthianys 2:5

agas fydh ma na vo yn skentoleth mab-den mes yn nerth Duw.

2 Korinthianys 11:30

Mar telledh my dhe vostya, my a vost a'n traow a dhiskwa ow gwannder.

2 Korinthianys 12:1

Y telledh my dhe vostya; nyns yw dhe les, byttegyns my a wra dos dhe welesigethow ha diskwedhyansow a'n Arloedh.

2 Korinthianys 12:10

Rakhenna pes da ov vy, yn gwannder, yn despityansow, yn edhommow, yn helghyans ha kaletteryow rag Krist; rag gwann pan ov vy, ena galloesek ov.

2 Korinthianys 12:15

Ytho, fest yn lowen y hwrav vy spena ha bos spenys a-barth agas enevow. Mara'gas karav dhe voy, a vydhav vy kerys dhe le?

2 Korinthianys 12:5

A-barth den a'n par na my a wra bostya, mes a-barth dhymm ow honan ny wrav bostya, marnas y'm gwannderyow.

Efesianys 3:16

may rollo dhywgh hwi, war-lergh rychys y splannder, dhe vos krevhes gans galloes der y Spyrys y'n den pervedhel,

Filippianys 4:13

My a yll gul pup-tra dredho ev neb a re dhymm nerth.

Kolossianys 1:11

nerthys gans pub galloes war-lergh krevder y splannder dhe bub perthyans ha godhevyans; gans lowena

1 Timothi 1:14

Ha gras agan Arloedh a wrug palshe gans fydh, ha'n kerensa usi yn Krist Yesu.

Ebrowyon 11:34

difeudhi nerth tanyow, skeusi rag min an kledha, gwaynya krevder yn-mes a wannder, dos ha bos galloesek yn kas, gorra luyow estren dhe'n fo.

Ebrowyon 4:16

Nesyn ytho gans fydhyans dhe'n tron a ras, may tegemmerryn tregeredh ha kavoes gras dhe weres yn termyn edhomm.

Yoshua 1:9

A ny erghis dhis? Bydh krev ha bydh kolonnek; na borth own ha na vydh dyegrys, rag bos an Arloedh dha Dhuw genes plepynag yth edh.’