2 Korinthianys 12:21 - An Bibel Kernewek 20234 (Kernewek Kemmyn)

²¹ own a'm beus, pan dhov arta, ow Duw dhe'm uvelhe a-ragowgh, ha my dhe alari a-dro dhe lies a'n re neb re beghas kyns, heb kavoes edrek a'n plosedhes, nag a fornikasyon na drokhwans re wrussons.

2 Korinthianys 12:21 ပူးပေါင်းရင်းမြစ်များ

Ezra 10:1

Lemmyn pan esa Ezra ow pysi ha konfessya, owth oela hag owth omdewlel dhe'n dor a-rag chi Duw, routh pur vras a Ysraelysi, gwer, benynes ha fleghes, a omguntellas a-dro dhodho; rag yth esa an bobel owth oela yn feur.

Ezra 9:3

Ha pan glewis vy an dra ma, my a skwardyas ow dillas ha'm mantell, ha tenna yn-mes blew ow fenn hag ow barv, hag esedha dyegrys.

Salmow 119:136

Ow dewlagas a dhewrak gans goverow a dhowr drefenn na synsir dha lagha.

Eksodus 32:31

Ytho Moyses a dhehwelis dhe'n Arloedh ha leverel, ‘Ogh, an bobel ma re beghas pegh meur; i re wrug dhedha duwow a owr.

Yeremia 13:17

Mes mar ny vynnowgh y glewes, ow enev a wra oela yn tylleryow kevrinek drefenn agas balghder; ha'm lagas a wra oela yn hwerow, ha resek gans dagrow, drefenn flokk an Arloedh dhe vos kemmerys avel kethyon.

Yeremia 9:1

Unnweyth a pe ow fenn dowrow, ha'm dewlagas fenten a dhagrow, mayth oellen dydh ha nos rag an re ledhys a vyrgh ow fobel!

Romanyon 13:13

Omdhegyn yn onest dell wren y'n jydhweyth, heb bos yn kevewiow gwyls na medhwynsi, heb bos yn dijastita na drokhwansow direwl, heb bos yn kedrynna na perthi avi.

Romanyon 9:2

bos dhymm galar meur hag anken heb hedhi y'm kolonn.

1 Korinthianys 5:1

Yn tevri, derivys yw bos fornikasyon yn agas mysk, fornikasyon nag yw kevys y bar yn mysk jentilys; henn yw, yma gour ow kesvewa gans gwreg y das.

2 Korinthianys 10:6

ha parys on ni dhe gessydhya pub diwostytter pan vo kowlwrys agas gostytter.

2 Korinthianys 12:7

ha dre gnas fest dibarow an diskwedhyansow. Rakhenna, ma na dheffen ha bos re woethus, y feu res dhymm dreynenn y'n kig, el Satnas, ma'm kronkya ma na ven re woethus.

2 Korinthianys 13:2

My a leveris dhe'n re neb re beghsa kyns ha dhe oll an re erell, ha lemmyn y lavarav, ha my dhe-ves ahanowgh, dell wrug pan esen vy yn agas mysk an nessa gweyth: mar tov arta, ny sparyav,

2 Korinthianys 8:24

Rakhenna, yn apert dherag an eglosyow, diskwedhewgh prov a'gas kerensa keffrys a'gan bostyans dhedha a-dro dhywgh.

Galatianys 5:19

Oberow an kig yw apert; an re ma yw fornikasyon, mostedhes, fara direwl,

Dewteronomi 9:15

Ytho my a dreylyas ha diyskynna dhiworth an menydh, ha'n menydh ow tewi gans tan, ha diw leghenn an kevambos y'm diwleuv.

Dewteronomi 9:25

Ytho my a goedhas dhe'n dor a-rag an Arloedh dewgens dydh ha dewgens nos, ow krowedha ena a-hys, rag an Arloedh a lavarsa ev dhe vynnes agas distrui.

Kolossianys 3:5

Ytho, gorrewgh dhe'n mernans an pyth ynnowgh usi a'n nor, fornikasyon, plosedhes, hwans dres eghenn, drog yeunes, ha krefni, yw gordhyans idolys,

Ebrowyon 13:4

Bedhes priosoleth synsys yn enor gans peub, ha bedhes andhefolys gweli an demmedhyans; rag Duw a vreus an re dhijast ha'n avoutroryon.

2 Peder 2:18

Rag ow kewsel gans bostyans euver, i a dhyn gans drokhwansow direwl an kig an re na dhiank skant dhiworth an dus a vew yn maner bodrek.

Lyther Yud 1:23

sawyewgh re erell orth aga hibya yn-mes a'n tan; kemmerewgh truedh a re erell yn own, ha kesewgh ynwedh an dhillasenn hy honan re beu mostys gans an kig.

Lyther Yud 1:7

kepar ha Sodom ha Gomorra ha'n sitys yn aga hyrghynn, a veu omres dhe'n keth dijastita hag ow mos war-lergh kig astranj, settys rag bysna yn aga hessydhyans gans tan heb diwedh.

Diskwedhyans 21:8

Mes an ownogyon, ha'n dhiskryjygyon, ha'n re gasadow, ha denledhysi, ha'n re a wra fornikasyon, ha pystrioryon ha gordhyoryon idolys, ha pub gowleveryas a's teves aga rann y'n lynn a lesk gans tan ha loskven, hag yw an nessa mernans.’

Diskwedhyans 22:15

A-ves yma an keun, ha'n bystrioryon, ha'n re a wra fornikasyon ha denladh, ha'n re a wordh idolys, ha pubonan a gar ha gul falsuri.

Diskwedhyans 22:20

Neb a dheg dustuni a'n taklow ma, a lever, ‘Dhe wir, my a dheu yn skon.’ Amen, deus, Arloedh Yesu.

1 Samuel 15:35

Ny dheuth Samuel namoy dhe weles Sowl bys yn dydh y vernans, mes grevya a wrug Samuel drefenn Sowl. Ha'n Arloedh a'n jevo edrek drefenn ev dhe wul Sowl myghtern war Ysrael.