2 Korinthianys 12:15 - An Bibel Kernewek 20234 (Kernewek Kemmyn)

¹⁵ Ytho, fest yn lowen y hwrav vy spena ha bos spenys a-barth agas enevow. Mara'gas karav dhe voy, a vydhav vy kerys dhe le?

2 Korinthianys 12:15 ပူးပေါင်းရင်းမြစ်များ

2 Samuel 13:39

Ha spyrys Davydh an myghtern a yeunis mones dhe Absalom; rag ev a veu konfortys a-dro dhe vernans Amnon.

2 Samuel 18:33

Ha'n myghtern a veu movyes yn feur, hag ev eth yn-bann dhe'n chambour a-ugh an yet hag oela; hag y leveri, hag ev ow mos, ‘A ow mab Absalom! Ow mab, ow mab Absalom! Unnweyth a marwen yn dha le, A Absalom, ow mab, ow mab!’

Romanyon 9:3

Rag y'm bia bodh my ow honan dhe vos milliges ha diberthys dhiworth Krist rag ow breder, ow herens a-barth an kig.

2 Korinthianys 1:14

dell y'gan konvedhsowgh yn rann seulabrys, rag yn dydh agan Arloedh Yesu, agas bost hwi on ni, kepar dell owgh hwi agan bost ni.

2 Korinthianys 1:6

Lemmyn mar perthyn ni galarow, a-barth agas konfort ha'gas selwyans yth yw; po mars on ni konfortys, a-barth agas konfort yth yw, hag a ober pan berthewgh hwi an keth galarow hag a wodhevyn ni ynwedh.

2 Korinthianys 11:11

Praga? Drefenn na'gas karav? Gwrav, dell woer Duw.

2 Korinthianys 12:14

Otta, parys ov vy dhe dhos dhywgh an tressa gweyth, ha ny vydhav vy begh warnowgh; rag ny hwilav agas pythow, mes hwi. Rag ny dhegoedh dhe'n fleghes kuntell tresor a-barth aga herens, mes an gerens a-barth aga fleghes.

2 Korinthianys 12:9

Mes ev a leveris dhymm: ‘Ow gras yw lowr ragos; rag yn gwannder yth yw ow nerth gwrys perfydh.’ Ytho, fest yn lowen y hwrav vy bostya y'm gwannder, may trikko warnav nerth Krist.

2 Korinthianys 2:3

My a skrifas poran kepar dell wrug, ma na'm be keudh, pan dheffen vy, dhiworth an re may tegoedh dhedha ow heudhhe, rag yma fydhyans dhymm ynnowgh, ow joy dhe vos agas joy hwi oll.

2 Korinthianys 4:12

Ytho, ankow a ober ynnon ni, mes bewnans a ober ynnowgh hwi.

2 Korinthianys 7:2

Gwrewgh spas ragon yn agas kolonnow; ny gammwrussyn erbynn denvyth, ny bystigsyn denvyth gans mona, ny doellsyn denvyth.

2 Korinthianys 7:3

Ny lavarav hemma rag agas dampnya; seulabrys my re leveris agas bos yn agan kolonnow, dhe verwel war-barth ha dhe vewa war-barth.

Galatianys 4:10

Dy'goelyow a solempnyowgh hwi dour, ha misyow ha termynyow ha blydhynyow.

Filippianys 2:17

Mes dhe wir, mars ov skoellys avel offrynn diwes war agas sakrifis ha'n gonis a'gas fydh, my a lowenha ha keslowenhe genowgh hwi oll;

Kolossianys 1:24

Lemmyn my a lowenha y'm galarow ragowgh, ha my a gowlwra an taklow a fyll dhe baynys Krist y'm kig rag y gorf, yw an eglos.

1 Thessalonianys 2:8

Ytho, ha ni hirethek war agas lergh, pes da en ni ow profya dhywgh aweyl Duw hag ynwedh agan enevow ni rag hwi dhe vos ha bos meurgerys genen.

2 Timothi 2:10

Rakhenna, pup-tra a borthav rag an re yw dewisys, may kaffons i ynwedh an selwyans usi yn Krist Yesu, gans splannder heb worfenn.

Ebrowyon 13:17

Bedhewgh gostydh dh'agas hembrenkysi hag uvel dhedha; rag ymons i ow kwitha war agas enev, avel tus a goedh ri akont; gesewgh i dhe wul hemma yn lowen, heb kyni yn tristans, rag ny via henna dh'agas les.