2 Korinthianys 11:23 - An Bibel Kernewek 20234 (Kernewek Kemmyn)

²³ Menystoryon Krist yns i? (My a gews kepar hag onan mes a'y rewl) onan gwell ov vy: my re lavuryas kalessa meur, my re beu prisonys moy menowgh, my re beu kastigys moy a-has, my re beu ogas dhe'n mernans lieskweyth.

2 Korinthianys 11:23 ပူးပေါင်းရင်းမြစ်များ

Yeremia 36:5

Ha Yeremia a worhemmynnis dhe Baruk, ow leverel, ‘Ny'm beus entra chi an Arloedh.

Oberow 14:19

Mes Yedhewon dhiworth Antiogh hag Ikonium a dheuth di, ha wosa dendil skoedhyans an routhow i a labydhas Powl ha'y dhraylya mes a'n sita, ow tybi ev dhe vos marow.

Oberow 20:23

marnas an Spyrys Sans a dheg dustuni dhymm yn pub sita, ow leverel bos kolmow ha galarow orth ow gortos.

Oberow 21:11

hag ev a dheuth dhyn, hag ow kemmeres grogys Powl ev a omgolmas er an dreys ha'n dhiwla ha leverel, ‘Yndellma y lever an Spyrys Sans, “Y'n for' ma an Yedhewon yn Yerusalem a wra kelmi an gour a bew an grogys ma, hag i a wra y dhelivra yn leuv an Jentilys.” ’

Oberow 25:14

Ha drefenn i dhe wortos ena lies dydh, Festus a worras a-dherag an myghtern an maters a-dro dhe Powl, ow leverel, ‘Yma unn gour, gesys prisner gans Feliks,

Oberow 27:1

Pan veu ervirys ni dhe woelya dhe Itali i a dhaskorras Powl ha prisnoryon erell dhe benn-kangour a'n kohort awgustanek, henwys Yulius.

Oberow 28:16

Ha pan dheuthen yn Rom, Powl a veu gesys dhe driga y honan, gans an souder esa orth y witha.

Oberow 28:30

Yth esa ev trigys ena diw vlydhen dhien yn y ji-wobrenys y honan, hag ev a wolkomma kekemmys a dheffa dhodho,

Oberow 9:16

rag my a wra diskwedhes dhodho pygemmys y telledh ev dhe wodhav a-barth ow hanow.’

Romanyon 8:36

Dell yw skrifys, ‘A'th wovis jy yth on ny ledhys oll an jydh; reknys on ni avel deves dhe'n ladhva.’

1 Korinthianys 15:10

mes dre ras Duw yth ov vy an pyth hag yth ov, ha nyns o euver y ras orthiv. Yn kontrari, my a lavuryas yn kreffa agessa oll, kyn nag o my, mes gras Duw usi genev.

1 Korinthianys 3:5

Ytho, pyth yw Apollos? Pyth yw Powl? Gwesyon dredha may kryssowgh par dell ros an Arloedh dhe gettep onan.

1 Korinthianys 4:1

Yndella y koedh dhe dus agan akontya avel gwesyon Krist ha rennysi kevrinyow Duw.

1 Korinthianys 4:11

Bys y'n eur ma ha nown ha syghes ni a'm beus, ha noeth on ni, ha skorjys, ha diannedh,

1 Korinthianys 4:9

Dell dybav, Duw re'gan diskwedhas, an abesteli, avel an re dhiwettha, dampnys dhe'n mernans, drefenn ni dhe dhos ha bos ges dhe'n bys, keffrys dhe eledh ha dhe dus.

2 Korinthianys 10:7

Hwi a vir orth traow herwydh aga semlans. Mar trest nebonan y vos dhe Grist, perthes kov a hemma: kepar dell yw ev dhe Grist, yndella ynwedh yth on ni.

2 Korinthianys 11:5

Byttegyns, my a dyb nag ov kammenn vyth gweth ages an abesteli worughel ma.

2 Korinthianys 3:6

neb a'gan gwrug gwiw dhe vos menystrys a gevambos nowydh, a-der a lytherenn mes a spyrys; rag an lytherenn a ladh, mes an spyrys a vewha.

2 Korinthianys 4:11

Rag, ha ni yn few, prest yth on ni delivrys dhe'n mernans a-barth Yesu, may fo diskwedhys ynwedh bewnans Yesu yn agan kig marwel.

2 Korinthianys 6:9

avel anaswonnys, mes aswonnys yn ta, avel tus ow merwel mes otta, ni a vew; avel tus kessydhys mes nyns on ni ledhys;

Galatianys 6:17

Alemma rag, bynner re wrello denvyth ri troblow dhymm; rag my a deg merkyow Yesu war ow horf.

Efesianys 3:1

Rag hemma, my, Powl, prisner Krist Yesu ragowgh hwi, an Jentilys –

Efesianys 4:1

My ytho, prisner y'n Arloedh, a'gas pys a gerdhes gwiw dhe'n galow may fewgh hwi gelwys,

Efesianys 6:20

Rygdhi kannas yn chaynys ov vy, may hylliv hy derivas yn hardh dell goedh dhymm kewsel.

Filippianys 1:13

may teuth ha bos apert yn oll an pretorium ha dhe bub den arall, ow holmow dhe vos yn Krist,

Filippianys 2:17

Mes dhe wir, mars ov skoellys avel offrynn diwes war agas sakrifis ha'n gonis a'gas fydh, my a lowenha ha keslowenhe genowgh hwi oll;

Kolossianys 1:24

Lemmyn my a lowenha y'm galarow ragowgh, ha my a gowlwra an taklow a fyll dhe baynys Krist y'm kig rag y gorf, yw an eglos.

Kolossianys 1:29

Rag hemma, my a lavur, ow strivya gans y oberyans owth oberi ynnov gans nerth.

1 Thessalonianys 3:2

ha ni a dhannvonas Timothi, agan broder ha kesoberer Duw yn aweyl Krist, rag agas fastya ha'gas kennertha yn agas fydh,

1 Timothi 4:6

Mar profydh an taklow ma dhe'n vreder, gwas da dhe Grist Yesu vydhydh, megys gans geryow an fydh ha'n dyskas da re siwsys.

2 Timothi 1:16

Re dhiskwettho an Arloedh tregeredh dhe deylu Onesiforus rag ev a'm cheryas yn fenowgh ha ny borthas meth a'm kargharow,

2 Timothi 1:8

Ytho, na gemmer meth a dhustuni agan Arloedh, nag ahanav vy, y brisner, mes bydh kevrenner yn godhevyans rag an aweyl war-lergh galloes Duw,

2 Timothi 2:9

may hwodhavav drog rygdhi, bys may fiv yn kolmow kepar ha drogoberer; mes nyns yw lavar Duw kelmys.

2 Timothi 3:11

ow helghyans, ow galarow a goedhas warnav yn Antiogh, yn Ikonium, yn Lystra, an helghyans a berthis; ha'n Arloedh re wrug ow delivra yn-mes anedha oll.

Filemon 1:9

byttegyns rag kerensa gwell yw genev dha gonjorya, kepar dell ov vy, Powl, den koth ha lemmyn ynwedh prisner a Grist Yesu;

Ebrowyon 10:34

Rag yn hwir hwi a geskodhevis gans an brisnoryon, ha hwi a wodhevis yn lowen ravnans agas pythow, a-ban wodhyewgh bos genowgh pythow gwell hag a bes.