2 Korinthianys 11:15 - An Bibel Kernewek 20234 (Kernewek Kemmyn)

¹⁵ Nyns yw ankoth, ytho, mar kwra y venysters treusfurvya aga honan dhe venysters a ewnder: may fydh aga diwedh herwydh aga oberow.

2 Korinthianys 11:15 ပူးပေါင်းရင်းမြစ်များ

Filippianys 3:19

Aga diwedh yw diswrians, aga duw yw an dorr, hag yma aga glori yn aga meth, gorrys aga brys war daklow an dor.

Diskwedhyans 9:11

Yma myghtern a-ughta i, yw el an pytt diwoeles, yn Ebrow Abaddon y hanow, hag yn Greka Apollyon.

Lyther Yud 1:4

Rag entra yn unn slynkya yn-dann gel re wrug sertan re a veu seuladhydh apoyntys dhe'n dampnasyon ma, tus dhidhuw a dreyl gras agan Duw bys yn drokhwans ha nagha agan unn mester hag Arloedh, Yesu Krist.

2 Korinthianys 3:9

Rag mars esa golewder y'n menystrans a dhampnasyon, pyseul dhe voy y hwra an menystrans a ewnder palshe yn golewder.

Oberow 13:10

‘A, lenwys a bub toell hag a bub frows, mab an jowl, eskar pub ewnder, a ny vynn'ta hedhi, kamma fordhow ewn an Arloedh?

Diskwedhyans 13:14

Hag ev a doell an drigoryon war an bys der an toknys a veu res dhodho dhe wul a-dherag an best; ow leverel dhe'n re a drig war an bys may hwrellens imaj dhe'n best a veu goliys der an kledha hag a vewa.

Diskwedhyans 13:2

Ha'n best a welis o kepar ha lewpard, ha'y bawyow kepar ha pawyow ors, ha'y vin kepar ha min lew, ha'n dhragon a ros dhodho hy nerth, ha'y thron, ha galloes meur.

2 Peder 2:3

Ha dre grefni gans fals lavarow hwi a vydh gwrys marchondis gansa. Ragdha i seulabrys nyns yw lent an vreus, ha ny gosk an diswrians.

Efesianys 6:12

rag nyns yw agan kas erbynn goes ha kig, mes erbynn prynsipatys, erbynn potestatys, erbynn rewloryon an bys tewl ma, erbynn luyow spyrysel a dhroktra y'n tylleryow nevek.

2 Korinthianys 11:23

Menystoryon Krist yns i? (My a gews kepar hag onan mes a'y rewl) onan gwell ov vy: my re lavuryas kalessa meur, my re beu prisonys moy menowgh, my re beu kastigys moy a-has, my re beu ogas dhe'n mernans lieskweyth.

2 Korinthianys 11:13

Tus a'n par na yw fals abesteli, gonisogyon ow toella, neb a dreusfurv aga honan dhe abesteli Krist.

1 Korinthianys 9:11

Mar konedhsyn ni has a daklow spyrysel yntredhowgh, yw tra veur mar mysyn agas dader a'n bys ma?

Ezekiel 13:22

Rag hwi re baynyas kolonn an den gwiryon dre wowyow, pan na'n paynis vy, ha nertha diwla tebelwas ma na dreyllyo dhiworth y dhrog fordh dhe sawya y vewnans;

Yeremia 29:32

ytho yndellma y lever an Arloedh: My a gessydh Shemaia an Nehelamyas ha'y dhiyskynnysi; ny'n jevydh denvyth trigys yn mysk an bobel ma; na ny welvydh an da a wrav dhe'm pobel, yn-medh an Arloedh, drefenn ev dhe gewsel rebellyans erbynn an Arloedh.

Yeremia 5:31

An brofoesi a brofoes yn fals, an oferysi a wovern herwydh aga awtorita aga honan; ha'm pobel a gar y vos yndella: mes pandr'a wrewgh pan dheu an diwedh?

2 Myghternedh 5:13

Mes y wesyon a dheuth dhodho ha leverel, ‘Ow thas, mara'th pyssa an profoes a wul neppyth kales, a ny wrusses y wul? Pygemmys moy pan lever ev dhis, “Omwolgh ha bydh glan”?’

Romanyon 2:6

Rag yth attal dhe bub den herwydh y oberow:

Romanyon 3:8

Ha prag na wrer drog rag may teffo da? – dell y'gan kuhudh nebes ni dhe leverel yn unn sklandra. Aga dampnya yw teg.