2 Korinthianys 11:13 - An Bibel Kernewek 20234 (Kernewek Kemmyn)

¹³ Tus a'n par na yw fals abesteli, gonisogyon ow toella, neb a dreusfurv aga honan dhe abesteli Krist.

2 Korinthianys 11:13 ပူးပေါင်းရင်းမြစ်များ

Yeremia 23:16

Yndellma y lever Arloedh an luyow: Na woslowewgh orth geryow an brofoesi a brofoes dhywgh; i a'gas gwra koeg: i a gews gwelesigeth aga holonn aga honan, a-der a-dhiworth ganow an Arloedh.

Yeremia 27:14

Ytho na woslowewgh orth geryow an brofoesi a gews dhywgh, ow leverel, Na servyewgh myghtern Yuda, rag i a brofoes gow dhywgh.

Matthew 25:24

Mes pan dheuth yn-rag ev neb a gavsa an unn talent, yn-medh ev, “Mester, my a wodhya ty dhe vos den kales, ow mysi le na wruss'ta gonis has ha kuntell le na wruss'ta tewlel has,

Oberow 15:1

Mes niver a wer a dheuth yn-nans dhiworth Yudi ha dyski dhe'n vreder, ‘Marnas hwi a vo trodreghys war-lergh usadow Moyses, ny yllowgh bos selwys.’

Oberow 15:24

A-ban glewsyn tus dhe dhos yn-mes ahanan dh'agas trobla gans geryow hag a ankresyas agas brys, heb agan awtorita,

Oberow 20:30

hag yn-mes a'gas mysk agas honan gwer a sev ow kewsel taklow gorth rag tenna dhe-ves an dhyskyblon war aga lergh.

Romanyon 16:18

Rag tus a'n par na, ny servyons agan Arloedh Krist mes aga thorr aga honan, ha dre gows teg ha dre gows ow flattra, y toellons kolonn an re wiryon.

2 Korinthianys 11:15

Nyns yw ankoth, ytho, mar kwra y venysters treusfurvya aga honan dhe venysters a ewnder: may fydh aga diwedh herwydh aga oberow.

2 Korinthianys 2:17

Rag nyns on ni gwikoryon a er Duw, kepar ha lies; mes dell ve a lenduri, yn hwir dell ve dhiworth Duw, ha dherag Duw, ni a gews yn Krist.

2 Korinthianys 4:2

mes ni re hepkorras traow kevrinek ha divlas; ny wren ni gul devnydh a felder, na gul kamm ger Duw, mes dre dhiskwedhyans a'n gwiryonedh ni a omgommend dhe gowses pub huni dherag Duw.

Galatianys 1:7

– mes nyns eus aweyl arall, marnas yma tus neb a wra agas ankombra hag ow mynnes dihevelebi aweyl Krist;

Galatianys 2:4

mes rag bos breder fekyl dres a-ji yn-dann gel, skolkyoryon a slynkyas a-ji rag aspia orth agan rydhses a'gan beus yn Krist Yesu, ma'gan drollens bys yn kethneth;

Galatianys 4:17

Diwysyk yns i ragowgh, drog aga bodh, ha mynnes orthowgh bos kes mes, rag may fowgh hwi diwysyk a-barth dhedha i.

Galatianys 6:12

An re a vynn gul omdhiskwedhyans teg y'n kig a'gas konstryn dhe vos trodreghys, unnsel ma na vons i helghys rag krows Krist.

Efesianys 4:14

ma na ven namoy fleghes, tewlys gans mordonnow ha degys a-dro gans pub gwyns a dhyskas, dre sotelneth tus, yn sleyghneth bys y'n felder a doell.

Filippianys 3:18

Rag lies den a gerdh, a neb my a leveris dhywgh yn fenowgh, hag y lavarav lemmyn owth oela, aga bos eskerens a'n grows a Grist.

Filippianys 3:2

Bedhewgh war a'n keun, bedhewgh war a'n dhrogoberoryon, bedhewgh war a'n fals tregh,

Kolossianys 2:4

Hemma a lavarav, ma na'gas toello denvyth gans fekyl lavarow.

Kolossianys 2:8

Bedhewgh war na wrello denvyth agas kemmeres yn keth dre filosofi ha toell gwag, war-lergh hengov mab-den, war-lergh elvennow an bys, a-der war-lergh Krist;

1 Yowann 2:18

A fleghigyow, yth yw an diwettha eur: ha dell re glewsowgh y teu Antekrist, y'n eur ma yma ynwedh lies Antekrist; dredhi y hwodhon hy bos an diwettha eur.

1 Yowann 4:1

Hwi garadowyon, na grysewgh dhe bub spyrys, mes prevewgh an spyrysyon, mars esons i a Dhuw: rag gallas fals profoesi bals yn-mes dhe'n bys.

Lyther Yud 1:4

Rag entra yn unn slynkya yn-dann gel re wrug sertan re a veu seuladhydh apoyntys dhe'n dampnasyon ma, tus dhidhuw a dreyl gras agan Duw bys yn drokhwans ha nagha agan unn mester hag Arloedh, Yesu Krist.

Diskwedhyans 19:20

Ha'n best a veu kemmerys, ha ganso an fals profoes a wrug sinys a-dheragdho, may toellas neb re dhegemmersa merk an best ha neb a wordhya y imaj. An dhew ma a veu tewlys, bew, yn lynn tan ow leski gans loskven.

Diskwedhyans 2:2

‘My a aswonn dha wriansow ha'th lavur ha'th perthyans, ha fatell na yllydh godhav tus dhrog, ha ty re brovas an re a lever aga bos abesteli heb bos yndellma, ha kavoes aga bos gowygyon.

Diskwedhyans 2:20

Byttegyns, yma genev hemma er dha bynn: ty dhe asa an venyn na Yezebel a elow hy honan profoeses dhe dhyski ha dynya ow gwesyon dhe wul fornikasyon ha dybri taklow offrynnys dhe idolys.

Diskwedhyans 2:9

‘My a aswonn dha wriansow ha'th halar ha'th voghosogneth (mes rych osta) ha my a aswonn blasfemi an re a lever aga bos Yedhewon, heb bos yndella, mes synaga Satnas yns i.