2 Korinthianys 10:4 - An Bibel Kernewek 20234 (Kernewek Kemmyn)

⁴ rag arvow agan gwerryans nyns yns a'n kig mes yma dhedha nerth Duw dhe dhomhwel kastylli, ow tomhwel dadhlow

2 Korinthianys 10:4 ပူးပေါင်းရင်းမြစ်များ

Salmow 110:2

An Arloedh a dhyllo gwelenn dha nerth yn-mes a Sion. Rewl ty yn mysk dha eskerens.

Ysay 30:25

War bub menydh ughel ha pub bre ughel y fydh goverow ow resek gans dowr, yn dydh an ladhva vras pan goedh an touryow.

Yeremia 1:10

Mir, my re'th apoyntyas hedhyw war an kenedhlow ha war an gwlaskordhow, dhe dhiwreydhya, ha dhe derri dhe'n dor, dhe dhistrui, ha dhe dhiswul; dhe dhrehevel ha dhe blansa.’

Yeremia 23:29

A nyns yw ow ger avel tan? yn-medh an Arloedh, hag avel morthol a derr karrek dhe demmyn?

Oberow 7:22

Ha Moyses a veu dyskys yn oll skentoleth an Ejyptianys, ha nerthek o yn y eryow ha'y oberow.

Romanyon 13:12

Gyllys pell yw an nos ha devedhys nes yw an jydh. Tewlyn dhe-ves ytho oberow an tewlder ha gwiskyn arvow an golow.

Romanyon 6:13

Ha na rewgh agas eseli dhe begh avel arvow anewnder, mes omrewgh dhe Dhuw avel tus dhastrehevys a vernans dhe vewnans ha'gas eseli dhe Dhuw avel arvow ewnder.

1 Korinthianys 2:5

agas fydh ma na vo yn skentoleth mab-den mes yn nerth Duw.

1 Korinthianys 9:7

Py souder a serv yn y gost y honan? Piw a blans gwinlann heb dybri rann a'y frut? Po py bugel deves a with para heb kavoes rann a'n leth?

2 Korinthianys 10:8

Rag kyn fostiv nebes re a-dro dh'agan awtorita hag a ros an Arloedh dhyn rag agas drehevyans, a-der agas terri dhe'n leur, ny'm bydh meth anodho.

2 Korinthianys 13:10

Rakhenna my a skrif an traow ma, ha my dhe-ves ahanowgh, ma na dhyghtiv yn asper herwydh an awtorita a veu res dhymm gans an Arloedh rag drehevyans, a-der rag diswrians.

2 Korinthianys 3:5

Nyns on ni gwiw dhyn agan honan dhe rekna travyth a'gan honan, mes agan gwiwder yw a Dhuw,

2 Korinthianys 4:7

Ha ni a'gan beus an tresor ma yn lestri a bri, rag may fo an nerth dres eghenn dhiworth Duw, a-der ni;

2 Korinthianys 6:7

yn gwiryonsys a gows, yn nerth Duw, der arvow a ewnder y'n dhorn dhyghow hag y'n dhorn gledh,

1 Thessalonianys 5:8

Mes, ha ni mebyon an jydh, bedhen divedhow, ow kwiska lurik fydh ha kerensa, hag avel basnett, govenek selwyans.

1 Timothi 1:18

An arghadow ma a rov dhis, Timothi ow flogh, war-lergh an geryow a brofoesans kewsys kyns a-dro dhis, may hwrylli omladh dredha an omladh da,

2 Timothi 2:3

Gwra godhevel drog, avel souder da dhe Grist Yesu.

Ebrowyon 11:30

Dre fydh y koedhas fosow Yeriko wosa i dhe gerdhes a-dro dhedha seyth dydh.

Yoshua 6:20

Ytho i a hwythas an hirgern. Kettell glewas an lu son an hirgern, i a armas gans garm vras, ha'n fos a goedhas yn hy le; ytho an lu eth yn-bann y'n sita, pub den ow mos yn tidro, hag i a gemmeras an sita.