2 Korinthianys 10:18 - An Bibel Kernewek 20234 (Kernewek Kemmyn)

¹⁸ rag nyns yw ev neb a omgommend y honan neb yw degemmerys, mes ev neb yw kommendys gans an Arloedh.

2 Korinthianys 10:18 ပူးပေါင်းရင်းမြစ်များ

Lavarow Koth 12:8

Gour yw kommendys herwydh y dhoethter, mes den a vrys treus yw dispresys.

Lavarow Koth 21:2

Pub fordh gour yw ewn yn y dhewlagas y honan, mes an Arloedh a vantol an golonn.

Lavarow Koth 27:2

Gas dhe dhen arall dha wormel, a-der dha anow dha honan; estren, a-der dha dhiwweus dha honan.

Luk 16:15

Hag ev a leveris dhedha, ‘Hwi yw an re a justifi aga honan a-wel tus, mes Duw a aswonn agas kolonn; rag an dra eksaltys yn mysk tus yw pyth kasadow a-wel Duw.

Yowann 12:43

rag i a garas gormel tus moy es gormel Duw.

Oberow 2:22

‘Gwer Ysrael, klewewgh an geryow ma: Yesu a Nazareth, gour kommendys dhywgh gans Duw, gans oberow galloesek ha marthusyon hag toknys hag a wrug Duw dredho yn agas mysk, dell wodhowgh hwi agas honan,

Romanyon 14:18

neb a serv Krist yndella yw plegadow gans Duw ha kevys da gans tus.

Romanyon 16:10

Salusewgh Apelles, neb yw kommendys yn Krist. Salusewgh eseli teylu Aristobulus.

Romanyon 2:29

Mes ev yw gwir Yedhow neb yw onan war-ji, ha trodreghyans yw a'n golonn, yn spyrys heb bos yn lytherenn, ma nag yw y wormola dhiworth tus mes dhiworth Duw.

1 Korinthianys 11:19

Rag y telledh bos eresys yntredhowgh may fons aswonnys an re yntredhowgh yw gwiryon.

1 Korinthianys 4:5

Na vreusewgh travyth, ytho, kyns an ewn-dermyn may teffo an Arloedh, neb a wra golowi traow kudhys y'n tewlder keffrys diskwedhes kusulyow an golonn; hag y'n eur na kettep onan a wra kavoes y wormola dhiworth Duw.

2 Korinthianys 10:12

Rag ny vedhyn klassa po keheveli agan honan dhe rann a'n re neb a omgommend aga honan, mes pan vusurons aga honan an eyl orth y gila, ha keheveli aga honan an eyl dh'y gila, ny gonvedhons.

2 Korinthianys 13:7

Lemmyn ni a bys Duw na wryllowgh drog vyth; nyns yw henna may fo gwelys agan bos sewen y'n prov, mes may hwryllowgh hwi an pyth yw da, kyn havallo ni dhe fyllel.

2 Korinthianys 3:1

A dhallethyn ni omgommendya arta? Poken eus dhyn edhomm, dell eus dhe re, a lytherow a gommendyans dhywgh po dhiworthowgh?

2 Korinthianys 5:12

Nyns eson ni owth omgommendya dhywgh arta, mes ow ri dhywgh spas dhe vostya a-dro dhyn, may hyllowgh gorthybi dhe'n re neb a vost y'n pyth yw gwelys, a-der an pyth usi y'n golonn.

2 Korinthianys 6:4

mes yn pub fordh ni a omgommend avel menystrys Duw, yn meur a wodhevyans, yn galar, yn kaletteryow, yn ahwer,

2 Timothi 2:15

Bydh freth dhe omdhiskwedhes kemmeradow dhe Dhuw, gonisyas heb meth, ow styrya yn ewn an ger a wiryonedh,

1 Peder 1:7

rag may fo kevys prov agas fydh, moy y bris es owr a yll pedri kyn fo prevys gans tan, dhe wormola ha gordhyans hag enor orth diskwedhyans Yesu Krist,