2 Korinthianys 10:10 - An Bibel Kernewek 20234 (Kernewek Kemmyn)

¹⁰ Y leverir gans nebonan, ‘Yn tevri, poesek ha krev yw y lytherow, mes yn agan mysk gwann yw y gorf, ha'y gows y hyllir y dhispresya.’

2 Korinthianys 10:10 ပူးပေါင်းရင်းမြစ်များ

Eksodus 4:10

Ha Moyses a leveris dhe'n Arloedh, ‘Ogh, ow Arloedh, nyns ov gour a eryow, na kyns es lemmyn, nag a-ban gewssys orth dha was, rag lent ov a anow ha lent a daves.’

Yeremia 1:6

Ha my a leveris, ‘Ogh Arloedh DUW, otta, ny wonn kewsel, rag yowynk ov.’

1 Korinthianys 1:17

Rag Krist ny'm dannvonas rag besydhya mes rag aweyla, – ha henna heb skentoleth freth, ma na vo krows Krist gwakhes a'y nerth.

1 Korinthianys 1:21

Rag yn skentoleth Duw, a-ban na wrug an bys aswonn Duw dre skentoleth, Duw a veu plesys, dre follneth an pyth a veu pregewthys, dhe selwel an re a grys.

2 Korinthianys 10:1

My ow honan, Powl, a'gas pys dre glorder ha jentilys Krist, my neb yw uvel pan esov fas orth fas yn agas mysk mes hardh dhywgh pan esov dhe-ves ahanowgh:

2 Korinthianys 10:11

Konvedhes hemma onan a'n par na: an pyth on ni yn ger der agan lytherow, ha ni dhe-ves ahanowgh, yndella ynwedh y fydhyn yn agan ober ha ni yn agas mysk.

2 Korinthianys 10:9

Ny vynnav heveli bos ow hwilas agas ownekhe der ow lytherow.

2 Korinthianys 11:21

Dhe'm meth, my a lever agan bos re wann. Mes yn pypynag nebonan a vettho (yn follneth y kowsav), my a vedh ynwedh.

2 Korinthianys 11:6

Mes mars ov vy yn hwir heb sleyghneth owth arethya, nyns ov vy yndella yn godhvos, hag yn pub fordh ni re wrug henna fest apert dhywgh.

2 Korinthianys 13:3

a-ban hwilowgh hwi prov a Grist ow kewsel ynnov. Nyns yw ev gwann genowgh, mes galloesek yw yn agas mysk.