2 Korinthianys 1:4 - An Bibel Kernewek 20234 (Kernewek Kemmyn)

⁴ neb a'gan konfort yn oll agan poenvos, may hyllyn ni konfortya an re usi yn pub poenvos, der an konfort mayth on ni agan honan konfortys gans Duw.

2 Korinthianys 1:4 ပူးပေါင်းရင်းမြစ်များ

Salmow 32:5

My a aswonnis ow feghes dhiso jy, ha ny gudhis ow hammweyth. My a leveris, ‘My a yes ow hammweyth dhe'n Arloedh’; ha ty a avas kabel ow feghes. Sela.

Salmow 32:7

Ty yw ow hovva, ty a'm gwith rag anken; ty a dheu a-dro dhymm gans kanow livreson. Sela.

Salmow 66:16

Dewgh ha klewewgh, oll hwi a berth own a Dhuw, ha my a dheriv an pyth a wrug ev rag ow enev.

Salmow 86:17

Diskwa dhymm tokyn a'th tader, ma'n gwello an re a'm kas, ha perthi meth, rag ty, A Arloedh, re weresas dhymm, ha'm hebaskhe.

Ysay 12:1

Y'n jydh na ty a lever: My a'th wormel, A Arloedh, rag kyn feus serrys orthiv, dha sorr re dreylyas dhe-ves, ha ty a'm konfortyas.

Ysay 40:1

Konfortyewgh, konfortyewgh ow fobel, a lever agas Duw.

Ysay 49:10

Ny's tevydh na nown na syghes, ny's gwask na toemmder na howl, rag ev neb a gemmer truedh anedha a vynn aga hembronk, ha ryb fentynyow dowr aga hevarwoedha.

Ysay 51:12

My, my yw neb a'gas konfort. Ytho piw osta jy may perthydh own a dhen hag a verow, hag a vab-den neb a wedher avel gwels?

Ysay 51:3

Rag an Arloedh a vynn konfortya Sion, ev a vynn konfortya oll hy magoryow, ha gul hy gwylvos avel Eden, hy difeyth avel lowarth an Arloedh. Joy ha lowender a vydh kevys ynni, grasyans ha lev kana.

Ysay 52:9

Germewgh gans joy, hwi vagoryow a Yerusalem; rag an Arloedh re gonfortyas y bobel, ev re dhasprenas Yerusalem.

Yowann 14:16

Ha my a vynn govynn orth an Tas, hag ev a re dhywgh konforter arall, may hwrello gortos genowgh rag nevra,

Yowann 14:18

‘Ny'gas gasav omdhivas; dos a wrav dhywgh.

Yowann 14:26

Mes an Konforter, an Spyrys Sans neb a wra an Tas y dhannvon y'm hanow vy, ev a dhysk dhywgh pup-tra ha'gas kovha a bup-tra a leveris dhywgh.

2 Korinthianys 7:13

Dre hemma ni re beu konfortys. Mes moy es agan konfort, ni a lowenhas hwath moy drefenn joy Titus, hag a veu disyghys y spyrys genowgh hwi oll;

2 Korinthianys 7:4

Hardhder meur a'm beus orthowgh hwi; meur yw ow bostyans ynnowgh. My re beu lenwys a gonfort; yn oll agan galar ow joy a balsha.

Filippianys 1:14

ha'n brassa rann a'n vreder, kolonnekhes y'n Arloedh der ow holmow, yw moy hardh dhe gewsel an ger heb own.

1 Thessalonianys 4:18

Ytho, kennerthewgh an eyl y gila gans an geryow ma.

1 Thessalonianys 5:11

Rakhenna, kennerthewgh an eyl y gila, ha drehevel an eyl y gila, dell wrewgh yn hwir.

Ebrowyon 12:12

Ytho krevhewgh an dhiwdhorn ydhil ha'gas dewlin dhifreth,