2 Korinthianys 1:12 - An Bibel Kernewek 20234 (Kernewek Kemmyn)

¹² Lemmyn, hemm yw agan bost, dustuni agan kowses, ni dhe omdhegi y'n bys yn sempledh ha gwiryonsys Duw, heb skentoleth an kig mes dre ras Duw, ha dres oll orthowgh hwi.

2 Korinthianys 1:12 ပူးပေါင်းရင်းမြစ်များ

2 Samuel 22:22

Rag my re synsis fordhow an Arloedh, ha ny dhiberthis yn trog dhiworth ow Duw.

Job 13:15

Kyn hwra ev ow ladha; yma govenek dhymm; byttegyns my a dhefend ow fordhow a-rag y fas.

Ysay 38:3

ha leverel, ‘A Arloedh, porth kov, my a'th pys, fatell esen ow kerdhes a-ragos yn gwiryonedh hag a leun golonn, ha my re wrug an pyth yw da y'th wolok.’ Ha Hezekia a oelas yn hwerow.

Oberow 23:1

Powl, ow mires gluw orth an konsel, a leveris, ‘Breder, bys y'n jydh ma my re vewas gans kowses da a-rag Duw.’

Oberow 24:16

Rakhenna my ow honan a striv prest dhe synsi kowses divlam a-rag Duw ha tus oll.

Romanyon 9:1

Yth esov ow kewsel an gwirder yn Krist, ny wowlavarav; ow howses a dheg dustuni y'n Spyrys Sans,

1 Korinthianys 1:17

Rag Krist ny'm dannvonas rag besydhya mes rag aweyla, – ha henna heb skentoleth freth, ma na vo krows Krist gwakhes a'y nerth.

1 Korinthianys 12:8

Rag dhe onan yw res der an Spyrys lavar a skentoleth, dhe onan arall lavar a wodhvos herwydh an keth Spyrys,

1 Korinthianys 15:10

mes dre ras Duw yth ov vy an pyth hag yth ov, ha nyns o euver y ras orthiv. Yn kontrari, my a lavuryas yn kreffa agessa oll, kyn nag o my, mes gras Duw usi genev.

1 Korinthianys 2:13

A-dro dhe'n re ma, ytho, ni a gews yn lavarow nag yw dyskys dre skentoleth mab-den, mes dyskys gans an Spyrys, ow styrya traow spyrysel dhe'n re yw spyrysel.

1 Korinthianys 4:4

rag ny wonn travyth er ow fynn ow honan, mes nyns ov vy akwitys dre henna. An Arloedh yw, neb a'm breus.

1 Korinthianys 5:8

Na wren ni goelya, ytho, naneyl gans goell koth na gans goell a spit hag a dhrog, mes gans bara heb goell, a lelder hag a wiryonedh.

2 Korinthianys 1:17

Rakhenna, pan vynnis gul hemma, en vy hedro? Pan ervirav traow, a oberav vy war-lergh an kig, may leverriv yn kettermyn ‘Ya, ya’ ha ‘Na, na’?

2 Korinthianys 11:3

Mes yma own dhymm, par dell doellas an sarf Eva der y felder, yma own dhymm bos agas brysyow dynys yn neb fordh dhiworth an sempledh ha'n lenduri usi yn Krist.

2 Korinthianys 2:17

Rag nyns on ni gwikoryon a er Duw, kepar ha lies; mes dell ve a lenduri, yn hwir dell ve dhiworth Duw, ha dherag Duw, ni a gews yn Krist.

2 Korinthianys 4:2

mes ni re hepkorras traow kevrinek ha divlas; ny wren ni gul devnydh a felder, na gul kamm ger Duw, mes dre dhiskwedhyans a'n gwiryonedh ni a omgommend dhe gowses pub huni dherag Duw.

2 Korinthianys 8:8

Ny lavarav hemma avel arghadow, mes yth esov vy ow previ gwiryonsys agas kerensa dre dhiwysygneth re erell.

Galatianys 6:4

Mes preves pubonan y ober y honan, hag ena y'n jevydh skila rag bostyans ynno ev y honan, a-der yn den arall;

Efesianys 6:14

Sevewgh, ytho, ha'gas diwglun grogysys gans gwirder, hag ow kwiska an lurik a ewnder,

Filippianys 1:10

rag dissernya an taklow yw an gwella, may fewgh lel ha divlam bys yn dydh Krist,

1 Thessalonianys 2:10

Hwi yw testow, ha Duw ynwedh, fatell en ni sans ha gwiryon ha divlam dhywgh hwi neb a grys.

1 Timothi 1:5

Mes towl an arghadow yw kerensa yn-mes a golonn lan ha kowses da ha fydh heb gil.

Titus 2:7

Yn pup-tra omdhiskwa yn patron gwriansow da, glander y'th tyskas, sevureth,

Ebrowyon 13:18

Pysewgh a'gan govis ni, rag sur on ni bos kowses da dhyn, ow mynnes omdhegi yn enor yn pup-tra.

Jamys 4:6

Mes brassa gras y re ev; rakhenna y lever, ‘Duw a sev erbynn tus woethus, mes dhe dus uvel ev a re ras.’

Yoshua 24:14

‘Lemmyn ytho perthewgh own a'n Arloedh, ha'y servya yn lenduri hag yn gwirder, ha treyl dhiworth an duwow a wrug agas tasow aga servya dres an avon hag yn Ejyp; ha servyewgh an Arloedh.

1 Peder 3:16

mes gans klorder hag own, ow kwitha kowses da, may fons i shamys neb a gabel agas bewedh da yn Krist, pan gewsons er agas pynn.

1 Peder 3:21

Hemm yw tokyn a'gan saw lemmyn, henn yw besydhyans. Nyns yw gorra dhe-ves mostedhes an kig mes gorthyp kowses da dhe Dhuw dre dhasserghyans Yesu Krist,