1 Yowann 5:20 - An Bibel Kernewek 20234 (Kernewek Kemmyn)

²⁰ Ha ni a woer re dheuth Mab Duw ha re ros dhyn konvedhes, dhe aswonn neb yw gwiryon; hag yth eson ynno ev yw gwiryon, yn y Vab Yesu Krist. Hemm yw an gwir Dhuw ha bewnans heb diwedh.

1 Yowann 5:20 ပူးပေါင်းရင်းမြစ်များ

Ysay 44:6

Yndellma y lever an Arloedh, Myghtern Ysrael, ha'y Dhasprenyas, Arloedh an luyow: My yw an kynsa ha my yw an diwettha, hag a-der my nyns eus duw.

Ysay 54:5

Rag dha Wrier yw dha wour pries, Arloedh an luyow yw y hanow; ha'n Sans a Ysrael yw dha Dhasprenyas, Duw an norvys oll y'n henwir.

Ysay 9:6

Rag flogh re beu genys dhyn, mab re beu res dhyn; ha war y dhiwskoedh yma arloettys. Hag ev a vydh henwys Kusulyador Marthys, Duw Galloesek, Tas bys Vykken, Pennsevik Kres.

Yeremia 10:10

Mes an Arloedh yw gwir Dhuw, ev yw an Duw bew, ha myghtern heb diwedh: orth y sorr an norvys a gren, ha ny yll an kenedhlow perthi y sorrvann.

Yeremia 23:6

Yn y dhydhyow Yuda a vydh selwys hag Ysrael a vew yn sawder. Ha hemm yw an hanow may fydh gelwys: An Arloedh agan Ewnder.

Matthew 13:11

Ev a worthybis ha leverel dhedha, ‘Dhy'hwi yth yw grontys aswonn kevrinyow gwlaskor nev, mes dhedha i nyns yw grontys.

Luk 21:15

rag my a re dhywgh ganow ha furneth ma na yll oll agas erbynnoryon sevel er agas pynn na'gas kontradia.

Luk 24:45

Ena ev a igeris aga brys dhe gonvedhes an skryptors.

Yowann 1:18

Denvyth ny welas Duw bythkweth; an unn Vab dineythys, neb usi yn askra an Tas, ev re'n diskudhas.

Yowann 10:30

My ha'm Tas yw onan.’

Yowann 14:20

Y'n jydh na hwi a wodhvydh my dhe vos y'm Tas, ha hwi ynnov vy, ha my ynnowgh hwi.

Yowann 14:23

Yesu a worthybis ha leverel dhodho, ‘Piwpynag a'm karro a with ow geryow, ha'm Tas a'n karvydh, ha ni a dheu dhodho ha gul agan trigva ynno.

Yowann 14:6

Yn-medh Yesu dhodho, ‘My yw an fordh, ha'n gwir, ha'n bewnans. Ny dheu denvyth dhe'n Tas saw dredhov vy.

Yowann 14:9

Yn-medh Yesu dhodho, ‘Esen vy genowgh termyn mar hir, ha ny'm aswonnsys, Felip? Neb re'm gwelas vy re welas an Tas; ha fatell leverydh, “Diskwa dhyn an Tas”?

Yowann 15:4

Trigewgh ynnov vy, ha my ynnowgh hwi. Dell na yll an skorrenn doen frut hy honan marnas hi a drig y'n gwinbrenn, yndella ny yllowgh hwi, marnas hwi a drig ynnov vy.

Yowann 17:14

My a ros dhedha dha er, ha'n bys a's kasas, rag nyns esons i a'n bys, kepar dell nag esov vy a'n bys.

Yowann 17:25

‘A Das gwiryon, ny wra an bys dha aswonn, mes my a'th aswonn, ha'n re ma a woer ty dhe'm aswonn.

Yowann 17:3

Ha hemm yw bewnans heb diwedh: ma'th aswonnons ty, an unn gwir Dhuw, ha Yesu Krist neb re dhannvensys.

Yowann 20:28

Tommas a worthybis, ha leverel dhodho, ‘Ow Arloedh, ha'm Duw!’

Yowann 8:42

Yn-medh Yesu dhedha, ‘Mar pe Duw agas Tas, hwi a wrussa ow hara; rag my a dheuth dhiworth Duw, hag omma yth esov. Nyns ov vy devedhys ahanav ow honan, mes ev a'm dannvonas.

Oberow 20:28

Kemmerewgh with a'gas honan hag a'n para oll ma'gas gorras an Spyrys Sans avel gorwoelysi rag bugelya eglos Duw, a waynyas der y woes y honan.

Romanyon 9:5

dhedha yth yw an ugheldasow hag a'ga eghenn, war-lergh an kig, yw Krist usi a-ugh oll, Duw benniges bys vykken. Amen.

1 Korinthianys 1:30

Anodho ev yth esowgh hwi yn Krist Yesu, neb a dheuth ha bos ragon ni skentoleth dhiworth Duw, hag ewnder ha sansheans ha daspren.

2 Korinthianys 4:6

Rag Duw, neb a leveris ‘Yn-mes a dewlder y hwra golow splanna’, re splannas yn agan kolonnow dhe ri golow godhvos golewder Duw yn fas Krist.

2 Korinthianys 5:17

Ytho, mars eus nebonan yn Krist, kreasyon nowydh yw; tremenys dhe-ves yw an traow koth: otta, deuvons ha bos nowydh.

Efesianys 3:18

ma'gas bo nerth dhe gonvedhes gans oll an syns, pyth yw an les ha'n hys ha'n ughelder ha'n downder,

Filippianys 3:9

ha may fiv kevys ynno, heb kavoes ow ewnder vy a dheu a'n lagha mes an ewnder a dheu dre fydh yn Krist, an ewnder a dheu a Dhuw, selys war fydh;

1 Timothi 3:16

Res yw avowa, meur, dhe wir, yw an kevrin a sansoleth: Diskwedhys veu y'n kig, prevys ewn y'n Spyrys, gwelys gans eledh, pregewthys ynter an Jentilys, krysys y'n bys, kemmerys yn-bann yn splannder.

Titus 2:13

ow kortos an govenek gwynnvys ha'n omdhiskwedhyans a'n splannder a'n Duw meur ha'gan Selwador Krist Yesu,

Ebrowyon 1:8

Mes a-dro dhe'n Mab y lever, ‘Dha dron, a Dhuw, yw bys vykken ha bynnari; gwelenn wiryon yw gwelenn dha wlaskor.

1 Yowann 2:23

Pub huni neb a nagh an Mab, na byth moy ny'n jeves an Tas; neb a aswonn an Mab a'n jeves an Tas ynwedh.

1 Yowann 2:24

Triges ynnowgh, an pyth re glewsowgh a-dhia'n dalleth. Mar trig ynnowgh an pyth re glewsowgh a-dhia'n dalleth, hwi ynwedh a wra triga y'n Mab hag y'n Tas.

1 Yowann 2:6

Neb a lever ev dhe driga ynno, y tegoedh dhodho ynwedh kerdhes par dell gerdhi ev.

1 Yowann 4:14

Ha ni re welas ha ni a deg dustuni, y hwrug an Tas dannvon an Mab dhe vos Selwador an bys.

1 Yowann 4:16

Ha ni re aswonnis, ha krysi an gerensa a'n jeves Duw orthyn. Duw yw kerensa; ha neb a drig yn kerensa a drig yn Duw, ha Duw a drig ynno ev.

1 Yowann 4:2

Dredhi yth aswonnowgh Spyrys Duw: pub spyrys a avow Yesu Krist dhe vos devedhys y'n kig, yma ev a Dhuw.

1 Yowann 5:1

Pub huni a grys Yesu dhe vos an Krist yw genys a Dhuw; ha pub huni a gar dineythor a gar ynwedh an flogh dineythys ganso.

1 Yowann 5:15

Ha mar kodhon ev dh'agan klewes yn pypynag a byssyn, ni a woer ni dhe gavoes an pyth a wovynnsyn orto.

1 Yowann 5:18

Ni a woer na begh piwpynag a vo genys a Dhuw, mes Neb a veu genys a Dhuw a'n gwith, ha na'n toch an tebel el.

1 Yowann 5:5

Piw yw ev a feth an bys saw neb a grys Yesu dhe vos Mab Duw?

Diskwedhyans 15:3

Hag i a gan kan Moyses gwas Duw, ha kan an Oen, ow leverel, ‘Bras ha marthys yw dha wriansow, A Arloedh Duw Ollgalloesek; ewn ha gwir yw dha fordhow, A Vyghtern an kenedhlow.

Diskwedhyans 19:11

Ha my a welas nev igerys, hag otta, margh gwynn hag ev neb o esedhys warnodho o henwys Len ha Gwir, hag yn ewnder ev a vreus ha gwerrya.

Diskwedhyans 3:14

‘Ha dhe el a'n eglos yn Laodikea skrif: An taklow ma a lever an Amen, an test len ha gwir, dalleth kreasyon Duw:

Diskwedhyans 3:7

‘Ha dhe el an eglos yn Filadelfia skrif: An taklow ma a lever neb yw sans, neb yw gwir, neb a'n jeves alhwedh Davydh, neb a iger, ha denvyth ny dhege, ha degea ha denvyth ny iger:

Diskwedhyans 6:10

Hag i a armas, ughel aga lev, ow leverel, ‘Pygemmys prys, A Arloedh sans ha gwir, na vreusydh na diella agan goes war an re a drig war an norvys?’