1 Yowann 5:19 - An Bibel Kernewek 20234 (Kernewek Kemmyn)

¹⁹ Ni a woer ni dhe vos a Dhuw, ha bos oll an bys yn nerth an tebel el.

1 Yowann 5:19 ပူးပေါင်းရင်းမြစ်များ

Luk 4:6

ha'n jowl a leveris dhodho, ‘My a re dhis oll an galloes ma ha'ga splannder, rag y feu kemmynnys dhymm, ha my a'n re dhe biwpynag a vynnav;

Yowann 12:31

Lemmyn yth yw breus an bys ma, lemmyn y fydh pryns an bys ma tewlys yn-mes.

Yowann 14:30

Ny wrav vy kewsel meur genowgh na fella, rag pryns an bys a dheu; ha ny'n jeves galloes warnav.

Yowann 16:11

hag a-dro dhe vreus, rag pryns an bys ma yw breusys.

Yowann 17:15

Ny wovynnav ty dh'aga hemmeres yn-mes a'n bys, mes ty dh'aga gwitha rag an tebel el.

Romanyon 8:16

An Spyrys y honan a dheg dustuni gans agan spyrys ni, ni dhe vos fleghes Duw,

2 Korinthianys 1:12

Lemmyn, hemm yw agan bost, dustuni agan kowses, ni dhe omdhegi y'n bys yn sempledh ha gwiryonsys Duw, heb skentoleth an kig mes dre ras Duw, ha dres oll orthowgh hwi.

2 Korinthianys 4:4

An duw a'n oes ma re dhallas brysyow an dhiskryjygyon ma na welsons i golow aweyl golewder Krist, neb yw imaj Duw.

2 Korinthianys 5:1

Rag ni a woer hemma: mars yw distruys agan chi y'n bys, an tylda ma, yma dhyn drehevyans a Dhuw, chi nag yw gwrys gans leuv, a dhur bynitha y'n nevow.

Galatianys 1:4

a omros y honan rag agan peghosow rag ma'gan deliffra mes a'n bys, drog dell yw y'n eur ma, herwydh bodh agan Duw ha Tas,

Efesianys 2:2

may kerdhsowgh ynna war-lergh gis an bys ma, war-lergh penntern galloes an ayr, an spyrys a ober lemmyn yn mebyon diwostytter;

2 Timothi 1:12

Rakhenna y hwodhavav an taklow ma; mes ny borthav meth, rag my a woer neb re grysis ynno ha sur ov vy ev dhe alloes gwitha an pyth re beu gorrys y'm charj, bys y'n jydh na.

Titus 3:3

Rag ni ynwedh o foll, diwostydh, toellys, kethwesyon dhe drokhwansow ha plesours divers, ow pewa yn atti hag avi, kasadow, hag ow kasa an eyl y gila.

Jamys 4:4

A avoutresow! A ny wodhowgh hwi kerensa an bys dhe vos eskarogeth erbynn Duw? Piwpynag a vynno bos koweth an bys a omwra eskar Duw.

1 Yowann 3:14

Ni a woer ni dhe dremena a'n mernans dhe'n bewnans, drefenn ni dhe gara an vreder. Neb na gar y vroder, a drig yn mernans.

1 Yowann 3:24

Ha'n re a with y worhemmynnow, a drig ynno, hag ynna ev a drig. Ha dredhi y hwodhon y trig ev ynnon, der an spyrys re ros dhyn.

1 Yowann 5:10

Neb a grys yn Mab Duw a'n jeves an dustuni ynno y honan. Neb na grys yn Duw, re'n gwrug gowleveryas; rag na grysis an dustuni re ros a-dro dh'y Vab.

1 Yowann 5:13

My re skrifas an re ma dhywgh a grys yn hanow Mab Duw, rag may hwodhvowgh bos dhywgh bewnans heb diwedh.

1 Yowann 5:15

Ha mar kodhon ev dh'agan klewes yn pypynag a byssyn, ni a woer ni dhe gavoes an pyth a wovynnsyn orto.

1 Yowann 5:18

Ni a woer na begh piwpynag a vo genys a Dhuw, mes Neb a veu genys a Dhuw a'n gwith, ha na'n toch an tebel el.

1 Yowann 5:20

Ha ni a woer re dheuth Mab Duw ha re ros dhyn konvedhes, dhe aswonn neb yw gwiryon; hag yth eson ynno ev yw gwiryon, yn y Vab Yesu Krist. Hemm yw an gwir Dhuw ha bewnans heb diwedh.

Diskwedhyans 12:9

Ha'n dhragon veur a veu tewlys yn-nans, an sarf goth neb yw gelwys an Jowl, ha Satnas, neb a doell oll an bys: ev a veu tewlys yn-nans bys y'n dor, ha'y eledh a veu tewlys yn-nans ganso.

Diskwedhyans 20:3

hag ev a's tewlys y'n pytt diwoeles hag a'n degeas, hag a worras sel warnodho, na doella an kenedhlow namoy bys pan vo an mil vlydhen kowlwrys. A-wosa y koedh dhodho bos delivrys berr dermyn.