1 Yowann 5:16 - An Bibel Kernewek 20234 (Kernewek Kemmyn)

¹⁶ Den mar kwel y vroder ow pegha peghes nag eus bys yn mernans, ev a wra pysi, ha Duw a re dhodho bewnans rag an re na beghons bys yn mernans. Yma peghes yw peghes bys yn mernans; ny lavarav y tylir pysi rakhenna.

1 Yowann 5:16 ပူးပေါင်းရင်းမြစ်များ

Jenesis 20:17

Ytho Abraham a bysis war Dhuw ha Duw a sawyas Abimelek ha'y wreg ha'y vaghtethyon, hag i a dhineythis fleghes.

Jenesis 20:7

Lemmyn ytho, daskorr y wreg dhe'n gour, rag profoes yw ev, hag ev a bys ragos, ha ty a vew. Mes mar ny wredh hy daskorr, gwra godhvos ty dhe verwel yn sur, ty ha myns eus dhis.’

Salmow 106:23

Rakhenna ev a leveris y hwrussa aga diswul, na saffa Moyses y dhewisys a-dheragdho y'n aswa, rag treylya y sorr dhe-ves ma na's diswrello.

Eksodus 34:9

Hag y leveris, ‘Mar kevis lemmyn gras y'th wolok, A Arloedh, my a'th pys, gwres an Arloedh mones yn agan mysk, kynth yw pobel kales hy hilbenn; ha gav agan kammweyth ha'gan pegh, ha kemmer ni rag dha eretons.’

Yeremia 11:14

Ytho na wra pysi rag an bobel ma, na drehevel kri na pysadow ragdha: rag ny's klewav pan grions warnav yn termyn aga foenvos.

Yeremia 14:11

Ena an Arloedh a leveris dhymm: Na wra pysi rag dader an bobel ma.

Yeremia 7:16

Ty ytho, na bys rag an bobel ma, na na dhrehav kri na pysadow ragdha, na pledya genev: rag ny'th klewav.

Ezekiel 22:30

My a hwilas gour anedha a vynna drehevel an fos ha sevel a-ragov y'n aswa, ma na ve an pow distruys, mes ny'n kevis.

Niverow 12:13

Ha Moyses a grias war an Arloedh, ‘Gwra hy sawya, a Dhuw, my a'th pys.’

Niverow 15:30

Mes an den neb a wra neppyth, ughel y dhorn, kyn fo genesik po alyon, a villik an Arloedh; ha'n den na a vydh treghys dhe-ves dhiworth y bobel.

Luk 12:10

Seul a lavarro ger erbynn Mab an den, y fydh gevys dhodho; mes neb a gabel erbynn an Spyrys Sans, ny vydh gevys dhodho.

Yowann 17:9

Ragdha i y pysav, ny bysav rag an bys mes rag an re a resys dhymm, rag dhiso jy yth yns,

2 Timothi 4:14

Aleksander an gweythor kober a wrug meur dhrog dhymmo; an Arloedh a re dhodho war-lergh y wriansow.

1 Yowann 5:17

Oll kammwrians yw peghes, mes yma peghes nag yw bys yn mernans.

1 Samuel 12:19

Oll an bobel a leveris dhe Samuel, ‘Pys war an Arloedh dha Dhuw rag dha wesyon, rag na verwyn; rag ni re geworras dhe oll agan peghosow an drog ma, dhe wovynn myghtern ragon.’

1 Samuel 2:25

Mar pegh unn gour erbynn gour arall, Duw a vreus yntredha; mes mar pegh gour erbynn an Arloedh, piw a vydh an pledyas ragdho?’ Mes ny woslowsons orth lev aga thas; drefenn bos bodh an Arloedh aga ladha.