1 Yowann 4:17 - An Bibel Kernewek 20234 (Kernewek Kemmyn)

¹⁷ Dre hemma yth yw agan kerensa perfydhhes, rag ma'gan bo fydhyans dydh breus; rag dell yw ev, yndella yth on y'n bys ma.

1 Yowann 4:17 ပူးပေါင်းရင်းမြစ်များ

Matthew 10:15

Yn hwir y lavarav dhywgh, esya vydh hi dhe bow Sodom ha Gomorra dydh breus ages dhe'n sita na.

Matthew 10:25

Lowr yw dhe'n dyskybel y vos avel y vester, ha'n kethwas avel y arloedh. Mar kalwsons mester an chi Belzebul, pygemmys moy y vayni ev?

Matthew 11:22

Mes yn-medhav dhywgh, y fydh moy perthadow rag Tyr ha Sidon dydh breus es dell vydh ragowgh hwi.

Matthew 11:24

Byttegyns, y lavarav dhywgh, y fydh moy perthadow rag tir Sodom dydh breus es dell vydh ragos jy.’

Matthew 12:36

Hag yn-medhav dhywgh, pub lavar dibreder a gews tus, i a attal akont anodho dydh breus,

Yowann 15:20

Perthewgh kov a'n ger a gewsis dhywgh: Nyns yw an kethwas brassa es y vester. Mar kwrussons ow helghya vy, i a'gas helgh hwi ynwedh; mar kwrussons gwitha ow ger vy, ynwedh i a with agas ger hwi.

Yowann 17:22

Ha'n glori a resys dhymm, my re'n ros dhedha i, may fons i onan kepar dell on ni onan,

Romanyon 8:29

Rag an re a ragaswonnis, ev a's ragdhestnas ynwedh dhe vos kesfurvys yn imaj y Vab, rag may fo ev an kynsa-genys yn mysk breder pals.

Ebrowyon 9:27

Ha poran dell yw ordenys dhe dus merwel unnweyth, ha wosa henna breus,

Jamys 2:13

Rag an vreus a vydh heb tregeredh dhe neb na dhiskwa tregeredh. Tregeredh a drygh war vreus.

Jamys 2:22

Ty a wel bos fydh ow kesoberi gans y wriansow ha bos fydh kowlwrys dre wriansow.

2 Peder 2:9

ena an Arloedh a woer delivra tus dhuwek yn-mes a brevyans, mes gwitha tus kammhynsek yn-dann gessydhyans bys dydh breus,

2 Peder 3:7

Mes an nevow ha'n nor a'n termyn ma re beu gwithys der an keth ger rag tan, synsys bys dydh breus, ha diswrians an re dhidhuw.

1 Yowann 2:28

Ha lemmyn, fleghigyow, trigewgh ynno rag ma'gan bo fydhyans ynno pan omdhiskwettho, ha ma na'gan bo meth a-ragdho orth y dhevedhyans.

1 Yowann 2:5

Mes piwpynag a synso y er, ynno yth yw kerensa Duw perfydhhes: dredhi y hwodhon, ni dhe vos ynno.

1 Yowann 2:6

Neb a lever ev dhe driga ynno, y tegoedh dhodho ynwedh kerdhes par dell gerdhi ev.

1 Yowann 3:1

Otta, py par kerensa re ros an Tas dhyn, bys ma'gan henwir fleghes Duw. Ytho ny'gan aswonn an bys drefenn na'n aswonni ev.

1 Yowann 3:3

Ha pub den a'n jeves an govenek ma ynno a omlanha, poran dell yw ev glan.

1 Yowann 3:7

Fleghigow, na esewgh denvyth dh'agas toella; neb a wra ewnder yw ewn, par dell yw ev ewn.

1 Yowann 4:12

Bythkweth ny welas denvyth Duw. Mar keryn an eyl y gila, Duw a drig ynnon, ha'y gerensa yw perfydhhes ynnon.