1 Yowann 4:14 - An Bibel Kernewek 20234 (Kernewek Kemmyn)

¹⁴ Ha ni re welas ha ni a deg dustuni, y hwrug an Tas dannvon an Mab dhe vos Selwador an bys.

1 Yowann 4:14 ပူးပေါင်းရင်းမြစ်များ

Yowann 1:14

Ha'n Ger a veu gwrys kig hag a drigas yn agan mysk, ha ni a welas y wolewder, golewder avel dhe'n unn Vab dineythys a'n Tas, leun a ras hag a wirder.

Yowann 1:29

Ternos ev a welas Yesu ow tos dhodho hag yn-medh ev, ‘Awotta Oen Duw neb a gemmer dhe-ves peghadow an bys.

Yowann 10:36

a yllowgh leverel anodho ev neb a wrug an Tas y sakra ha'y dhannvon y'n bys, “Ty a lever blasfemi”, rag my dhe leverel, “Mab Duw ov vy”?

Yowann 12:47

Ha piwpynag a glywvo ow geryow heb aga gwitha, ny wrav vy y vreusi, rag nyns ov vy devedhys dhe vreusi an bys mes dhe selwel an bys.

Yowann 3:11

‘Yn hwir, yn hwir y lavarav dhis, ni a gews an pyth a wodhon, ha ni a dheg dustuni a'n pyth a welsyn; ha ny dhegemmerowgh agan dustuni.

Yowann 3:32

An pyth re welas ha re glewas, ev a dheg dustuni anodho, ha denvyth ny dhegemmer y dhustuni.

Yowann 3:34

Rag ev neb re wrug Duw y dhannvon a gews geryow Duw, rag ny re ev an Spyrys orth musur.

Yowann 4:42

hag yn-medhons dhe'n venyn, ‘Ny grysyn na fella drefenn dha lavar jy, mes ni agan honan re glewas ha godhvos hemma dhe vos yn hwir Selwador an bys.’

Yowann 5:39

‘Hwi a hwila an skryptors, rag ynna y tybowgh hwi dhe gavoes bewnans heb diwedh. Hag i aga honan yw an re a dheg dustuni ahanav;

Oberow 18:5

Ha pan dheuth Silas ha Timothi yn-nans a Makedonia, Powl a omri moy ha moy dhe'n ger, ow toen dustuni dhe'n Yedhewon bos Yesu an Krist.

1 Peder 5:12

Dre Silvanus, broder lel, my a dyb, re skrifis vy dhywgh war nebes lavarow, ow keski ha dustunia bos hemma gwir ras Duw; sevewgh fyrv ynno.

1 Yowann 4:10

Yn hemma yw kerensa, nyns yw ni dhe gara Duw, mes ev dhe dhannvon y Vab dhe vos an dehwelyans rag agan peghosow.

1 Yowann 5:9

Mar kevyn an dustuni a dus, dustuni Duw yw brassa: rag hemm yw dustuni Duw a dustunias a-dro dh'y Vab.