1 Yowann 3:23 - An Bibel Kernewek 20234 (Kernewek Kemmyn)

²³ Ha hemm yw y worhemmynn, may kryssyn yn hanow y Vab Yesu Krist, ha may kyrryn an eyl y gila, dell ros gorhemmynn dhyn.

1 Yowann 3:23 ပူးပေါင်းရင်းမြစ်များ

Salmow 2:12

Ymmewgh dhe'n mab, ma na vo serrys, ha na yllowgh dhe goll y'n fordh; rag y sorr a flamm yn skon. Gwynnvys oll an re a hwila skovva ynno ev.

Matthew 22:39

Ha'n nessa yw haval dhodho, “Ty a wra kara dha gentrevek kepar dell omgerydh dha honan.”

Mark 9:7

Hag y teuth kommolenn ha tewlel skeus warnedha; ha lev a dheuth yn-mes a'n gommolenn, ‘Hemm yw ow Mab karadow: klewewgh ev.’

Yowann 1:12

Mes kemmys a'n degemmeras, dhedha y ros ev galloes dhe vos fleghes Duw, dhe'n re a grys yn y hanow ev,

Yowann 13:34

Gorhemmynn nowydh a rov dhywgh, hwi dhe gara an eyl y gila; dell wrugavy agas kara, hwi ynwedh dhe gara an eyl y gila.

Yowann 14:1

‘Na vedhes troblys agas kolonn; hwi a grys yn Duw, krysewgh ynwedh ynnov vy.

Yowann 15:12

‘Hemm yw ow gorhemmynn, may kyrrowgh an eyl y gila dell wrugavy agas kara hwi.

Yowann 17:3

Ha hemm yw bewnans heb diwedh: ma'th aswonnons ty, an unn gwir Dhuw, ha Yesu Krist neb re dhannvensys.

Yowann 2:23

Ytho pan esa ev yn Yerusalem y'n pask, y'n goel, lies a grysis yn y hanow ev, pan welsons an toknys a wrug.

Yowann 3:18

Nyns yw breusys neb a grys ynno ev; mes neb na grys yw breusys seulabrys, rag ny grysis yn hanow an unn Vab dineythys a Dhuw.

Yowann 6:29

Yesu a worthybis ha leverel dhedha, ‘Hemm yw ober Duw, hwi dhe grysi ynno ev neb a wrug y dhannvon.’

Oberow 16:31

Hag yn-medhons i, ‘Krys y'n Arloedh Yesu, ha ty ha'th vayni a vydh selwys.’

Efesianys 5:2

ha kerdhewgh yn kerensa, kepar dell wrug Krist agas kara hag omri y honan ragon ni yn offrynn ha sakrifis dhe Dhuw, sawer plegadow.

1 Thessalonianys 4:9

A-dro dhe gerensa a'n vreder, ny'gas beus edhomm my dhe skrifa dhywgh, rag hwi re beu dyskys gans Duw dhe gara an eyl y gila,

1 Timothi 1:15

Len yw an ger ha gwiw dhe bub kemmeryans, Krist Yesu dhe dhos a-bervedh y'n bys dhe selwel peghadoryon; ha'n kynsa anedha ov vy.

1 Peder 1:22

Wosa glanhe agas enev der wostytter dhe'n gwir, dhe gerensa broder heb fayntys, kerewgh an eyl y gila yn tiwysyk, yn-mes a golonn lan.

1 Peder 4:8

Kyns oll, kevewgh kerensa yntredhowgh heb hedhi, rag kerensa a gudh peghosow pals.

1 Yowann 2:7

Hwi garadowyon, ny skrifav dhywgh gorhemmynn nowydh, mes gorhemmynn koth a'gas bo a-dhia'n dalleth. An gorhemmynn koth yw an ger re glewsowgh.

1 Yowann 3:11

Rag hemm yw an messaj re glewsowgh a-dhia'n dalleth, may karren an eyl y gila.

1 Yowann 4:15

Piwpynag a gonfessyo Yesu dhe vos Mab Duw, Duw a drig ynno, hag ev a drig yn Duw.

1 Yowann 4:21

Ha'n gorhemmynn ma a'gan beus ganso: Neb a gar Duw, kares y vroder ynwedh.

1 Yowann 5:13

My re skrifas an re ma dhywgh a grys yn hanow Mab Duw, rag may hwodhvowgh bos dhywgh bewnans heb diwedh.