1 Yowann 3:22 - An Bibel Kernewek 20234 (Kernewek Kemmyn)

²² Ha ni a'gan beus ganso pypynag a bysyn, drefenn ni dhe witha y worhemmynnow ha ni dhe wul an pyth yw plegadow a-ragdho.

1 Yowann 3:22 ပူးပေါင်းရင်းမြစ်များ

Job 22:26

ena ty a lowenha y'n Ollgalloesek, ha drehevel dha fas dhe Dhuw.

Salmow 10:17

Arloedh, ty re glewas desir an re uvel; ty a gennerth aga holonn, ty a wra dhe'th skovarn goslowes,

Salmow 34:4

My a hwilas an Arloedh, hag ev a worthybis dhymm, ha'm delivra dhiworth pup-tra a borthav own anodho.

Salmow 50:15

Ha galw warnav yn dydh anken; my a'th telirv, ha ty a wra ow gordhya.

Lavarow Koth 15:29

Yma an Arloedh pell dhiworth an debeles, mes ev a glew pysadow an re wiryon.

Lavarow Koth 28:9

Mar treyl nebonan y skovarn ma na glewo an lagha, y bysadow yw tra gasadow hogen.

Ysay 1:15

Pan ystynnowgh agas diwleuv, my a gudh ow dewlagas ragowgh; ynwedh pan wrewgh meur a bysadow, ny woslowav vy. Agas diwleuv yw leun a woes.

Yeremia 33:3

Galow dhymm ha my a worthyp dhis, ha derivas dhis traow meur hag andrehedhadow na aswonnsys.

Matthew 17:5

Hag ev ow kewsel, awotta, kommolenn wolow a dewlis skeus warnedha, hag awotta lev yn-mes a'n gommolenn ow leverel, ‘Hemm yw ow Mab karadow, mayth usi ynno ow delit; klewewgh ev.’

Matthew 21:22

ha pypynag oll a wovynnowgh yn pysadow gans fydh, hwi a'n kyv.’

Mark 11:24

Rakhenna my a lever dhywgh, pypynag a hwilowgh pan bysowgh, krysewgh y dhegemmeres, ha hwi a'n kyv.

Yowann 14:13

Ha pypynag a wovynnowgh y'm hanow vy, henna a wrav, may fo glorifiys an Tas y'n Mab.

Yowann 15:10

Mar kwithowgh ow gorhemmynnow, trigewgh y'm kerensa, kepar dell withis vy gorhemmynnow ow Thas ha triga yn y gerensa ev.

Yowann 15:7

Mar trigowgh ynnov, ha'm geryow mar trigons ynnowgh, govynnewgh pypynag a vynnowgh, ha gwrys vydh ragowgh.

Yowann 6:29

Yesu a worthybis ha leverel dhedha, ‘Hemm yw ober Duw, hwi dhe grysi ynno ev neb a wrug y dhannvon.’

Yowann 8:29

Yma genev vy ev neb a'm dannvonas. Ny'm gasas ow honan, rag pup-prys my a wra an pyth yw plegadow dhodho.’

Yowann 9:31

Ni a woer na glew Duw peghadoryon, mes mars yw den gordhyer a Dhuw, hag ow kul y volonjedh, ev a wra y glewes.

Oberow 17:30

Ytho, ny wrug Duw vri a'n oesow a dhiskians, ha lemmyn ev a worhemmynn dhe boblow oll yn pub le may kemmerrons edrek,

Oberow 20:21

hag ow tustunia keffrys dhe Yedhewon ha dhe Grekys a-dro dhe edrek a-rag Duw ha fydh yn agan Arloedh Yesu.

Filippianys 4:18

Pup-tra a'm beus hag y palshav; lenwys ov vy ow tegemmeres taklow dhiworthowgh der Epafroditus, sawer plegadow, sakrifis kemmeradow ha plegadow dhe Dhuw.

Kolossianys 1:10

dhe gerdhes gwiw dhe'n Arloedh, ow plegya yn tien, ow toen frut yn pub ober da hag ow tevi yn aswonnvos Duw,

Ebrowyon 13:21

re'gas provio gans pub tra vas may hwryllowgh y vodh, ow kul ynnon an pyth yw plegadow yn y wolok dre Yesu Krist; dhe neb bedhes gordhyans bys vykken ha bynnari. Amen.

Jamys 1:5

Mes mar fyll furneth dhe nebonan ahanowgh, govynnes ev orth Duw a re dhe bub den yn hel, heb keredhi, hag y fydh res dhodho.

Jamys 4:3

Hwi a wovynn heb degemmeres, rag hwi a gammwovynn, may hyllowgh spena, ow siwya agas hwansow.

Jamys 5:16

Ytho, yesewgh agas peghosow an eyl dh'y gila, ha pysewgh an eyl rag y gila, may fewgh yaghhes. Pur nerthek yw an pysadow effeythus a dhen gwiryon.

1 Yowann 2:3

Ha dredhi y hyllyn bos sur y'n aswonnyn, mar kwithyn y worhemmynnow.

1 Yowann 5:14

Ha hemm yw an fydhyans a'gan beus ynno: mar pysyn neppyth dhiworto herwydh y vodh, ev dh'agan klewes.