1 Yowann 3:21 - An Bibel Kernewek 20234 (Kernewek Kemmyn)

²¹ Hwi garadowyon, mar ny'gan kuhudh agan kolonn, ytho ni agan beus fydhyans a-rag Duw.

1 Yowann 3:21 ပူးပေါင်းရင်းမြစ်များ

Job 22:26

ena ty a lowenha y'n Ollgalloesek, ha drehevel dha fas dhe Dhuw.

Job 27:6

My a syns fast ow gwiryonsys ha ny'n gasav nevra; ny wra ow holonn ow heredhi hedre viv yn few.

Salmow 101:2

My a omdheg yn fur yn fordh dhivlam. P'eur fydhydh ow tos dhymm? My a gerdh gans kolonn lan a-berth y'm chi.

Romanyon 14:22

An fydh a'th eus, gwith hi ragos dha honan a-rag Duw; gwynnvys neb na omvreus y'n pyth yw da ganso.

1 Korinthianys 4:4

rag ny wonn travyth er ow fynn ow honan, mes nyns ov vy akwitys dre henna. An Arloedh yw, neb a'm breus.

2 Korinthianys 1:12

Lemmyn, hemm yw agan bost, dustuni agan kowses, ni dhe omdhegi y'n bys yn sempledh ha gwiryonsys Duw, heb skentoleth an kig mes dre ras Duw, ha dres oll orthowgh hwi.

Efesianys 3:12

yn neb y'gan beus kolonnekter ha fordh dhodho yn trest dre fydh ynno.

1 Timothi 2:8

Ytho, my a vynn may hwrello pysi an wer yn pub le, ow trehevel diwla sans heb sorr na disputyans.

Ebrowyon 10:22

nesyn gans kolonn wir yn surneth leun a fydh, agan kolonn purhes glan a debelgowses ha'gan korf golghys gans dowr pur.

Ebrowyon 4:16

Nesyn ytho gans fydhyans dhe'n tron a ras, may tegemmerryn tregeredh ha kavoes gras dhe weres yn termyn edhomm.

1 Yowann 2:28

Ha lemmyn, fleghigyow, trigewgh ynno rag ma'gan bo fydhyans ynno pan omdhiskwettho, ha ma na'gan bo meth a-ragdho orth y dhevedhyans.

1 Yowann 2:7

Hwi garadowyon, ny skrifav dhywgh gorhemmynn nowydh, mes gorhemmynn koth a'gas bo a-dhia'n dalleth. An gorhemmynn koth yw an ger re glewsowgh.

1 Yowann 3:2

Hwi garadowyon, lemmyn yth on fleghes Duw, ha ny welir hwath pandr'a vydhyn: mes ni a woer y fydhyn haval dhodho pan omdhiskwettho; rag ni a wra y weles dell yw ev.

1 Yowann 3:20

Rag mara'gan kuhudh agan kolonn ni, Duw yw brassa ages agan kolonn, hag a woer pup-tra.

1 Yowann 4:17

Dre hemma yth yw agan kerensa perfydhhes, rag ma'gan bo fydhyans dydh breus; rag dell yw ev, yndella yth on y'n bys ma.

1 Yowann 5:14

Ha hemm yw an fydhyans a'gan beus ynno: mar pysyn neppyth dhiworto herwydh y vodh, ev dh'agan klewes.