1 Yowann 3:13 - An Bibel Kernewek 20234 (Kernewek Kemmyn)

¹³ Na vedhewgh sowdhenys, A vreder, mara'gas kas an bys.

1 Yowann 3:13 ပူးပေါင်းရင်းမြစ်များ

Lavarow Koth 29:27

Gour anewn yw tra gasadow dhe'n re wiryon, mes an re ewnhynsek yw tra gasadow dhe'n tebelwas.

Ekklesiastes 5:8

Mar kwelydh arwask an boghosek ha ladrans a wirvreus hag ewnder yn rannvro, na borth marth a'n dra. Rag dres soedhek ughel yma soedhek ughella, ha dres an re ma yma tus ughella hwath.

Matthew 10:22

Ha hwi a vydh kesys gans pub den oll a-barth ow hanow, mes neb a dhur bys y'n diwedh, ev a vydh selwys.

Matthew 24:9

‘Ena i a'gas daskorr dhe dorment ha'gas ladha ha hwi a vydh kesys gans oll an kenedhlow, a-barth ow hanow vy.

Mark 13:13

hag y fydhowgh kesys gans pub den oll a-barth ow hanow vy. Mes neb a dhur bys y'n diwedh, ev a vydh selwys.

Luk 21:17

Ha hwi a vydh kesys gans pub den oll rag ow hanow vy.

Luk 6:22

‘Gwynn agas bys pan wra tus agas kasa, ha pan wrons agas keas mes ha despitya ha tewlel agas hanow yn-mes avel drogoberoryon, a-barth Mab an den;

Yowann 16:2

I a wra agas emskemuna a'n synaga; mes an eur a dheu pan dyb peub a wra agas ladha, ev dhe brofya gordhyans dhe Dhuw.

Yowann 16:33

My re leveris hemma dhywgh, rag ma'gas bo kres ynnov. Y'n bys hwi a'gas bydh govisyon; mes bedhewgh a gonfort da! My re fethas an bys.’

Yowann 17:14

My a ros dhedha dha er, ha'n bys a's kasas, rag nyns esons i a'n bys, kepar dell nag esov vy a'n bys.

Yowann 3:7

Na vedhes marth dhis my dhe leverel dhis, “Res yw hwi dhe vos genys arta.”

Yowann 7:7

Ny yll an bys agas kasa, mes ev a'm kas, rag my a dheg dustuni anodho, y wriansow dhe vos drog.

Oberow 3:12

Pan welas Peder henna, ev a gewsis orth an bobel, ‘Gwer Ysrael, prag yma marth dhywgh a hemma, po prag y hwithrowgh warnan kepar ha pan y'n gwrussyn kerdhes der agan nerth po agan sansoleth agan honan?

Romanyon 8:7

Yndella an brys a wra fors a'n kig, yw eskarogeth erbynn Duw; nyns yw gostydh dhe lagha Duw, yn hwir ny yll bos yndella,

2 Timothi 3:12

Dhe wir, pub den a vynno bewa bewnans sansel yn Krist Yesu a vydh helghys.

Jamys 4:4

A avoutresow! A ny wodhowgh hwi kerensa an bys dhe vos eskarogeth erbynn Duw? Piwpynag a vynno bos koweth an bys a omwra eskar Duw.

Diskwedhyans 17:7

Hag yn-medh an el dhymm, ‘Prag y feu marth genes? My a vynn leverel dhis mysteri an venyn ha'n best a's deg, ha ganso an seyth penn ha'n deg korn.