1 Yowann 2:25 - An Bibel Kernewek 20234 (Kernewek Kemmyn)

²⁵ Ha hemm yw an ambos re ambosas dhyn, bewnans heb diwedh.

1 Yowann 2:25 ပူးပေါင်းရင်းမြစ်များ

Daniel 12:2

Ha tus pals usi ow koska yn doust an dor a dhifun, re dhe vewnans heb diwedh, ha re dhe veth ha dhe vismer bys vykken.

Luk 18:30

neb na dhegemmer arta lieskweyth moy y'n termyn ma ha bewnans heb diwedh y'n oes a dheu.’

Yowann 10:28

Ha my a re dhedha bewnans heb diwedh, ha ny wrons i mos dhe goll bynitha, ha denvyth ny wra aga hemmeres yn-mes a'm dorn.

Yowann 12:50

Ha my a woer y worhemmynn dhe vos bewnans heb diwedh. Pup-tra a gowsav ytho, kepar dell leveris an Tas dhymm, yndella y kowsav.’

Yowann 3:15

may fo bewnans heb diwedh dhe beub a grys ynno.’

Yowann 5:39

‘Hwi a hwila an skryptors, rag ynna y tybowgh hwi dhe gavoes bewnans heb diwedh. Hag i aga honan yw an re a dheg dustuni ahanav;

Yowann 6:27

Na lavuryewgh rag boes a wra pedri, mes rag boes a dhur bys yn bewnans heb diwedh, hag a wra Mab an den y ri dhywgh; rag warnodho Duw an Tas re settyas y sel.’

Yowann 6:40

Rag hemm yw bolonjedh ow Thas: pubonan a wel an Mab ha krysi ynno a gyv bewnans heb diwedh, ha my a'n drehav dydh fin.’

Yowann 6:47

Yn hwir, yn hwir y lavarav dhywgh, neb a grys a'n jeves bewnans heb diwedh.

Yowann 6:54

Piwpynag a dheppro ow hig hag eva ow goes a'n jeves bewnans heb diwedh, ha my a'n drehav dydh fin.

Yowann 6:68

Simon Peder a worthybis dhodho, ‘Arloedh, piw y hwren ni mos dhodho? Yma dhis an geryow a vewnans heb diwedh.

Romanyon 2:7

dhe'n re a hwila, dre berthyans ow kul da, gordhyans hag enor hag anvarwoleth, y fynn ev ri bewnans heb diwedh.

Romanyon 5:21

rag may kwrella gras reynya par dell reynya pegh yn mernans, der ewnder dhe vewnans heb diwedh dre Yesu Krist agan Arloedh.

Romanyon 6:23

Rag gobrow pegh yw mernans, mes ro Duw yw bewnans heb diwedh yn Krist Yesu agan Arloedh.

Galatianys 6:8

rag neb a wra hasa dh'y gig y honan, dhiworth an kig ev a wra mysi podredhes; mes neb a wra hasa dhe'n Spyrys, dhiworth an Spyrys y hwra ev mysi bewnans heb diwedh.

1 Timothi 1:16

Mes rakhenna my a gavas tregeredh, may tiskwettho kyns Yesu Krist pub godhevyans ynnov vy rag ensampel dhe'n re a dheu dhe grysi ynno rag bewnans heb diwedh.

1 Timothi 6:12

Striv strivyans da an fydh; gwra synsi an bewnans heb diwedh may feus gelwys dhodho ha may hwrussys professyans da anodho a-dherag lies test.

1 Timothi 6:19

ow kuntell tresor ragdha aga honan avel sel da erbynn an termyn a dheu, may hallons synsi an gwir vewnans.

Titus 1:2

yn govenek bewnans heb worfenn a ambosas Duw, neb na wowlever, kyns termyn heb worfenn.

Titus 3:7

may teffyn ha bos heryon war-lergh govenek bewnans heb worfenn, justifiys gans y ras.

1 Yowann 1:2

rag an bewnans a veu diskwedhys ha ni re'n gwelas ha dustunia ha leverel dhywgh, an bewnans heb diwedh esa gans an Tas hag a veu diskwedhys dhyn –

1 Yowann 5:20

Ha ni a woer re dheuth Mab Duw ha re ros dhyn konvedhes, dhe aswonn neb yw gwiryon; hag yth eson ynno ev yw gwiryon, yn y Vab Yesu Krist. Hemm yw an gwir Dhuw ha bewnans heb diwedh.

Lyther Yud 1:21

omwithewgh yn kerensa Duw, ow kwaytya tregeredh agan Arloedh Yesu Krist bys yn bewnans heb diwedh.