1 Yowann 2:20 - An Bibel Kernewek 20234 (Kernewek Kemmyn)

²⁰ Mes hwi a'gas beus untyans gans an Sans, ha hwi a woer pup-tra.

1 Yowann 2:20 ပူးပေါင်းရင်းမြစ်များ

Salmow 16:10

Rag ny vynnydh gasa ow enev yn ifarn, na ri dha Sans dhe weles an pytt.

Salmow 23:5

Ty a bareus moes a-dheragov yn golok ow eskerens; ty re untyas ow fenn gans oyl, ow hanaf yw gorlenwys.

Salmow 45:7

Ty a garas ewnder ha kasa sherewneth. Rakhenna Duw, dha Dhuw jy, re'th untyas gans oyl lowender a-ugh dha gowetha.

Salmow 71:22

My a'th wormel ynwedh gans an delynn drefenn dha wiryonedh, ow Duw; my a gan dhiso jy gans an sowtri, ty Sans Ysrael.

Salmow 92:10

Mes ty re ughelhas ow horn avel korn an ojyon gwyls; ty re'm untyas gans oyl yr.

Lavarow Koth 28:5

Ny gonvedh gwer dhrog gwirvreus, mes an dus a hwila an Arloedh a gonvedh pup-tra oll.

Ysay 43:3

Rag yth ov an Arloedh, dha Dhuw, an Sans a Ysrael, dha Selwyas. Ejyp a rov avel dha dhaspren, Ethiopia ha Seba yn keschanj ragos.

Ysay 61:1

Yma Spyrys an Arloedh Duw warnav, drefenn an Arloedh dhe'm untya dhe dhri nowodhow da dhe'n re uvel. Ev re'm dannvonas dhe lystenna an re trogh aga holonn, dhe dhisklerya livreson dhe gethyon, ha delivrans dhiworth tewlder rag prisnoryon;

Yeremia 31:34

Ha ny dhyskons namoy pub gour y gentrevek, ha pub gour y vroder, ow leverel, ‘Godhvydhewgh an Arloedh’, rag i oll a'm aswonn a'n lyha dhe'n moyha, yn-medh an Arloedh; rag my a av aga anewnder, ha ny borthav kov a'ga fegh namoy.

Levitikus 7:35

Hemm yw rann Aron ha rann y vebyon a'n offrynnow dre dan a'n Arloedh, y'n jydh may fons profys dhe servya an Arloedh avel oferysi.

Matthew 13:11

Ev a worthybis ha leverel dhedha, ‘Dhy'hwi yth yw grontys aswonn kevrinyow gwlaskor nev, mes dhedha i nyns yw grontys.

Mark 1:24

‘Pandr'a vynnydh tejy genen ni, Yesu a Nazareth? Osta devedhys rag agan diswul ni? My a'th aswonn piw os, an Sans a Dhuw.’

Luk 4:18

‘Yma Spyrys an Arloedh warnav vy, rag ev re'm untyas dhe dhri nowodhow da dhe'n voghosogyon; ev re'm dannvonas dhe bregoth livreson dhe'n gethyon, ha restorita gweles dhe'n dhellyon, dhe dhannvon dhe-ves yn rydh an re arweskys,

Luk 4:34

‘Ha! Pandr'a vynnydh tejy genen ni, Yesu a Nazareth? Osta devedhys rag agan diswul ni? My a'th aswonn, piw os, an Sans a Dhuw.’

Yowann 14:26

Mes an Konforter, an Spyrys Sans neb a wra an Tas y dhannvon y'm hanow vy, ev a dhysk dhywgh pup-tra ha'gas kovha a bup-tra a leveris dhywgh.

Yowann 16:13

Mes pan dheu ev, an Spyrys a wiryonedh, ev a'gas hembronk yn gwiryonedh oll; rag ny gews a'y awtorita y honan, mes ev a gews an pyth a glew, hag ev a dheriv dhywgh an taklow a dheu.

Oberow 10:38

fatell untyas Duw Yesu a Nazareth gans an Spyrys Sans ha nerth; neb eth a-dhedro ow kul dader hag ow yaghhe peub o arweskys gans an jowl, drefenn bos Duw ganso.

Oberow 3:14

Mes hwi a naghas an Sans ha Gwiryon, ha govynn moldrer dhe vos grontys dhywgh,

1 Korinthianys 2:15

An den spyrysel a vreus pup-tra mes ev y honan nyns yw gorrys yn-dann vreus denvyth:

Ebrowyon 1:9

Ty re garas ewnder ha kasa anlaghedh; yndella Duw, dha Dhuw, re'th untyas gans oyl lowender dres dha geskowetha.’

Ebrowyon 8:11

Ha ny wrons i dyski pub huni y gentrevek po pub huni y vroder, ow leverel, “Aswonn an Arloedh”, rag pubonan a wra ow aswonn, a'n lyha anedha dhe'n moyha.

1 Yowann 2:27

Mes an untyans re gevsowgh ganso a drig ynnowgh ha ny'gas beus edhomm a dhyskans gans denvyth: mes par dell wra an keth untyans ma agas dyski a-dro dhe bup-tra, ha'n untyans yw gwir, ha nyns yw gow, trigewgh ynno, dell re'gas dyskas.

1 Yowann 4:13

Dredhi y hwodhon ni dhe driga ynno, hag ynnon ni ev dhe driga, drefenn ev dhe ri dhyn a'y Spyrys.

Lyther Yud 1:5

My a vynn dri dh'agas kov, hwi neb a woer pup-tra seulabrys, y hwrug an Arloedh, a dhelivras y bobel yn-mes a bow Ejyp, distrui an dhiskryjygyon a-wosa;

Diskwedhyans 3:7

‘Ha dhe el an eglos yn Filadelfia skrif: An taklow ma a lever neb yw sans, neb yw gwir, neb a'n jeves alhwedh Davydh, neb a iger, ha denvyth ny dhege, ha degea ha denvyth ny iger:

Diskwedhyans 4:8

Ha'n peswar kreatur bew, pubonan gans hwegh askell, yw leun a lagasow a-derdro hag a-ji, ha nyns eus powes dhedha dydh ha nos hag i ow leverel, ‘Sans, Sans, Sans, Arloedh Duw an Ollgalloesek, neb o, neb yw, ha neb a dheu.’