1 Yowann 1:2 - An Bibel Kernewek 20234 (Kernewek Kemmyn)

² rag an bewnans a veu diskwedhys ha ni re'n gwelas ha dustunia ha leverel dhywgh, an bewnans heb diwedh esa gans an Tas hag a veu diskwedhys dhyn –

1 Yowann 1:2 ပူးပေါင်းရင်းမြစ်များ

Yowann 1:18

Denvyth ny welas Duw bythkweth; an unn Vab dineythys, neb usi yn askra an Tas, ev re'n diskudhas.

Yowann 1:4

Ynno yth esa bewnans, ha'n bewnans o golow mab-den;

Yowann 10:28

Ha my a re dhedha bewnans heb diwedh, ha ny wrons i mos dhe goll bynitha, ha denvyth ny wra aga hemmeres yn-mes a'm dorn.

Yowann 14:6

Yn-medh Yesu dhodho, ‘My yw an fordh, ha'n gwir, ha'n bewnans. Ny dheu denvyth dhe'n Tas saw dredhov vy.

Yowann 15:27

Ha hwi ynwedh a dheg dustuni, rag hwi re beu genev a'n dalleth.

Yowann 16:28

My a dheuth dhiworth an Tas, ha devedhys ov y'n bys; arta my a as an bys, ha mos dhe'n Tas.’

Yowann 17:3

Ha hemm yw bewnans heb diwedh: ma'th aswonnons ty, an unn gwir Dhuw, ha Yesu Krist neb re dhannvensys.

Yowann 17:5

Ha lemmyn gwra ow glorifia, A Das, y'th wolok dha honan, gans an glori a'm beu genes kyns bos an bys.

Yowann 19:35

Hag ev neb a'n gwelas re dhug dustuni, ha'y dhustuni yw gwir; ev a woer ev dhe gewsel gwiryonedh, rag may kryssowgh hwi.

Yowann 21:14

Hemm o lemmyn an tressa gweyth yth omdhiskwedhas Yesu dhe'n dhyskyblon, wosa ev dhe bos drehevys a'n re varow.

Yowann 3:13

Ha ny yskynnas denvyth bys yn nev marnas ev neb a dheuth yn-nans, Mab an den.

Yowann 7:29

My a'n aswonn, rag yth esov vy dhiworto, hag ev a'm dannvonas.’

Yowann 8:38

My a gews an pyth re welis vy a-rag ow Thas vy; ha hwi a wra an pyth re welsowgh gans agas tas hwi.’

Oberow 1:22

ow talleth dhiworth besydh Yowann bys y'n jydh may feu kemmerys yn-bann dhiworthyn, onan a'n re ma dhe dhos ha bos dustunier genen ni a'y dhasserghyans.’

Oberow 10:41

a-der dhe'n bobel oll, mes dhyn ni, dewisys kyns gans Duw dhe vos dustunioryon, neb a dhybris ganso hag a evas ganso wosa ev dhe dhasserghi dhiworth an re varow;

Oberow 2:32

Duw a dhrehevis an Yesu ma, ha dhe henna ni oll yw dustunioryon;

Oberow 3:15

ha hwi a ladhas an Awtour a vewnans, neb a veu drehevys gans Duw dhiworth an re varow; dhe henna dustunioryon on ni.

Oberow 5:32

Ha dustunioryon on ni dhe'n taklow ma, keffrys an Spyrys Sans res gans Duw dhe'n re a obay dhodho.’

Romanyon 8:3

Rag an pyth a veu an lagha dialloes dh'y wul, rag hy bos gwann der an kig, Duw y honan re wrug, ow tannvon y Vab y honan yn hevelep kig a begh, dhe vos offrynn pegh, hag yndella ev a dhampnyas pegh y'n kig,

Galatianys 4:4

mes pan dheuth keweras an oes, Duw a dhellos y Vab, genys a venyn, genys yn-dann lagha,

1 Timothi 3:16

Res yw avowa, meur, dhe wir, yw an kevrin a sansoleth: Diskwedhys veu y'n kig, prevys ewn y'n Spyrys, gwelys gans eledh, pregewthys ynter an Jentilys, krysys y'n bys, kemmerys yn-bann yn splannder.

2 Timothi 1:10

mes diskwedhys lemmyn der omdhiskwedhyans agan Selwador Krist Yesu a wrug diswul ankow ha dri dhe wolow bewnans hag anvarwoleth der an aweyl,

Titus 1:2

yn govenek bewnans heb worfenn a ambosas Duw, neb na wowlever, kyns termyn heb worfenn.

1 Peder 5:1

Ytho, my a bys an re yw henavogyon yn agas mysk, ha my henavek ynwedh genowgh, ha test godhevyansow Krist, ha kevrenner y'n splannder a vydh diskwedhys,

1 Yowann 1:1

An pyth a veu a-dhia'n dalleth hag a wrussyn y glewes, a wrussyn y gweles gans agan dewlagas ha mires warnodho ha tochya gans agan diwleuv, a-dro dhe'n Ger a vewnans –

1 Yowann 2:25

Ha hemm yw an ambos re ambosas dhyn, bewnans heb diwedh.

1 Yowann 3:5

Ha hwi a woer y feu diskwedhys rag doen agan peghosow dhe-ves; hag ynno nyns eus peghes.

1 Yowann 3:8

Neb a begh, a'n jowl yma; rag an jowl a begh a-dhia'n dalleth. Dhe'n porpos ma y feu diskwedhys Mab Duw, rag may tistrua oberow an jowl.

1 Yowann 4:14

Ha ni re welas ha ni a deg dustuni, y hwrug an Tas dannvon an Mab dhe vos Selwador an bys.

1 Yowann 4:2

Dredhi yth aswonnowgh Spyrys Duw: pub spyrys a avow Yesu Krist dhe vos devedhys y'n kig, yma ev a Dhuw.

1 Yowann 5:11

Ha hemm yw an dustuni, Duw dhe ri dhyn bewnans heb diwedh, ha bos an bewnans ma yn y Vab.

1 Yowann 5:13

My re skrifas an re ma dhywgh a grys yn hanow Mab Duw, rag may hwodhvowgh bos dhywgh bewnans heb diwedh.

1 Yowann 5:20

Ha ni a woer re dheuth Mab Duw ha re ros dhyn konvedhes, dhe aswonn neb yw gwiryon; hag yth eson ynno ev yw gwiryon, yn y Vab Yesu Krist. Hemm yw an gwir Dhuw ha bewnans heb diwedh.