1 Thessalonianys 5:6 - An Bibel Kernewek 20234 (Kernewek Kemmyn)

⁶ Ytho, na goskyn kepar ha'n re erell, mes gwren goelyas ha bedhen divedhow.

1 Thessalonianys 5:6 ပူးပေါင်းရင်းမြစ်များ

Lavarow Koth 19:15

Sygerneth a dewl yn kosk down, ha'n enev diek a berth nown.

Ysay 56:10

Y woelyadoryon yw dall, i oll yw heb godhvos; i oll yw keun avlavar na yllons hartha, owth hunrosa, ow krowedha, ow kara koska.

Yona 1:6

An kapten a dheuth dhodho ha leverel, ‘Dar! prag yth es'ta ow koska? Sav, galw war dha Dhuw. Martesen Duw a wra vri ahanan, ma na wryllyn mos dhe goll.’

Matthew 13:25

Mes pan esa tus ow koska y teuth y eskar ha gonis ivra yn mysk an ys da hag ena mos yn-kerdh.

Matthew 24:42

Gwrewgh goelyas ytho rag ny wodhowgh py dydh y teu agas Arloedh.

Matthew 25:13

Goelyewgh ytho, rag ny wodhowgh naneyl an jydh na'n eur may teu Mab an den.

Matthew 25:5

Ha pan veu an gour pries delatys, i oll a hunas ha koska.

Matthew 26:38

Ena yn-medh ev dhedha, ‘Leun a dristyns yw ow enev bys yn ankow; gortewgh omma ha goelyewgh genev.’

Mark 13:37

Ha'n pyth a lavarav dhy'hwi, my a'n lever dhe bub den oll: goelyewgh.’

Luk 12:37

Gwynn aga bys an gethwesyon na, neb a wra an mester aga havoes difun pan dheu; yn hwir y lavarav dhywgh, ev a gelm y wrogys, ha'ga desedha orth an voes, ha mos yn-rag dh'aga servya.

Luk 12:39

‘Ha godhvydhewgh hemma, mar kodhve mester an chi py eur teffa an lader, ny wrussa gasa y ji dhe vos terrys.

Luk 21:36

Bedhewgh hewoel pup-prys, ow pysi may fo dhywgh nerth dhe fia dhiworth pup-tra eus ow tegynsiwa, ha dhe sevel a-rag Mab an den.’

Luk 22:46

hag yn-medh ev dhedha, ‘Prag y koskowgh? Sevewgh yn-bann ha pysewgh, ma na entrowgh yn temptasyon.’

Oberow 20:31

Rakhenna bedhewgh war, ow perthi kov na astelas vy keski pub huni dres teyr blydhen nos ha dydh, gans dagrow.

1 Korinthianys 15:34

Dewgh dhe skians sad hag ewn, ha na beghewgh namoy. Rag tus yma, na aswonnons Duw; hemma my a lever dh'agas meth.

1 Korinthianys 16:13

Bedhewgh hewoel, sevewgh fast y'n fydh, bedhewgh hardh, bedhewgh krev.

Efesianys 2:3

hag yn aga mysk, ni oll ynwedh a wre omdhegi kyns yn yeunadow agan kig, ow kul hwansow an kig ha'n prederow, hag yth en ni dre natur fleghes sorr kepar ha'n re erell ynwedh.

Efesianys 5:14

rag pup-tra a veu diskwedhys yw golow. Rakhenna, leverys yw, ‘Sav, ty neb a gosk, ha sav yn-bann mes a'n re varow, ha Krist a re dhis golow.’

Efesianys 6:18

Dre bub pysadow ha govenek, pysewgh pub eur oll y'n Spyrys; ha dhe'n porpos na, bedhewgh hewoel gans pub diwysykter ha pysadow rag oll an syns,

Filippianys 4:5

Agas klorder bedhes aswonnys dhe bub den oll. Ogas yw an Arloedh.

Kolossianys 4:2

Gwrewgh pesya yn pysadow, ow koelyas ynno gans grasyans;

1 Thessalonianys 4:13

Ny vynnyn hwi dhe vos heb godhvos, a vreder, a-dro dhe'n re a gosk, ma na vewgh grevys kepar ha'n re erell heb govenek.

1 Thessalonianys 5:10

neb a verwis ragon, may fewen war-barth ganso, ha ni difun po yn kosk.

1 Thessalonianys 5:8

Mes, ha ni mebyon an jydh, bedhen divedhow, ow kwiska lurik fydh ha kerensa, hag avel basnett, govenek selwyans.

1 Timothi 2:15

Mes hi a vydh selwys dre dhineythi fleghes mar kwra hi gortos yn fydh ha kerensa ha sansoleth gans doethter.

1 Timothi 2:9

Y'n keth vaner y koedh dhe venynes omwiska yn maner wiw, gans onester ha doethter, heb pletha aga gols gans owr na perlys, ha heb dillas meur y gost,

1 Timothi 3:11

Yn kepar maner, y koedh dh'aga gwragedh bos sad; na vedhens hwedhloresow, mes klor ha lel yn pup-tra.

1 Timothi 3:2

Y koedh dhe epskop bos divlam, gour unn wreg, sad, doeth, onest, hel dhe westoryon, dyskador da,

2 Timothi 4:5

Mes ty bydh sad yn pup-tra, godhav drog, gwra ober aweyler, kollanw dha venystri.

Titus 2:12

orth agan dyski may hwryllyn hepkorr ansansoleth ha drokhwansow an bys, ha bewa gans doethter, gwiryon ha sans y'n oes ma,

Titus 2:6

Y'n keth vaner gwra keski an wer yowynka may fons fur.

1 Peder 1:13

Ytho, grogysewgh diwglun agas brys, bedhewgh divedhow, ha settyewgh agas govenek yn tien war an gras a vydh dres dhywgh orth diskwedhyans Yesu Krist.

1 Peder 4:7

Gorfenn pup-tra re dheuth nes; ytho bedhewgh doeth ha sad orth pysadow.

1 Peder 5:8

Bedhewgh sad, bedhewgh hewoel. Agas eskar an jowl, kepar ha lew owth usa, a gerdh a-dro, ow hwilas nebonan dhe dhevorya.

Diskwedhyans 16:15

(‘Otta, my a dheu kepar ha lader. Gwynnvys neb a woel ha gwitha y dhillas na gertho noeth, ha na wello tus y noethedh.’)

Diskwedhyans 3:2

Bydh difun, ha krevha an taklow yw gesys, yw parys dhe verwel, rag ny gevis dha wriansow kowlwrys a-dherag ow Duw.