Skant nyns yth vy dhiworta, bys pan gevis karadow ow enev. My a settyas dalghenn warnodho, ha ny vynnis y dhelivra bys pan y'n drosen vy a-bervedh yn chi ow mamm, hag a-berth yn chambour an venyn neb a'm omdhuk.
Trigewgh ynnov vy, ha my ynnowgh hwi. Dell na yll an skorrenn doen frut hy honan marnas hi a drig y'n gwinbrenn, yndella ny yllowgh hwi, marnas hwi a drig ynnov vy.
ha'n dus ma o gwell yn aga gnas ages an re na yn Thessalonika, rag i a dhegemmeras an ger gans mall meur, ow hwithra an skryptors pub dydh, dhe weles mar pe gwir an taklow ma.
ha na vedhewgh keskonformys orth an oes ma, mes bedhewgh dasformys dre nowydhheans an brys, rag may preffowgh pandra yw bodh Duw, hag yw da ha plegadow ha perfydh.
Rag py den a woer an pyth yw a dhensys yn hwir marnas spyrys a dhensys usi ynno? Yn kettella, ytho, denvyth ny gonvedh an pyth yw dhe Dhuw marnas Spyrys Duw.
Wor'tiwedh, a vreder, pypynag a vo gwir, pypynag a vo onest, pypynag a vo gwiryon, pypynag a vo glan, pypynag a vo plegadow, pypynag a vo gerys-da, mars eus vertu, mars eus gordhyans, prederewgh a'n taklow ma.
Rag yn mysk an re ma, yma an re a dheu a-bervedh yn chiow yn unn slynkya ha kemmeres benynes foll yw beghys gans peghadow ha hembrenkys dre hwansow a lies eghenn,
‘My a aswonn dha wriansow ha'th lavur ha'th perthyans, ha fatell na yllydh godhav tus dhrog, ha ty re brovas an re a lever aga bos abesteli heb bos yndellma, ha kavoes aga bos gowygyon.
Kovha, ytho, fatell re wrussys degemmeres ha goslowes; ha syns fast, ha kemmer edrek. Mar ny vynn'ta difuna, dos a wrav kepar ha lader, ha ny wre'ta godhvos py eur tyffiv er dha bynn.