1 Thessalonianys 5:18 - An Bibel Kernewek 20234 (Kernewek Kemmyn)

¹⁸ Yn pup-tra, rewgh grasyans, rag hemm yw bolonjedh Duw ragowgh yn Krist Yesu.

1 Thessalonianys 5:18 ပူးပေါင်းရင်းမြစ်များ

Job 1:21

Hag ev a leveris, ‘Noeth y teuth vy dhiworth torr ow mamm, ha noeth y tehwelav ena; an Arloedh a ros, ha'n Arloedh re gemmeras dhe-ves; benniges re bo hanow an Arloedh.’

Salmow 34:1

My a vennik an Arloedh pup-prys; y wormola a vydh prest y'm ganow.

Daniel 6:10

Pan wodhva Daniel bos sinys an skrifenn, yth eth dh'y ji. Y feu ynno fenestri y'n soler igor war-tu Yerusalem. Teyrgweyth pub dydh yth esa ev ow mos war benn-dewlin rag gul pysadow ha gormola a-rag y Dhuw, dell wrussa seuladhydh.

Efesianys 5:20

prest ow krassa pup-tra yn hanow agan Arloedh Yesu Krist dhe Dhuw an Tas.

Filippianys 4:6

Na vedhewgh prederus a dravyth mes yn pup-tra, dre bysadow ha govynnadow gans grasyans, bedhes an taklow a wovynnsowgh godhvedhys dhe Dhuw.

Kolossianys 3:17

Ha pup-tra oll a wrewgh yn ger po yn gwrians, gwrewgh pup-tra yn hanow an Arloedh Yesu, ow krassa dhe Dhuw an Tas dredho ev.

1 Thessalonianys 4:3

Rag hemm yw bodh Duw, agas sansheans, hwi dhe omwitha rag fornikasyon,

Ebrowyon 13:15

Dredho ytho, offrynnyn heb lett sakrifis a wordhyans dhe Dhuw, henn yw frut diwweus a wormel y hanow.

1 Peder 2:15

Rag yndella yw bodh Duw, may hyllowgh hwi, ow kul da, konkludya fowt skians tus wokki.

1 Peder 4:2

ytho ny vew namoy yn hwansow mab-den dres an termyn yw gesys y'n kig, mes orth bodh Duw.

1 Yowann 2:17

Ha'n bys a dremen, ha'y lust: mes neb a wra bodh Duw a vew bys vykken.