1 Thessalonianys 5:14 - An Bibel Kernewek 20234 (Kernewek Kemmyn)

¹⁴ Ha ni a'gas pys, a vreder, a geski an re yw diek, a hebaskhe an re yw digolonnek, a skoedhya an re yw gwann, hir agas godhevyans troha pub den oll.

1 Thessalonianys 5:14 ပူးပေါင်းရင်းမြစ်များ

Ysay 40:11

Avel bugel ev a vag y flokk; gans y vregh ev a guntell y eyn ha'ga doen yn y askra; ev a hembronk yn hwar an re usi ow ri bronn.

Ysay 63:9

yn oll aga anken. Nyns o kannas nag el mes y lok ev a's sawyas. Yn y gerensa hag yn y druedh ev a's dasprenas; ev a's drehevis ha'ga doen oll an dydhyow koth.

Yeremia 6:12

Aga chiow a dremen dhe re erell, parkow ha gwragedh maga ta: rag my a ystynn ow leuv war drigoryon an tir, yn-medh an Arloedh.

Ezekiel 34:16

An re kellys a hwilav, ha'n re gyllys yn stray a dhrov dhe dre, ha'n re terrys a golmav, ha'n re wann a grevhav; mes an re dew ha'n re grev my a dhistru. My a's mag gans breus.

Matthew 12:20

Korsenn vrewys ny's terr na bubenn ow megi ny's difeudh, erna dhokko ev ewnder dhe vudhogoleth,

Luk 22:32

mes my re bysis ma na fyllo dha fydh; ha wosa ty dhe dreylya arta, fasta jy dha vreder.’

Oberow 20:27

rag ny omwithis vy rag derivas dhywgh oll an gusul a Dhuw.

Oberow 20:31

Rakhenna bedhewgh war, ow perthi kov na astelas vy keski pub huni dres teyr blydhen nos ha dydh, gans dagrow.

Oberow 20:35

Yn pup-tra my a dhiskwedhas dhywgh, y telledh, ow lavurya yndella, sokra an re wann ha perthi kov a eryow an Arloedh Yesu, dell leveris ev, “Moy gwynnvys yw ri ages degemmeres.” ’

Romanyon 12:1

My a'gas pys, a vreder, dre druedhow Duw, may proffyowgh agas korf avel sakrifis bew, sans, plegadow dhe Dhuw, hag yth yw agas gwir wonis spyrysel;

Romanyon 14:1

Ha neb yw gwann y'n fydh, degemmerewgh e heb dadhla a-dro dhe dybyansow.

1 Korinthianys 4:14

Ny skrifav dhywgh an traow ma rag gul dhywgh bos methek, mes rag agas keski avel ow fleghes veurgerys.

1 Korinthianys 8:7

Byttegyns, nyns yw peub a'n jeves an godhvos ma, mes re, drefenn aga howethyans kyns-lemmyn gans idolys, a dheber an boes avel boes offrynnys dhe idol, ha'ga howses, ow pos gwann, defolys yw.

Galatianys 5:22

Mes frut an Spyrys yw kerensa, lowena, kres, perthyans, kuvder, dader, lenduri,

Efesianys 4:2

gans pub uvelder ha klorder gans perthyans, ow kodhav an eyl y gila yn kerensa,

Efesianys 4:32

Ha bedhewgh kuv an eyl dh'y gila, truedhek, parys dhe ava an eyl dh'y gila kepar dell avas Duw yn Krist dhywgh hwi ynwedh.

Kolossianys 1:28

Ni a'n deriv, ow keski pub den ha dyski pub den yn pub furneth, may kwrellyn profya pub den perfydh yn Krist.

2 Thessalonianys 3:15

Mes na wrewgh y synsi avel eskar, mes y geski avel broder.

1 Timothi 3:3

heb eva re nag omdhal, mes klor, ha digavyllek, heb kara mona;

1 Timothi 6:11

Mes ty, a dhen Duw, fi dhiworth an taklow ma ha ke war-lergh ewnder, sansoleth, fydh, kerensa, perthyans, klorder.

2 Timothi 4:2

pregoth an ger; bydh ter, da po drog kyn fo an seson; gwra keredhi, keski hag ynnia gans pub hirwodhevyans ha dyskas.

Titus 1:10

Rag yma lies den heb rewl a gews yn euver hag yn hwowek, dres oll tus an trodreghyans.

Titus 1:6

nebonan heb defowt, gour unn wreg gans fleghes a grys, heb kuhudhans a vewnans avlan na direwl.

Ebrowyon 12:12

Ytho krevhewgh an dhiwdhorn ydhil ha'gas dewlin dhifreth,

Ebrowyon 13:3

Perthewgh kov a'n brisnoryon par dell vewgh prisonys war-barth gansa; ha'n re yw kammdhyghtys, a-ban esowgh hwi ynwedh y'n korf.