1 Thessalonianys 5:13 - An Bibel Kernewek 20234 (Kernewek Kemmyn)

¹³ ha'ga synsi yn ughel dres eghenn yn kerensa drefenn aga gonis. Bedhewgh yn kres an eyl gans y gila.

1 Thessalonianys 5:13 ပူးပေါင်းရင်းမြစ်များ

Jenesis 45:24

Hag ev a dhannvonas y vreder, hag yth ethons yn-kerdh. Yn-medh ev dhedha, ‘Na vedhewgh ownek war an fordh.’

Salmow 133:1

Otta, ass yw da ha hweg breder dhe driga war-barth yn unnsys!

Matthew 10:40

‘Neb a'gas degemmer hwi, a'm degemmer vy, ha piwpynag a'm degemmerro vy a dhegemmer neb a'm dannvonas.

Mark 9:50

Hoelan yw da; mes mar teu an hoelan ha bos heb blas, gans pandra y fydh ev sawrys? Bedhes genowgh hoelan ynnowgh agas honan, ha bedhes genowgh kres, an eyl gans y gila.’

Yowann 15:17

Hemma a worhemmynnav dhywgh, hwi dhe gara an eyl y gila.

2 Korinthianys 13:11

Gordhiwedh, breder, lowenhewgh; gwrewgh agas honan perfydh, kennerthewgh an eyl y gila, bedhewgh unnverhes, bedhewgh yn kres; ha'n Duw a gerensa hag a gres a vydh genowgh.

Galatianys 4:14

hag yn despit dhe'n prevyans a veu dhywgh y'm kig, ny wrussowgh hwi dispresya na fia, mes hwi a'm degemmeras kepar hag el a Dhuw, kepar ha Krist Yesu.

Galatianys 5:22

Mes frut an Spyrys yw kerensa, lowena, kres, perthyans, kuvder, dader, lenduri,

Galatianys 6:6

Neb yw katekumenus y'n ger, kevrennes gans an dyskador yn pup-tra yw da.

Efesianys 4:3

hwansek dhe witha unnsys an Spyrys y'n golmenn a gres.

Kolossianys 3:15

Ha gwres kres Krist rewlya yn agas kolonn, an kres mayth owgh hwi gelwys dhodho yn unn korf; ha godhvydhewgh gras.

1 Thessalonianys 5:14

Ha ni a'gas pys, a vreder, a geski an re yw diek, a hebaskhe an re yw digolonnek, a skoedhya an re yw gwann, hir agas godhevyans troha pub den oll.

2 Thessalonianys 3:16

Ha'n Arloedh a gres y honan roy dhywgh kres pup-prys yn pub maner. Re bo an Arloedh genowgh hwi oll.

2 Timothi 2:22

Gwra goheles ytho an drokhwansow a yowynkneth, mes siw ewnder, fydh, kerensa, kres gans an re a elow war an Arloedh yn-mes a golonn lan.

Ebrowyon 12:14

Hwilewgh kres gans an dus oll ha'n sansoleth, ma na wra denvyth gweles an Arloedh hebdhi.

Jamys 3:18

Ha frut ewnder yw hesys yn kres rag an re a wra kres.