1 Thessalonianys 4:8 - An Bibel Kernewek 20234 (Kernewek Kemmyn)

⁸ Rakhenna, neb a skon, ny wra skonya mab-den mes Duw a re y Spyrys Sans dhywgh ynwedh.

1 Thessalonianys 4:8 ပူးပေါင်းရင်းမြစ်များ

Nehemia 9:30

Ty a's perthi lies blydhen, ha ty a's gwarnyas gans dha spyrys dre dha brofoesi; hwath ny woslowsons. Ytho ty a's ros yn leuv poblow tiryow erell.

Eksodus 16:8

Ha Moyses a leveris, ‘Pan re an Arloedh dhywgh gorthugherweyth kig dhe dhybri ha myttinweyth bara dhe walgh, rag an Arloedh dhe glewes an krodhvolyow a grodhvolowgh warnodho – pyth on ni? Nyns yw agas krodhvolyow warnan ni mes war an Arloedh.’

Lavarow Koth 1:7

Own an Arloedh yw an dalleth a wodhvos; fellyon a skorn furneth ha dyskans.

Lavarow Koth 23:9

Na gews yn klewans foll, rag ev a dhispres doethter dha eryow.

Ysay 49:7

Yndellma y lever an Arloedh, Dasprenyas Ysrael, ha'y Sans, dhodho ev neb yw dispresys fest yn town, kasadow dhe'n kenedhlow, keth rewloryon: ‘Myghternedh a wel hag a sev, ha pennsevigyon a ombleg dhe'n dor, drefenn an Arloedh neb yw lel, an Sans a Ysrael, neb re'th tewisas.’

Ysay 53:10

Mes an Arloedh a vynnas y vrewi; ha gul dhodho godhevel; mar kwra dh'y enev bos offrynn kammweyth, ev a wel y has, ha gul dh'y dhydhyow bos hir, ha bodh an Arloedh a sewen yn y leuv.

Luk 10:16

‘Neb a'gas klew a'm klew vy, ha neb a'gas skon a'm skon vy; ha neb a'm skon vy a'n skon ev neb a'm dannvonas vy.’

Yowann 12:48

Ev neb a'm nagh, ha na dhegemmer ow geryow, yma dhodho nebonan a wra y vreusi; an ger a gewsis vy, henna a wra y vreusi dydh fin.

Oberow 13:41

“Mirewgh, hwi neb a wra ges, kemmerewgh marth, ha kewgh dhe goll, rag yn agas dydhyow my a wra ober, ober kammenn na grysowgh mara'n deriv nebonan dhywgh.” ’

Romanyon 5:5

ha ny fyll govenek dhyn, rag kerensa Duw dhe vos dinewys yn agan kolonn der an Spyrys Sans re beu res dhyn.

1 Korinthianys 2:10

Duw re dhiskwedhas hemma dhyn ni der an Spyrys; rag an Spyrys a hwither pup-tra, ynwedh downderyow Duw.

1 Korinthianys 7:40

Mes dhe'm brys vy moy gwynn hy bys yw mar korta kepar dell yw hi; ha my a dyb y'm beus ynwedh spyrys Duw.

2 Korinthianys 1:22

neb re'gan selyas ha ri dhyn mewgh an Spyrys yn agan kolonnow.

Galatianys 4:6

Drefenn agas bos mebyon, Duw a dhellos Spyrys y Vab bys yn agan kolonn, ow kria ‘Abba, a Das.’

1 Peder 1:12

Diskwedhys veu dhedha nag esons i ow konis aga honan, mes yth esons orth agas gonis hwi y'n taklow re beu derivys dhywgh gans an re a bregowthas an nowodhow da dhywgh der an Spyrys Sans, dannvenys dhiworth nev, taklow ha hwans yma dhe eledh mires warnedha.

2 Peder 1:21

Rag ny dheuth profoesans bythkweth dre volonjedh mab-den, mes tus movyes gans an Spyrys Sans a gewsis a-dhiworth Duw.

1 Yowann 3:24

Ha'n re a with y worhemmynnow, a drig ynno, hag ynna ev a drig. Ha dredhi y hwodhon y trig ev ynnon, der an spyrys re ros dhyn.

Lyther Yud 1:8

Byttegyns yndellma an re ma a wra defola an korf yn aga hunrosow, ha nagha awtorita, ha sklandra an re wynn.

1 Samuel 10:19

Mes hedhyw, hwi re naghas agas Duw, neb a'gas delivras dhiworth oll agas droglammow ha'gas galarow. Mes hwi a leveris, “Nansi, mes gorr myghtern warnan.” Lemmyn ytho, sevewgh a-rag an Arloedh orth agas loethow hag orth agas kordhow.’

1 Samuel 8:7

ha'n Arloedh a leveris dhe Samuel, ‘Goslow orth lev an bobel yn pup-tra a leverons dhis; rag ny'th skonsons jy, mes i re'm skonyas vy a vones myghtern warnedha.