1 Thessalonianys 4:13 - An Bibel Kernewek 20234 (Kernewek Kemmyn)

¹³ Ny vynnyn hwi dhe vos heb godhvos, a vreder, a-dro dhe'n re a gosk, ma na vewgh grevys kepar ha'n re erell heb govenek.

1 Thessalonianys 4:13 ပူးပေါင်းရင်းမြစ်များ

Jenesis 37:35

Hag oll y vebyon hag oll y vyrghes a sevis rag y gonfortya mes ev a skonyas a vos konfortys, hag ev a leveris, ‘My a vynn mos yn-nans dhe'n bedh dhe'm mab, ow kyni.’ Ha'y das a oelas ragdho.

2 Samuel 18:33

Ha'n myghtern a veu movyes yn feur, hag ev eth yn-bann dhe'n chambour a-ugh an yet hag oela; hag y leveri, hag ev ow mos, ‘A ow mab Absalom! Ow mab, ow mab Absalom! Unnweyth a marwen yn dha le, A Absalom, ow mab, ow mab!’

1 Myghternedh 1:21

Poken y hwyrvydh, pan gosk ow arloedh an myghtern gans y dasow, my ha'm mab Solomon dhe vos reknys avel drogoberoryon.’

1 Myghternedh 2:10

Ytho Davydh a goskas gans y dasow, hag a veu ynkleudhys yn sita Davydh.

Job 1:21

Hag ev a leveris, ‘Noeth y teuth vy dhiworth torr ow mamm, ha noeth y tehwelav ena; an Arloedh a ros, ha'n Arloedh re gemmeras dhe-ves; benniges re bo hanow an Arloedh.’

Lavarow Koth 14:32

An tebelwas yw domhwelys der y dhroktra, mes an den gwiryon a'n jeves harber yn y lander.

Ezekiel 37:11

Ena yn-medh ev dhymm, ‘A vab den, an eskern ma yw chi Ysrael oll yn tien. Otta, i a lever, “Sygh yw agan eskern, ha kellys yw agan govenek. Treghys dhe-ves on ni.”

Daniel 12:2

Ha tus pals usi ow koska yn doust an dor a dhifun, re dhe vewnans heb diwedh, ha re dhe veth ha dhe vismer bys vykken.

Levitikus 19:28

Ny wrewgh hwi treghi agas kig rag an re varow, na pryntya korfliwyow warnowgh. An Arloedh ov vy.

Levitikus 21:2

marnas rag y gerens yw ogas dhodho, y vamm, ha'y das, ha'y vab, ha'y vyrgh, ha'y vroder;

Matthew 27:52

ha'n bedhow a veu igerys ha meur a gorfow a'n syns koedhys yn kosk a veu drehevys;

Yowann 11:24

Yn-medh Martha dhodho, ‘My a woer, ev dhe sevel arta y'n dasserghyans, dydh fin.’

Oberow 13:36

Rag Davydh, wosa ev dhe servya bodh Duw yn y henedh y honan, a goskas hag a veu gorrys gans y dasow hag a welas podredhes.

Oberow 7:60

hag ow mos war benn-dewlin ev a grias, ughel y lev, ‘Arloedh, na syns an pegh ma er aga fynn.’ Pan lavarsa hemma, ev a goedhas yn kosk.

Oberow 8:2

Gwer gryjyk a ynkleudhyas Stefan ha gul dresto oelva veur.

Romanyon 1:13

Ny vynnav, breder, hwi dhe vos heb godhvos bos ow bodh yn fenowgh dos dhywgh (mes bys y'n eur ma my re beu lettys), rag may kyffiv nebes trevas yntredhowgh keffrys hag ynter an kenedhlow erell.

1 Korinthianys 10:1

Ny vynnav, breder, hwi dhe vos heb godhvos bos agan tasow oll yn-dann an gommolenn, hag i oll a dremenas der an mor,

1 Korinthianys 12:1

Lemmyn, a-dro dhe daklow spyrysel, breder, ny vynnav orthowgh bos heb godhvos.

1 Korinthianys 15:6

Wosa henna ev a omdhiskwedhas dhe voy es pymp kans broder oll war-barth, mayth yw an moyha rann anedha hwath yn few, kyn koskas re.

2 Korinthianys 1:8

Rag ny vynnyn hwi dhe vos heb godhvos, breder, a-dro dh'agan galar pan esen ni yn Asia; beghys dres eghenn en ni, dres nerth, mayth esa dhyn desper a vewnans y honan;

Efesianys 2:12

agas bos y'n eur na heb Krist, estrenhes dhiworth kemmynieth Ysrael, hag estrenyon dhe gevambosow an dedhewadyow, heb govenek, ha heb Duw y'n bys.

Efesianys 2:3

hag yn aga mysk, ni oll ynwedh a wre omdhegi kyns yn yeunadow agan kig, ow kul hwansow an kig ha'n prederow, hag yth en ni dre natur fleghes sorr kepar ha'n re erell ynwedh.

1 Thessalonianys 4:14

Rag mar krysyn Yesu dhe verwel ha dasserghi, yndella ynwedh, dre Yesu, Duw a dhre ganso an re re goskas.

1 Thessalonianys 4:15

Hemma a leveryn dhywgh dre er an Arloedh: ni, neb a vew ha neb yw gesys bys yn devedhyans an Arloedh, ny wren mos mann kyns an re re goskas.

1 Thessalonianys 5:10

neb a verwis ragon, may fewen war-barth ganso, ha ni difun po yn kosk.

1 Thessalonianys 5:6

Ytho, na goskyn kepar ha'n re erell, mes gwren goelyas ha bedhen divedhow.

2 Peder 3:4

hag ow leverel, ‘Ple'ma ambos y dhevedhyans? Rag a-dhiworth an jydh may koedhas yn kosk an tasow, pup-tra a bys yndella dhiworth dalleth kreasyon.’

2 Peder 3:8

Mes na vedhes an unn dra ma kudhys dhiworthowgh, karadowyon: unn jydh gans an Arloedh yw kepar ha mil vlydhen, ha mil vlydhen kepar hag unn jydh.