1 Thessalonianys 4:1 - An Bibel Kernewek 20234 (Kernewek Kemmyn)

¹ Wor'tiwedh ytho, a vreder, ni a'gas pys ha keski y'n Arloedh Yesu, kepar dell dhegemmersowgh dhiworthyn ni fatell goedh dhywgh kerdhes ha plegya dhe Dhuw, kepar dell gerdhowgh dhe wir, may palshahowgh dhe voy.

1 Thessalonianys 4:1 ပူးပေါင်းရင်းမြစ်များ

2 Kroniklys 17:4

mes ev a hwilas Duw y das hag a gerdhas yn y worhemmynnow, a-der fordhow Ysrael.

Job 17:9

An den gwiryon a bes war y fordh, ha'n den glan y dhiwleuv yw krevhes moy ha moy.

Salmow 92:14

I a dheg frut hwath yn aga hothni, hag y fydhons yr ha glas,

Lavarow Koth 4:18

Mes hyns an re wiryon yw haval dhe wolow dydh-tardh, hag a splann dhe splanna ha dhe splanna bys yn hanter-dydh.

Yowann 15:2

Pub skorrenn ynnov ha na dheg frut, ev a's kemmer dhe-ves, ha pubonan hag a dheg frut, ev a's skether, may tokko frut moy.

Oberow 20:27

rag ny omwithis vy rag derivas dhywgh oll an gusul a Dhuw.

Romanyon 8:8

ha'n re usi y'n kig ny yllons plesya Duw.

1 Korinthianys 11:23

Rag my a dhegemmeras dhiworth an Arloedh an pyth a res vy ynwedh dhywgh hwi: an Arloedh Yesu, y'n nos may feu traytys, a gemmeras bara,

1 Korinthianys 15:1

Lemmyn my a dhre dh'agas kov, breder, an aweyl hag a bregewthis dhywgh, hag a dhegemmersowgh, keffrys may sevowgh ynni,

1 Korinthianys 15:58

Rakhenna, ow breder meurgerys, bedhewgh len, fyrv, pup-prys ow palshe yn gonis an Arloedh, ow kodhvos nag yw euver agas lavur y'n Arloedh.

2 Korinthianys 10:1

My ow honan, Powl, a'gas pys dre glorder ha jentilys Krist, my neb yw uvel pan esov fas orth fas yn agas mysk mes hardh dhywgh pan esov dhe-ves ahanowgh:

2 Korinthianys 13:11

Gordhiwedh, breder, lowenhewgh; gwrewgh agas honan perfydh, kennerthewgh an eyl y gila, bedhewgh unnverhes, bedhewgh yn kres; ha'n Duw a gerensa hag a gres a vydh genowgh.

2 Korinthianys 5:9

Rakhenna, mars eson ni po yn tre po a-dre, mall yw genen ni bos plegadow dhodho.

2 Korinthianys 6:1

Ha ni ow kesoberi, ni a'gas pys ma na dhegemmerrowgh gras Duw yn euver;

Galatianys 6:1

A vreder, mar pe nebonan kechys yn kammweythres, hwi, usi a'n Spyrys, restoryewgh den a'n par na yn spyrys a jentylys. Mir orthis dha honan, ma na vi temptys ynwedh.

Efesianys 4:1

My ytho, prisner y'n Arloedh, a'gas pys a gerdhes gwiw dhe'n galow may fewgh hwi gelwys,

Efesianys 4:20

Mes hwi ny dhys'sowgh Krist yndellma!

Efesianys 5:17

Rakhenna, na vedhewgh gokki, mes konvedhewgh pyth yw bolonjedh an Arloedh.

Filippianys 1:27

Saw bedhes agas bewedh gwiw dhe'n aweyl a Grist, mar tov dh'agas gweles po gortos a-ves, may klewviv ahanowgh, hwi dhe sevel yn unn spyrys gans unn enev, ow strivya war-barth rag fydh an aweyl,

Filippianys 1:9

Ha hemma my a bys, may hwrello agas kerensa palshe moy ha moy yn godhvos ha pub konvedhes,

Filippianys 3:14

my a striv troha'n peul-diwedh rag gober an galow yn-bann a Dhuw yn Krist Yesu.

Kolossianys 1:10

dhe gerdhes gwiw dhe'n Arloedh, ow plegya yn tien, ow toen frut yn pub ober da hag ow tevi yn aswonnvos Duw,

Kolossianys 2:6

Rakhenna, dell dhegemmersowgh Krist Yesu an Arloedh, gwrewgh kerdhes ynno,

1 Thessalonianys 3:12

ha'n Arloedh re wrello dhywgh ynkressya ha palshe yn kerensa an eyl dh'y gila, ha dhe bub den kepar dell wren ni ynwedh dhywgh hwi,

1 Thessalonianys 4:2

Rag hwi a woer an gorhemmynnow a resen dhywgh der an Arloedh Yesu.

1 Thessalonianys 5:12

Lemmyn, ni a'gas pys a vreder, a aswonn an re a lavur yn agas mysk ha neb a'gas hembronk y'n Arloedh ha'gas keski,

2 Thessalonianys 1:3

Y koedh dhyn grassa dhe Dhuw pup-prys yn agas kever, a vreder, dell yw gwiw, rag agas fydh a wra tevi yn fras ha'gas kerensa pubonan dh'y gila a wra palshe,

2 Thessalonianys 2:1

Ni a'gas pys a vreder, a-dro dhe dhevedhyans agan Arloedh Yesu Krist ha'gan kuntellyans war-barth dhodho,

2 Thessalonianys 3:1

Wor'tiwedh, a vreder, gwrewgh pysi ragon may hwrello ger an Arloedh spedya ha bos enorys kepar dell wrug vy ynwedh yn agas mysk,

2 Thessalonianys 3:13

Ha hwi, a vreder, na wrewgh kelli kolonn ow kul dader.

1 Timothi 5:21

My a'th charj a-dherag Duw ha Krist Yesu ha'n eledh dewisys may synsi an taklow ma heb ragvreus, heb gul travyth dre faverans.

2 Timothi 4:1

A-dherag Duw ha Krist Yesu neb a wra breusi an re yw bew ha'n re yw marow, my a re charj dhis, ha der y omdhiskwedhyans ha'y wlaskor:

Ebrowyon 11:6

Ha heb fydh ny yllir y blesya. Rag y tegoedh dhe neb a dheffo nes dhe Dhuw krysi y vos bew hag ev dhe wobra an re a'n hwila yn tiwysyk.

Ebrowyon 13:16

Na ankevewgh gul oberow mas na kevrenna an pyth eus genowgh; sakrifisow a'n par ma yw plegadow dhe Dhuw.

Ebrowyon 13:22

Ha my a'gas pys, breder, a wul vri a'm ger a gennerth, rag my dhe skrifa war verr lavarow.

2 Peder 3:18

Mes tevewgh yn gras ha godhvos agan Arloedh ha Selwyas Yesu Krist. Dhodho ev re bo gordhyans hag y'n eur ma, ha bys y'n jydh heb worfenn. Amen.

1 Yowann 3:22

Ha ni a'gan beus ganso pypynag a bysyn, drefenn ni dhe witha y worhemmynnow ha ni dhe wul an pyth yw plegadow a-ragdho.