1 Thessalonianys 3:3 - An Bibel Kernewek 20234 (Kernewek Kemmyn)

³ ma na vo denvyth troblys y'n galarow ma, rag hwi a woer bos hemma agan rann,

1 Thessalonianys 3:3 ပူးပေါင်းရင်းမြစ်များ

Job 23:14

Rag ev a gowlwra an pyth yw apoyntys ragov; hag yma lies tra a'n par na ganso.

Salmow 112:6

Rag ny wra ev trebuchya bynitha; an den gwiryon a vydh synsys yn kov bys vykken.

Luk 21:12

‘Mes kyns hemma oll dhe hwarvos, i a dewl aga diwla warnowgh ha'gas helghya; i a'gas daskorr dhe'n synagys ha dhe brisonyow, hembrenkys dhe-ves a-rag myghternedh ha governours a-barth ow hanow vy.

Yowann 16:2

I a wra agas emskemuna a'n synaga; mes an eur a dheu pan dyb peub a wra agas ladha, ev dhe brofya gordhyans dhe Dhuw.

Yowann 16:33

My re leveris hemma dhywgh, rag ma'gas bo kres ynnov. Y'n bys hwi a'gas bydh govisyon; mes bedhewgh a gonfort da! My re fethas an bys.’

Oberow 14:22

ow surhe spyrys an dhyskyblon ha'ga ynnia pesya y'n fydh, ha leverel y tegoedh dhyn dre lies galar entra yn gwlaskor Duw.

Oberow 2:25

Rag yn-medh Davydh anodho, “My a welas an Arloedh prest a-dheragov, drefenn y vos ev a'm parth dhyghow ny vydhav kryghyllys.

Oberow 21:11

hag ev a dheuth dhyn, hag ow kemmeres grogys Powl ev a omgolmas er an dreys ha'n dhiwla ha leverel, ‘Yndellma y lever an Spyrys Sans, “Y'n for' ma an Yedhewon yn Yerusalem a wra kelmi an gour a bew an grogys ma, hag i a wra y dhelivra yn leuv an Jentilys.” ’

Oberow 21:13

Ena Powl a worthybis, ‘Pandr'a wrewgh hwi, owth oela ha treghi ow holonn? Rag parys ov vy dhe vos kelmys keffrys ha merwel yn Yerusalem a-barth hanow an Arloedh.’

Oberow 9:16

rag my a wra diskwedhes dhodho pygemmys y telledh ev dhe wodhav a-barth ow hanow.’

Romanyon 5:3

Dres henna, ni a bost yn agan galarow, ow kodhvos galar dhe dhri perthyans,

1 Korinthianys 15:58

Rakhenna, ow breder meurgerys, bedhewgh len, fyrv, pup-prys ow palshe yn gonis an Arloedh, ow kodhvos nag yw euver agas lavur y'n Arloedh.

1 Korinthianys 4:9

Dell dybav, Duw re'gan diskwedhas, an abesteli, avel an re dhiwettha, dampnys dhe'n mernans, drefenn ni dhe dhos ha bos ges dhe'n bys, keffrys dhe eledh ha dhe dus.

Efesianys 3:13

Rag hemma, my a'gas pys na gemmerrowgh digolonn y'm galarow ragowgh hwi; agas glori yns i.

Filippianys 1:28

heb bos ownekhes yn travyth gans agas eskerens. Hemm yw prov a dhiswrians dhedha i, mes a'gas selwyans hwi, ha hemma dhiworth Duw.

Kolossianys 1:23

mar kwrewgh pesya krev y'n fydh, grondys ha fyrv, heb bos removyes dhiworth govenek an aweyl a glewsowgh, pregewthys yn oll kreasyon yn-dann nev, ha my Powl, eth ha bos menyster anedhi.

1 Thessalonianys 5:9

Rag ny wrug Duw agan destna dhe sorr mes dhe gavoes selwyans der agan Arloedh Yesu Krist,

2 Thessalonianys 1:4

may hwren ni bostya ahanowgh yn eglosyow Duw, a'gas perthyans ha'gas fydh yn oll an helghyans ha'n galar a wodhevowgh.

2 Timothi 1:8

Ytho, na gemmer meth a dhustuni agan Arloedh, nag ahanav vy, y brisner, mes bydh kevrenner yn godhevyans rag an aweyl war-lergh galloes Duw,

1 Peder 2:21

Rag dhe hemma y fewgh hwi gelwys, rag Krist ynwedh a wodhevis ragowgh hwi dhe wir, ow kasa dhywgh ensampel, may siwyewgh olow y dreys.

Diskwedhyans 2:10

Na borth own a nagonan a'n taklow na a wredh godhav. Otta, an jowl a wra tewlel re ahanowgh yn prison may fewgh prevys, ha galar a'gas bydh deg dydh. Bydh len bys yn ankow, ha kurun bewnans dhiso a rov.

Diskwedhyans 2:13

‘My a aswonn le mayth esos trigys, le mayth usi tron Satnas, ha ty a syns ow hanow yn fast ha ny wrussys nagha ow fydh hwath y'n dydhyow na may feu ledhys Antipas ow merther len yn agas mysk, le may trig Satnas.