1 Thessalonianys 2:9 - An Bibel Kernewek 20234 (Kernewek Kemmyn)

⁹ Rag hwi a berth kov, a vreder, a'gan lavur ha'gan hwel. Owth oberi dydh ha nos ma na worren begh warnowgh, ni a bregowthas dhywgh aweyl Duw.

1 Thessalonianys 2:9 ပူးပေါင်းရင်းမြစ်များ

2 Myghternedh 6:2

Deun, ni a'th pys, dhe'n Yordan, ha kemmeres pub gour keber, ha gwren tyller ena may hyllyn triga ynno.’ Ev a worthybis, ‘Kewgh.’

Nehemia 5:15

Mes an governours kyns, re bia kyns ow thermyn vy, a settsa beghyow poes war an bobel ha kemmeres dhiworta dew-ugens shekel a arghans war-barth gans boes ha gwin. Aga servysi ynwedh a lordya war an bobel. Mes ny wrug vy yndella rag own Duw.

Nehemia 5:18

Lemmyn y fedha darbarys pub dydh unn ojyon ha hwegh davas dhewisys; ydhyn yn kepar maner a vedha darbarys ha pub deg dydh pub eghenn gwin yn lanwes; byttegyns yn spit dhe oll hemma ny erghis boes an governour drefenn begh an ober dhe vos poes war an bobel ma.

Salmow 32:4

Rag dydhweyth ha nosweyth poes o dha leuv warnav; ow sugen o treylys kepar hag yn syghor hav. Sela.

Salmow 88:1

A Arloedh Duw ow selwyans, my re armas dydh ha nos a-dheragos.

Lavarow Koth 31:18

Hi a surha bos gwayn da dh'y henwerth; ny vydh hy lugarn difeudhys nosweyth.

Yeremia 9:1

Unnweyth a pe ow fenn dowrow, ha'm dewlagas fenten a dhagrow, mayth oellen dydh ha nos rag an re ledhys a vyrgh ow fobel!

Luk 18:7

A ny wra Duw gwirvreus rag y dus dhewisys a gri warnodho dydh ha nos; a vydh ev lent ow kweres dhedha?

Luk 2:37

ha hi gwedhwes bys peswar bloedh ha peswar-ugens, neb na dhiberthi dhiworth an tempel, ow servya Duw gans penys ha pysadow dydh ha nos.

Oberow 18:3

ha drefenn y vos a'n keth kreft ev a drigas gansa, hag yth esa owth oberi; rag gwrioryon a dyldow ens i a'ga kreft.

Oberow 20:24

Mes ny akontyav ow bewnans a vri vyth dhymmo vy, unnweyth a kallen kowlwul ow resegva, ha'n menystrans a dhegemmeris dhiworth an Arloedh Yesu, rag doen dustuni dhe'n aweyl a ras Duw.

Oberow 20:31

Rakhenna bedhewgh war, ow perthi kov na astelas vy keski pub huni dres teyr blydhen nos ha dydh, gans dagrow.

Romanyon 1:1

Powl, gwas a Yesu Krist, gelwys dhe vos abostol, diberthys dhe aweyl Duw

Romanyon 15:16

rag may fiv vy menyster Yesu Krist dhe'n kenedhlow, avel oferyas dhe aweyl Yesu Krist rag may fo offrynn an kenedhlow kemmeradow, sanshes gans an Spyrys.

Romanyon 15:19

dre alloes toknys ha marthusyon, dre alloes Spyrys Duw, bys may hyllyn kowlwul pregoth aweyl Yesu Krist dhiworth Yerusalem hag yn kylgh bys yn Illyrikum,

1 Korinthianys 4:12

ha ni a lavur ow konis gans agan diwleuv agan honan; tebeldhyghtys, ni a vennik; helghys, ni a wodhev:

1 Korinthianys 9:15

Mes ny wrug vy devnydh a dravyth a'n gwiryow ma, na ny skrifis vy rag gwaynya traow a'n par na. Merwel a vynnsen kyns es dell gemmerro nebonan dhiworthiv ow skila dhe vostya!

1 Korinthianys 9:18

Pyth, ytho, yw ow gober? Hemma: ha my ow pregoth, my a yll gul dhe'n aweyl bos heb kost vyth, ha my heb gul devnydh kowal a'm gwir y'n aweyl.

1 Korinthianys 9:4

A nyns eus dhyn gwir a dhybri hag a eva?

2 Korinthianys 11:27

yn lavur ha gweyth kales, yn meur a nosow heb kosk, yn nown ha syghes, yn divoetteryow menowgh, yn yeynder ha noethedh.

2 Korinthianys 11:9

ha pan esen vy yn agas mysk, ha my edhommek, nyns en vy begh dhe dhenvyth; rag an vreder a dheuth dhiworth Makedonia a brovias an taklow a fylli dhymm, hag yn pub fordh my a omwitha ma na ven vy begh dhywgh, hag yndella my a wra pesya.

2 Korinthianys 6:5

yn kastigow, yn prisonyow, yn derays, yn lavuryansow, yn nosow digosk, yn nown,

Filippianys 4:16

Rag yn hwir, hwi a dhannvonas dhe'm edhomm unnweyth ha diwweyth yn Thessalonika.

1 Thessalonianys 1:3

ow perthi kov a'gas ober a fydh ha'gas lavur a gerensa ha'gas perthyans a wovenek yn agan Arloedh Yesu Krist a-dherag Duw agan Tas,

1 Thessalonianys 2:2

mes wosa godhevel kyns ha bos arvedhys, dell wodhowgh, yn Filippi, yth en ni kolonnek yn agan Duw dhe gewsel orthowgh aweyl Duw, gans strivyans meur.

1 Thessalonianys 2:6

Ny wrussyn hwilas gordhyans dhiworth mab-den, na dhiworthowgh hwi na dhiworth tus erell,

1 Thessalonianys 3:10

ow pysi yn tiwysyk dydh ha nos a weles agas fas ha kollenwel an pyth a fyll yn agas fydh?

1 Timothi 1:11

war-lergh aweyl splannder an Duw benniges, a veu res y'm charj.

1 Timothi 4:10

Dhe hemma ni a lavur ha strivya, rag yma agan govenek y'n Duw bew, neb yw an Selwador a bub den, hag a gryjygyon dres oll.

1 Timothi 5:5

Neb yw gwedhwes wir, neb re beu gesys hy honan, re settyas hy govenek war Dhuw, ow pesya yn govynnadow ha pysadow dydh ha nos.

2 Timothi 1:3

Gras a wonn dhe Dhuw a wordhyav dell wrug ow thasow, divlam ow howses, ow perthi kov ahanas heb hedhi y'm pysadow dydh ha nos,