1 Thessalonianys 2:7 - An Bibel Kernewek 20234 (Kernewek Kemmyn)

⁷ kyn hyllyn poesa warnowgh avel abesteli Krist. Mes klor en ni yn agas mysk kepar ha mammeth ow chershya hy fleghes.

1 Thessalonianys 2:7 ပူးပေါင်းရင်းမြစ်များ

Ysay 40:11

Avel bugel ev a vag y flokk; gans y vregh ev a guntell y eyn ha'ga doen yn y askra; ev a hembronk yn hwar an re usi ow ri bronn.

Ysay 49:23

Myghternedh a vydh dha dasvethow, ha'ga fennsevigesow a vydh dha vammvethow, i a ombleg dhis ha'ga fas dhe'n dor, ha lapya doust dha dreys. Ena ty a woer my dhe vos an Arloedh; an re a'm gorta, ny's tevydh meth.

Ysay 66:13

Avel flogh yw konfortys gans y vamm, yndella my a'gas konfort; hwi a vydh konfortys yn Yerusalem.

Niverow 11:12

A wrug vy omdhoen ha dineythi oll an bobel ma? may leverri dhymm, “Gwra aga doen y'th askra, dell dheg mager flogh-dena, dhe'n tir a desys y ri dh'aga thasow”?

Oberow 13:18

ha dres neb dew-ugens blydhen ev a's porthas y'n difeythtir,

1 Korinthianys 2:3

Hag yth esen vy genowgh yn gwannder hag yn own ha meur a grena;

1 Korinthianys 9:22

Dhe'n re wann my eth ha bos gwann, may hwaynnyen an re wann. My res eth ha bos pup-tra dhe dus oll may salwen awos eghenn rann anedha.

2 Korinthianys 10:1

My ow honan, Powl, a'gas pys dre glorder ha jentilys Krist, my neb yw uvel pan esov fas orth fas yn agas mysk mes hardh dhywgh pan esov dhe-ves ahanowgh:

2 Korinthianys 13:4

Rag krowsys veu dre wannder, mes ev a vew dre nerth Duw. Yn tevri, gwann on ni ynno ev, mes ragowgh hwi ni a wra bewa ganso dre nerth Duw.

Galatianys 4:19

Ow fleghesigow, mayth esov arta yn gloesow genesigeth ragowgh bys pan vo Krist formys ynnowgh,

1 Thessalonianys 2:11

Hwi a woer fatell wrussyn ni agas dyghtya, pubonan ahanowgh, kepar dell wra tas y fleghes ev,

Jamys 3:17

Mes an furneth a-wartha yw kyns oll glan, ena ow kara kres, klor, es y berswadya, leun a versi ha frut da, heb faverans, heb falsuri.