1 Thessalonianys 2:12 - An Bibel Kernewek 20234 (Kernewek Kemmyn)

¹² orth agas ynnia ha'gas kennertha, ha'gas konjorya may hwrellewgh kerdhes gwiw dhe Dhuw usi orth agas gelwel dh'y wlaskor ha'y splannder.

1 Thessalonianys 2:12 ပူးပေါင်းရင်းမြစ်များ

Jenesis 5:22

Hag Enok a gerdhas gans Duw trihans blydhen wosa ev dhe dhineythi Methusela, hag ev a dhineythis mebyon ha myrghes.

2 Kroniklys 17:4

mes ev a hwilas Duw y das hag a gerdhas yn y worhemmynnow, a-der fordhow Ysrael.

Romanyon 8:28

Ni a woer pup-tra dhe oberi war-barth rag dader rag an re a gar Duw, an re yw gelwys herwydh y borpos.

Romanyon 8:30

Ha'n re a ragdhestnas, ev a's elwis ynwedh; ha'n re a elwis, ev a's justifias ynwedh; ha'n re a justifias, ev a's glorifias ynwedh.

1 Korinthianys 1:9

Lel yw Duw; ganso ev hwi a veu gelwys a-bervedh yn kowethyans y Vab ev, Yesu Krist agan Arloedh.

2 Korinthianys 4:6

Rag Duw, neb a leveris ‘Yn-mes a dewlder y hwra golow splanna’, re splannas yn agan kolonnow dhe ri golow godhvos golewder Duw yn fas Krist.

Galatianys 5:16

Y lavarav, kerdhewgh war-lergh an Spyrys, saw na wrewgh kollenwel lust an kig.

Efesianys 4:1

My ytho, prisner y'n Arloedh, a'gas pys a gerdhes gwiw dhe'n galow may fewgh hwi gelwys,

Efesianys 5:2

ha kerdhewgh yn kerensa, kepar dell wrug Krist agas kara hag omri y honan ragon ni yn offrynn ha sakrifis dhe Dhuw, sawer plegadow.

Efesianys 5:8

rag kyns yth ewgh hwi tewlder, mes lemmyn golow y'n Arloedh. Kepar ha fleghes golow gwrewgh hwi kerdhes

Filippianys 1:27

Saw bedhes agas bewedh gwiw dhe'n aweyl a Grist, mar tov dh'agas gweles po gortos a-ves, may klewviv ahanowgh, hwi dhe sevel yn unn spyrys gans unn enev, ow strivya war-barth rag fydh an aweyl,

Kolossianys 1:10

dhe gerdhes gwiw dhe'n Arloedh, ow plegya yn tien, ow toen frut yn pub ober da hag ow tevi yn aswonnvos Duw,

Kolossianys 2:6

Rakhenna, dell dhegemmersowgh Krist Yesu an Arloedh, gwrewgh kerdhes ynno,

1 Thessalonianys 4:1

Wor'tiwedh ytho, a vreder, ni a'gas pys ha keski y'n Arloedh Yesu, kepar dell dhegemmersowgh dhiworthyn ni fatell goedh dhywgh kerdhes ha plegya dhe Dhuw, kepar dell gerdhowgh dhe wir, may palshahowgh dhe voy.

1 Thessalonianys 4:12

may kerthowgh gans onester a-rag an re a-ves, ha ma na vo edhomm dhywgh a dravyth.

1 Thessalonianys 5:24

Lel yw neb a'gas gelow, hag ynwedh ev a wra y gollenwel.

2 Thessalonianys 1:10

pan dheffo y'n jydh na dhe vos glorifiys yn y syns ha ri marth dhe oll an re a grys, rag bos krysys agan dustuni dhywgh hwi.

2 Timothi 1:9

a wrug agan selwel ha gelwel gans galow sans, a-der herwydh agan gwriansow agan honan, mes war-lergh y dowl ha'y ras ev a veu res dhyn yn Krist Yesu kyns termyn heb worfenn,

1 Peder 2:9

Mes hwi yw agh dhewisys, oferyaseth ryel, kenedhel sans, pobel arbennik dhodho, may hyllowgh deklarya an gwriansow marthys a neb a'gas gelwys yn-mes a dewlder a-bervedh yn y wolow marthys.

1 Peder 3:9

heb attyli drog rag drog na despit rag despit, mes yn le henna bennath, rag dhe henna y fewgh hwi gelwys, may hwrellewgh erita bennath.

1 Peder 5:10

Lemmyn, Duw pub ras, neb a'gas gelwis dh'y splannder heb diwedh yn Krist Yesu, wosa hwi dhe wodhevel pols, a wra y honan agas gul perfydh, fastya, krevhe ha selya.

2 Peder 1:3

Galloes Duw re ros dhyn pup-tra kevrennys gans bewnans ha sansoleth, der aswonnvos a neb a'gan gelwis dh'y splannder ev ha'y vertu.

1 Yowann 2:6

Neb a lever ev dhe driga ynno, y tegoedh dhodho ynwedh kerdhes par dell gerdhi ev.

3 Yowann 1:6

an re re dhustunias dhe'th kerensa a-rag an eglos; ty a wra da orth aga dannvon yn-rag dell dhelledh dhe wonis Duw.