1 Thessalonianys 2:10 - An Bibel Kernewek 20234 (Kernewek Kemmyn)

¹⁰ Hwi yw testow, ha Duw ynwedh, fatell en ni sans ha gwiryon ha divlam dhywgh hwi neb a grys.

1 Thessalonianys 2:10 ပူးပေါင်းရင်းမြစ်များ

Yeremia 18:20

A vydh drogedh attylys rag da? Rag i re balasas pytt rag ow enev. Porth kov my dhe sevel a-ragos dhe gewsel da ragdha, dhe dreylya dha sorr a-dhiworta.

Niverow 16:15

Ha Moyses o pur serrys, ha leverel dhe'n Arloedh, ‘Na wra vri a'ga offrynn. Ny gemmeris nag unn asen a-dhiworta, na ny bystigis nagonan anedha.’

Luk 23:41

Ha ni yn tevri gwirvreusys, rag ni re gavas agan gober gwiw rag an taklow a wrussyn; mes hemma ny wrug travyth kamm.’

Oberow 20:18

Ha pan dheuthons dhodho, ev a leveris dhedha: ‘Hwi a woer, dhiworth an kynsa dydh may teuth vy yn Asia, fatell o genev pup-prys ha my genowgh,

Oberow 20:26

Rakhenna my a dheg dustuni dhywgh y'n jydh hedhyw ow bos glan a woes tus oll;

Oberow 24:16

Rakhenna my ow honan a striv prest dhe synsi kowses divlam a-rag Duw ha tus oll.

2 Korinthianys 1:12

Lemmyn, hemm yw agan bost, dustuni agan kowses, ni dhe omdhegi y'n bys yn sempledh ha gwiryonsys Duw, heb skentoleth an kig mes dre ras Duw, ha dres oll orthowgh hwi.

2 Korinthianys 11:11

Praga? Drefenn na'gas karav? Gwrav, dell woer Duw.

2 Korinthianys 11:31

Duw ha Tas an Arloedh Yesu, re bo ev benniges trank heb worfenn, a woer nag esov vy ow leverel gowyow.

2 Korinthianys 4:2

mes ni re hepkorras traow kevrinek ha divlas; ny wren ni gul devnydh a felder, na gul kamm ger Duw, mes dre dhiskwedhyans a'n gwiryonedh ni a omgommend dhe gowses pub huni dherag Duw.

2 Korinthianys 5:11

Ytho, ha ni ow kodhvos own an Arloedh, ni a berswad tus dhe grysi, hag aswonnys yn ta on ni gans Duw; hag yma govenek dhymm agan bos aswonnys yn agas kowses hwi ynwedh.

2 Korinthianys 7:2

Gwrewgh spas ragon yn agas kolonnow; ny gammwrussyn erbynn denvyth, ny bystigsyn denvyth gans mona, ny doellsyn denvyth.

1 Thessalonianys 1:5

rag ny dheuth agan aweyl dhywgh hwi yn lavar yn unnsel, mes ynwedh yn nerth hag y'n Spyrys Sans, ha gans meur a surheans, dell wodhowgh py par tus en ni yn agas mysk, rag agas les.

1 Thessalonianys 2:5

Rag ny wrussyn bythkweth devnydh a eryow fekyl, dell wodhowgh, na kudhlenn krefni, Duw yn test.

2 Thessalonianys 3:7

Rag hwi agas honan a woer fatell dhegoedh gul war agan lergh; rag nyns en ni diek yn agas mysk,

1 Timothi 4:12

Na dhispresys denvyth dha yowynkneth, mes deus ha bos patron dhe'n gryjygyon yn lavar, yn bewedh, yn kerensa, yn fydh, yn glander.

2 Timothi 3:10

Mes ty re siwyas yn tiwysyk ow dyskas, ow fara, ow thowl, ow fydh, ow hirwodhevyans, ow herensa, ow ferthyans,

1 Peder 5:3

heb lordya war an re a withowgh, mes yn ensamplys dhe'n flokk,