1 Thessalonianys 1:8 - An Bibel Kernewek 20234 (Kernewek Kemmyn)

⁸ Rag ger an Arloedh ny wrug seni dhiworthowgh nyns yw unnsel yn Makedonia hag yn Aghaia, mes yn pub le agas fydh yn Duw re beu dyllys a-les, ma nag yw res dhyn ni leverel travyth.

1 Thessalonianys 1:8 ပူးပေါင်းရင်းမြစ်များ

Eksodus 18:9

Ha Yethro a lowenhas rag oll an dader re wrussa an Arloedh dhe Ysrael, orth aga livra yn-mes a dhorn a'n Ejyptianys.

Ysay 2:3

Poblow pals a dheu ha leverel, ‘Dewgh, ha deun ni yn-bann dhe venydh an Arloedh, dhe ji Duw Yakob; hag ev a dhysk dhyn y fordhow, ha ni a gerdh yn y hynsyow.’ Rag yn-mes a Sion y teu lagha, ha ger an Arloedh dhiworth Yerusalem.

Ysay 52:7

Ass yw teg war an menydhyow treys an gannas hag a dhre nowodhow da, neb a dhyllo kres ha derivas dader, neb a dhyllo selwyans; neb a lever dhe Sion, ‘Dha Dhuw a reyn.’

Ysay 66:19

My a sett tokyn yn aga mysk, ha dannvon re a'n dhiankoryon anedha dhe'n kenedhlow, dhe Tarshish, dhe Put, ha dhe Lud, an re a denn an warak, dhe Tubal ha Yavan, an ynysow pell, na glewsons son ahanav, na weles ow glori; hag i a dhiskler ow glori yn mysk an kenedhlow.

Oberow 18:12

Mes pan o Gallio prokonsul Aghaia, an Yedhewon, unys aga brys, a omsettyas erbynn Powl ha'y dhri dhe'n barr,

Romanyon 1:8

Kyns oll, yth aswonnav gras dhe'm Duw dre Yesu Krist ahanowgh hwi oll, drefenn agas fydh dhe vos dyllys y'n norvys oll.

Romanyon 15:26

Rag da o gans Makedonia hag Aghaia provia nebes rag an voghosogyon yn mysk an syns yn Yerusalem.

Romanyon 16:19

Rag agas gostytter yw aswonnys gans tus oll, bys may lowenhav warnowgh; my a vynn orthowgh bos fur dhe'n da ha gwiryon dhe'n drog.

1 Korinthianys 14:36

A wrug ger Duw dalleth genowgh hwi, po a ny dheuth saw dhywgh hwi?

2 Korinthianys 2:14

Mes dhe Dhuw re bo grasow, neb a'gan hembronk pup-prys yn trygh yn Krist, ow lesa dredhon yn pub le odour an godhvos anodho;

2 Korinthianys 3:4

Dre Grist yma dhyn fydhyans a'n par na orth Duw.

Kolossianys 3:16

Triges ger Krist ynnowgh yn rych, ow tyski ha keski an eyl y gila yn pub furneth, ow kana salmow, hymnys ha kanow spyrysel gans gras yn agas kolonn dhe Dhuw.

2 Thessalonianys 1:4

may hwren ni bostya ahanowgh yn eglosyow Duw, a'gas perthyans ha'gas fydh yn oll an helghyans ha'n galar a wodhevowgh.

2 Thessalonianys 3:1

Wor'tiwedh, a vreder, gwrewgh pysi ragon may hwrello ger an Arloedh spedya ha bos enorys kepar dell wrug vy ynwedh yn agas mysk,

1 Timothi 2:8

Ytho, my a vynn may hwrello pysi an wer yn pub le, ow trehevel diwla sans heb sorr na disputyans.

2 Timothi 2:9

may hwodhavav drog rygdhi, bys may fiv yn kolmow kepar ha drogoberer; mes nyns yw lavar Duw kelmys.

3 Yowann 1:12

Demetrius a'n jeves dustuni gans pubonan ha gans an gwirder y honan; ni a dheg dustuni dhodho ynwedh, ha ty a woer agan dustuni dhe vos gwir.

Diskwedhyans 14:6

Ha my a welas ken el ow nija yn kres nev gans an aweyl heb hedhi dhe bregoth dhe neb a drig war an norvys, ha dhe bub kenedhel ha loeth ha taves ha pobel,

Diskwedhyans 22:17

Hag yn-medh an Spyrys ha'n venyn bries, ‘Deus’, ha leveres neb a glewvo, ‘Deus’, ha des neb a'n jeffo syghes; neb a vynno, kemmeres ev a'n dowr a vewnans heb kost.