1 Thessalonianys 1:5 - An Bibel Kernewek 20234 (Kernewek Kemmyn)

⁵ rag ny dheuth agan aweyl dhywgh hwi yn lavar yn unnsel, mes ynwedh yn nerth hag y'n Spyrys Sans, ha gans meur a surheans, dell wodhowgh py par tus en ni yn agas mysk, rag agas les.

1 Thessalonianys 1:5 ပူးပေါင်းရင်းမြစ်များ

Ysay 55:11

yndella y fydh ow ger hag a dheu dhiworth ow ganow; ny dhehwel dhymm gwag, mes ev a gowlwra ow bodh, hag a sewen y'n dra may hwrugavy y dhannvon ragdho.

Mark 16:20

Hag yth ethons yn-mes ha pregoth yn pub le, ha'n Arloedh ow kesoberi gansa hag ow fastya an ger der an toknys a wre holya. Amen.

Luk 1:1

Lies huni re omgemmeras araya derivadow yn kempenn a-dro dhe'n taklow kowlwrys yn agan mysk,

Oberow 11:21

Hag yth esa leuv an Arloedh gansa, ha niver meur a grysis ha treylya dhe'n Arloedh.

Oberow 16:14

Hag yth esa unn venyn henwys Lydia, marchont yn purpur, a'n sita Thyatira neb o gordhyores Duw, ow koslowes; ha'n Arloedh a igoras hy golonn dhe attendya an taklow kewsys gans Powl.

Oberow 2:33

rakhenna, ughelhes dhe'n barth dhyghow dhe Dhuw, pan dhegemmersa dhiworth an Tas dedhewadow an Spyrys Sans, ev a dhinewis hemma hag a welowgh hag a glewowgh.

Romanyon 1:16

Rag ny'm beus meth a'n aweyl: galloes Duw dhe selwel yw hi dhe geniver a grys, dhe'n Yedhow yn kynsa ha dhe'n Grek keffrys.

Romanyon 15:13

Re'gas lanwo an Duw a wovenek a bub lowender hag a gres yn krysi, rag may palshahowgh yn govenek dre alloes an Spyrys Sans.

Romanyon 2:16

y'n jydh may freus Duw, war-lergh ow aweyl, kevrinyow tus dre Yesu Krist.

1 Korinthianys 1:24

mes dhe'n re neb yw selwys, keffrys Yedhewon ha Grekys, Krist nerth Duw ha skentoleth Duw.

1 Korinthianys 10:33

par dell blegyav evy dhe dus oll yn pup-tra a wrav, heb hwilas ow les ow honan, mes an les a lies, may fons selwys.

1 Korinthianys 3:16

A ny wodhowgh hwi agas bos tempel Duw ha bos Spyrys Duw trigys ynnowgh?

1 Korinthianys 3:6

My a blansas, Apollos a dhowras, mes Duw a wrug dhe devi.

1 Korinthianys 4:20

rag nyns yw gwlaskor Duw yn kows mes yn galloes.

1 Korinthianys 9:14

Y'n keth vaner, an Arloedh a worhemmynnis y koedh dhe'n re neb a bregoth an aweyl kavoes aga fygans der an aweyl.

2 Korinthianys 3:6

neb a'gan gwrug gwiw dhe vos menystrys a gevambos nowydh, a-der a lytherenn mes a spyrys; rag an lytherenn a ladh, mes an spyrys a vewha.

Galatianys 2:2

my a yskynnas dre dhiskwedhyans ha gorra a-dheragdha an aweyl a bregowthav yn mysk an Jentilys, yn priva dhe dus a vri, ma na vien ow poenya po na wrussen poenya war neb kor yn euver.

Galatianys 5:5

Rag ni, der an Spyrys, a wayt gans mall an govenek a ewnder, dre fydh.

Efesianys 2:10

Rag y wrians ev on ni, kreatys yn Krist Yesu dhe oberow da a ragbareusis Duw, may hyllyn ni kerdhes ynna.

Efesianys 3:20

Lemmyn, dhe neb a yll gul dres pup-tra yn pals dres eghenn moy es dell bysyn na brederyn, war-lergh an galloes a ober ynnon ni,

Filippianys 2:13

Rag Duw yw neb a ober ynnowgh, ha dhe vynnes ha dhe oberi orth bodh y vrys.

Filippianys 4:9

Ha'n taklow a dhys'sowgh ha degemmeres ha klewes ha gweles ynnov, gwrewgh an re ma; ha'n Duw a gres a vydh genowgh.

Kolossianys 2:2

may fons kennerthys yn aga holonn, ow pos junys war-barth yn kerensa hag y'n rychys oll a'n surheans leun a gonvedhes, rag aswonnvos a'n mysteri a Dhuw, a Grist;

1 Thessalonianys 2:13

Ha rakhemma ni ynwedh a ras dhe Dhuw heb hedhi, pan dhegemmersowgh ger Duw a glewsowgh ahanan, na wrussowgh y dhegemmeres avel ger mab-den, mes avel ger Duw, dell yw yn hwir, a wra oberi ynwedh ynnowgh hwi neb a grys.

2 Thessalonianys 2:14

Dhe hemma ev a'gas gelwis ynwedh der agan aweyl dhe gavoes splannder agan Arloedh Yesu Krist.

2 Timothi 2:10

Rakhenna, pup-tra a borthav rag an re yw dewisys, may kaffons i ynwedh an selwyans usi yn Krist Yesu, gans splannder heb worfenn.

2 Timothi 2:8

Porth kov a Yesu Krist drehevys dhiworth an re varow, a has Davydh, war-lergh ow aweyl,

Ebrowyon 10:22

nesyn gans kolonn wir yn surneth leun a fydh, agan kolonn purhes glan a debelgowses ha'gan korf golghys gans dowr pur.

Ebrowyon 6:11

Mes hwans a'gan beus hwi dhe dhiskwedhes, pub huni, an keth mall dhe dhrehedhes dhe leun surneth a wovenek bys y'n diwedh

1 Peder 1:12

Diskwedhys veu dhedha nag esons i ow konis aga honan, mes yth esons orth agas gonis hwi y'n taklow re beu derivys dhywgh gans an re a bregowthas an nowodhow da dhywgh der an Spyrys Sans, dannvenys dhiworth nev, taklow ha hwans yma dhe eledh mires warnedha.

1 Peder 1:3

Benniges re bo Duw ha Tas agan Arloedh Yesu Krist, neb a'gan dastineythis, war-lergh y dregeredh vras, dhe wovenek bew dre dhasserghyans Yesu Krist a'n re varow,

1 Peder 5:3

heb lordya war an re a withowgh, mes yn ensamplys dhe'n flokk,

2 Peder 1:10

Rakhenna, a vreder, bedhewgh dhe voy diwysyk dhe fastya agas galow ha'gas dewis; rag mar kwrewgh an taklow ma, ny wrewgh trebuchya bynitha.

2 Peder 1:19

Ha ni a'gan beus an ger profoesek moy sur. Hwi a wra yn ta ow kul vri anodho, kepar ha lugarn ow kolowi yn tyller tewl erna dartho an jydh hag erna dhrehaffo Borlowenn yn agas kolonnow.