1 Samuel 9:7 - An Bibel Kernewek 20234 (Kernewek Kemmyn)

⁷ Ena Sowl a leveris dh'y was, ‘Mes mar teun, pandr'a yllyn dri dhe'n gour? Rag an bara yn agan seghyer yw gyllys, ha nyns eus ro vyth dhe dhri dhe wour Duw. Pandr'eus dhyn?’

1 Samuel 9:7 ပူးပေါင်းရင်းမြစ်များ

1 Myghternedh 13:7

Ena an myghtern a leveris dhe wour Duw, ‘Deus tre genev ha kav sosten, ha my a re dhis ro.’

1 Myghternedh 14:3

Kemmer genes deg torth, tesennow, ha pott a vel, ha ke dhodho; ev a lever dhis pandr'a vydh tenkys an maw.’

2 Myghternedh 4:42

Gour a dheuth dhiworth Baal-shalisha, hag ev a dhros dhe wour Duw bara a'n kynsa frutys, ugens torth a heydh ha pennow-ys glas yn y sagh. Elisha a leveris, ‘Roy hemma dhe'n bobel may hallons dybri.’

2 Myghternedh 5:15

Ena ev a dhehwelis dhe wour Duw, ev hag oll y gowethas, ha dos ha sevel a-ragdho ha leverel, ‘Lemmyn my a woer nag eus Duw yn oll an norvys, marnas yn Ysrael. Lemmyn kemmer, my a'th pys, ro dhiworth dha was.’

2 Myghternedh 5:5

Myghtern Aram a leveris, ‘Ke yn-rag ha my a dhannvon lyther dhe vyghtern Ysrael.’ Naaman a dhibarthas ha kemmeres ganso deg talent a arghans, ha hwegh mil shekel ha deg chanj a dhillas.

2 Myghternedh 8:8

hag ev a leveris dhe Hazael, ‘Kemmer ro y'th leuv ha ke rag metya orth gour Duw, ha pysi an Arloedh dredho, ow leverel, a wrav yaghhe dhiworth an kleves ma?’

2 Myghternedh 8:9

Ytho Hazael eth dhe vetya orto ha kemmeres ro ganso, begh a bup-tra da a Damaskus war dhew-ugens kowrvargh. Pan dheuth ev ha sevel a-ragdho yn-medh ev, ‘Dha vab, Ben-hadad myghtern Aram, re'm dannvonas dhis, ow leverel, “A wrav yaghhe dhiworth an kleves ma?” ’

Ezekiel 13:19

Hwi re'm dhefolas yn mysk ow fobel rag dornasow a heydh ha temmyn a vara, ow ladha enevow na dalsons merwel, hag ow sparya enevow na dalsons bewa, der agas gowleverel dhe'm pobel usi ow koslowes orth gow.

Breusysi 6:18

Na ge alemma kyns av dhiso jy, hag y trov yn-mes ow ro ha'y gorra a-ragos.’ Hag y leveris, ‘My a worta bys pan dhehwelli.’