1 Samuel 9:13 - An Bibel Kernewek 20234 (Kernewek Kemmyn)

¹³ Kettell dhewgh a-bervedh y'n sita, hwi a'n kyv, kyns ev dhe vones yn-bann dhe'n tyller ughel dhe dhybri. Rag ny vynn an bobel dybri erna dheffo, drefenn ev dhe venniga an sakrifis; ha wosa henna an re neb yw gelwys a dheber. Ha lemmyn kewgh yn-bann, rag a-dro dhe'n termyn ma hwi a'n kyv.’

1 Samuel 9:13 ပူးပေါင်းရင်းမြစ်များ

2 Samuel 15:11

Gans Absalom yth eth dewkans gour a Yerusalem. I re bia gelwys, hag i eth yn aga sempledh, ha ny wodhyens travyth.

Matthew 14:19

Ena yth erghis dhe'n routhow esedha war an glaswels ha wosa ev dhe gemmeres an pymp torth ha'n dhew bysk ha mires yn-bann dhe nev, ev a vennigas ha terri, ha ri an torthow dhe'n dhyskyblon, ha'n dhyskyblon a's ros dhe'n routhow.

Matthew 26:26

Ha pan esens ow tybri, Yesu a gemmeras bara hag a'n bennigas hag a'n torras ha'y ri dhe'n dhyskyblon, ow leverel, ‘Kemmerewgh, dybrewgh, hemm yw ow horf.’

Mark 6:41

Ha wosa ev dhe gemmeres an pymp torth ha'n dhew bysk, ev a viras yn-bann dhe nev, ha benniga, ha terri an torthow, ha'ga ri dh'y dhyskyblon dhe worra a-ragdha, ha'n dhew bysk ev a's rannas yntredha oll.

Luk 24:30

Hag y hwarva, pan o ev esedhys gansa orth an voes, y kemmeras bara, ha benniga, ha terri, ha ri dhedha.

Luk 9:16

Hag ow kemmeres an pymp torth ha'n dhew bysk, ev a viras yn-bann dhe nev ha'ga benniga, ha'ga therri, hag ev a's ros dh'y dhyskyblon rag aga settya a-rag an routh.

Yowann 6:11

Ytho Yesu a gemmeras an torthow ha wosa ri grasow ev a ros dhe'n re esedhys, hag y'n keth vaner a'n puskes, kemmys dell vynnsons.

Yowann 6:23

Mes gorholyon erell a dheuth dhiworth Tiberias, ogas dhe'n tyller may tyb'sens an bara, wosa an Arloedh dhe ri grasow.

1 Korinthianys 10:30

Mar kemmerav dre ras, prag yth ov vy kablys rag an pyth a rassav.

1 Timothi 4:4

Rag da yw pub kreatur a Dhuw, ha nyns yw res gorra travyth dhe-ves, mars yw degemmerys gans grasyans,

1 Samuel 2:35

Ha my a dhrehav ragov ow honan oferyas lel, neb a wra war-lergh an pyth usi y'm kolonn ha'm brys. My a dhrehav ragdho chi sur, hag ev a gerdh a-dherag ow untys bys vykken.

1 Samuel 9:14

Hag i eth yn-bann dhe'n sita. Ha pan esens owth entra y'n sita, otta, i a welas Samuel ow tos yn-mes trohag i war y fordh dhe'n tyller ughel.