1 Samuel 30:15 - An Bibel Kernewek 20234 (Kernewek Kemmyn)

¹⁵ Yn-medh Davydh dhodho, ‘A vynnydh ow hemmeres yn-nans dhe'n bagas ma?’ Ev a worthybis, ‘To dhymm re Dhuw, na wre'ta ow ladha, na'm delivra a-berth yn leuv ow mester, ha my a wra dha dhri yn-nans dhe'n bagas ma.’

1 Samuel 30:15 ပူးပေါင်းရင်းမြစ်များ

Jenesis 24:3

ha my a wra dhis ti re'n Arloedh, Duw an nevow ha Duw an norvys, na wre'ta kemmeres gwreg rag ow mab a vyrghes an Kananysi, mayth esov trigys yn aga mysk.

Ezekiel 17:13

Ena ev a gemmeras onan a'n has ryel ha gul kevambos ganso, ha'y worra yn-dann li. Ynwedh ev a gemmeras ledyoryon an wlas,

Ezekiel 17:16

Dell vewav vy, yn-medh an Arloedh Duw, ev a verow yn Babylon, yn tyller an myghtern a'n gwrug ev myghtern; may tispresyas y li, ha terri y gevambos.

Ezekiel 17:19

Rakhenna yndellma y lever an Arloedh Duw: Dell vewav, my a attal war y benn ow ti a dhispresyas, ha'm kevambos a dorras.

Yoshua 2:12

Ha lemmyn, tewgh dhymm re'n Arloedh, dell wrugavy kuvder dhywgh, hwi ynwedh dhe dhiskwedhes kuvder dhe ji ow thas. Rewgh dhymm tokyn sur

Yoshua 9:15

Yoshua a wrug kres gansa, ha gul kevambos gansa, rag sparya aga bewnans; ha ledyoryon an kuntelles a dos dhedha.

Breusysi 1:24

An aspioryon a welas gour ow tos yn-mes a'n sita, hag yn-medhons dhodho, ‘Diskwedh dhyn an fordh dhe entra an sita, ha ni a wra dha dhyghtya yn hegar.’

1 Samuel 29:6

Ena Akish a elwis Davydh ha leverel dhodho, ‘Dell vew an Arloedh, ty re beu ewnhynsek, hag y'm golok yth hevel ewn dhymm ty dhe vones yn-mes ha dones a-ji genev y'n lu; rag ny gevis drog vyth ynnos a-dhia'n jydh may teuthys dhymm bys y'n jydh hedhyw. Byttegyns nyns osta da yn dewlagas an wahalyethow.

1 Samuel 30:14

Ni a wrug omsettyans war Negeb an Kerethysi ha war an pyth a wra Yuda y bewa ha war Negeb Kaleb; ha ni a loskas Siklag gans tan.’

1 Samuel 30:16

Pan y'n drosa yn-nans, awotta, yth ens i lesys a-derdro war enep oll an dor, ow tybri hag owth eva, hag ow tonsya, drefenn an myns bras a breydh a gemmersens yn-mes a bow an Filistysi hag yn-mes a bow Yuda.