1 Samuel 29:6 - An Bibel Kernewek 20234 (Kernewek Kemmyn)

⁶ Ena Akish a elwis Davydh ha leverel dhodho, ‘Dell vew an Arloedh, ty re beu ewnhynsek, hag y'm golok yth hevel ewn dhymm ty dhe vones yn-mes ha dones a-ji genev y'n lu; rag ny gevis drog vyth ynnos a-dhia'n jydh may teuthys dhymm bys y'n jydh hedhyw. Byttegyns nyns osta da yn dewlagas an wahalyethow.

1 Samuel 29:6 ပူးပေါင်းရင်းမြစ်များ

Jenesis 16:6

Mes yn-medh Abram dhe Saray, ‘Awotta, yma dha vaghteth y'th leuv. Gwra dhedhi dell vo plegadow dhis.’ Ena Saray a wrug hy thebeldhyghtya, ytho hi a fias dhiworth hy golok.

2 Samuel 3:25

Ty a woer Abner mab Ner dhe dhos dhe'th toella, ha kavoes godhvos a'th vos yn-mes ha'th tos a-ji, ha dhe wodhvos pup-tra esos orth y wul.’

2 Myghternedh 19:27

‘Mes my a woer pan sevydh ha pan esedhydh, pan edh yn-mes ha pan dheudh a-ji, ha fatell gonnerydh er ow fynn.

Salmow 121:8

An Arloedh a'th with ow mos dhe-ves hag ow tos a-ji alemma rag ha bys vykken.

Ysay 37:28

‘Mes my a woer pan sevydh ha pan esedhydh, pan edh yn-mes ha pan dheudh a-ji ha fatell gonnerydh er ow fynn.

Ysay 65:16

Piwpynag y'n tir a hwillo bennath warnodho y honan a'n hwila re'n Duw a wirder; ha piwpynag y'n tir a dollo ti a de ti re'n Duw a wirder; rag ankevys yw an kynsa troblow, ha kudhys dhiworth ow dewlagas.

Yeremia 12:16

Hag ena, mar tyskons yn tiwysyk fordhow ow fobel, dhe di ren ow hanow, ‘Dell vew an Arloedh’ par dell dhysksons ow fobel dhe di re Baal; ena i a vydh drehevys yn mysk ow fobel.

Niverow 27:17

neb a wra mos a-dheragdha ha dos a-ji a-ragdha, neb a's hembronk yn-mes ha'ga dri a-ji; ma na vo kuntelles an Arloedh avel deves na's teves bugel.’

Matthew 5:16

Yndella re derlentro agas golow a-rag tus may hwellons agas oberow da ha gordhya agas Tas eus y'n nevow.

Dewteronomi 10:20

Porth own a'n Arloedh dha Dhuw ha gwra y servya. Glen orto, ha to ren y hanow.

Yoshua 22:30

Pan glewas Finehas an oferyas ha ledyoryon an kuntelles, ha pennow kordhow Ysrael esa ganso, an geryow a gewsis an Rewbenysi ha'n Gadysi ha mebyon Manasse, yth o da yn aga golok.

1 Peder 2:12

Bedhes da agas bewedh yn mysk an Jentilys; ena kyn kewsons er agas pynn avel drogoberoryon, y hyllons gordhya Duw yn dydh y dhevedhyans, pan welons agas gwriansow da.

1 Peder 3:16

mes gans klorder hag own, ow kwitha kowses da, may fons i shamys neb a gabel agas bewedh da yn Krist, pan gewsons er agas pynn.

1 Samuel 20:3

Mes ynwedh Davydh a dos, ‘Dha das a woer yn ta my dhe gavoes gras y'th wolok; hag ev a breder, “Na as Yonathan dhe wodhvos hemma, po ev a vydh grevys.” Mes yn gwiryonedh, dell vew an Arloedh ha dell vewydh dha honan, yma saw kamm yntredhov ha mernans.’

1 Samuel 28:10

Mes Sowl a dos dhedhi re an Arloedh, ha leverel, ‘Dell vew an Arloedh, ny dheu kessydhyans vyth warnas rag an dra ma.’

1 Samuel 29:3

Yn-medh kaslewydhyon an Filistysi, ‘Pyth usi an Ebrowyon ma ow kul omma?’ Akish a worthybis dhe gaslewydhyon an Filistysi, ‘A nyns yw hemma Davydh, gwas Sowl myghtern Ysrael, neb re beu genev lemmyn an dydhyow ma ha'n blydhynyow ma? Ny gevis fowt vyth ynno a-ban gilfias dhymm bys y'n jydh hedhyw.’

1 Samuel 29:7

Ytho dehwel lemmyn; ha ke yn kres; na wra travyth dhe dhisplesya gwahalyethow an Filistysi.’

1 Samuel 5:8

Rakhenna i a dhannvonas ha kuntell war-barth oll gwahalyethow an Filistysi dhedha, ha leverel, ‘Pandr'a wren ni gans argh Duw Ysrael?’ I a worthybis, ‘Bedhes argh Duw Ysrael degys a-dro dhe Gath.’ Ytho i a dhug argh Duw di.