1 Samuel 27:11 - An Bibel Kernewek 20234 (Kernewek Kemmyn)

¹¹ Ha ny asa Davydh yn few naneyl gour na benyn, dhe dri ger dhe Gath, ow leverel, ‘Ma na dheriffons a-dro dhyn, ha leverel, “Davydh re wrug yndella.” ’ Hemm o y vaner dres oll an termyn mayth esa ev trigys yn pow an Filistysi.

1 Samuel 27:11 ပူးပေါင်းရင်းမြစ်များ

Lavarow Koth 12:19

Gweusyow gwiryon a dhur bys vykken, mes taves gowek a bes unn pols byghan.

Lavarow Koth 29:25

Own den a sett antell, mes neb a drest y'n Arloedh yw saw.

Yeremia 41:4

Hag y'n jydh wosa ev dhe ladha Gedalia, kyns denvyth dh'y wodhvos,

1 Samuel 22:22

Yn-medh Davydh dhe Abiathar, ‘My a wodhya y'n jydh na, pan esa Doeg an Edomyas ena, ev dhe vynnes yn sur derivas dhe Sowl. My re beu an kaws a vernans oll chi dha das.

1 Samuel 27:10

Pan wovynni Akish, ‘Piw re wrussys omsettyans er y bynn hedhyw?’ Davydh a leveri, ‘Erbynn Negeb Yuda’, po ‘Erbynn Negeb an Yeraghmeelysi’, po, ‘Erbynn Negeb an Kenysi.’

1 Samuel 27:12

Hag Akish a drestyas yn Davydh, ha tybi, ‘Ev re wrug y honan kasadow glan yn mysk y bobel Ysrael; rakhenna ev a vydh ow gwas bys vykken.’

1 Samuel 30:2

ha kemmeres yn kethneth an benynes hag oll myns esa ynni, byghan ha bras; ny ladhsens gour vyth, mes aga doen dhe-ves, ha mos war aga fordh.