1 Samuel 27:10 - An Bibel Kernewek 20234 (Kernewek Kemmyn)

¹⁰ Pan wovynni Akish, ‘Piw re wrussys omsettyans er y bynn hedhyw?’ Davydh a leveri, ‘Erbynn Negeb Yuda’, po ‘Erbynn Negeb an Yeraghmeelysi’, po, ‘Erbynn Negeb an Kenysi.’

1 Samuel 27:10 ပူးပေါင်းရင်းမြစ်များ

Jenesis 27:24

Yn-medh ev, ‘Osta yn hwir ow mab Esaw?’ hag yn-medh ev, ‘Ov.’

2 Samuel 17:20

Pan dheuth gwesyon Absalom dhe ji an venyn, i a leveris, ‘Ple'ma Ahimaas ha Yonathan?’ Ha'n venyn a worthybis dhedha, ‘I re dremenas dres gover an dowr.’ Ha pan hwilsons ha ny allsons aga havoes, i a dhehwelis dhe Yerusalem.

1 Kroniklys 2:25

Mebyon Yerahmeel, kynsa-genys Hesron: Ram an kynsa-genys, Buna, Oren, Osem hag Ahiya.

1 Kroniklys 2:9

Mebyon Hesron hag a veu genys dhodho: Yerahmeel, Ram, ha Kelubay.

Salmow 119:163

Falsuri a gesis vy, ha'y skonya, mes dha lagha a garav.

Salmow 119:29

Kemmer dhiworthiv an fordh a falsuri, ha gront dhymm ras dha lagha.

Lavarow Koth 29:25

Own den a sett antell, mes neb a drest y'n Arloedh yw saw.

Niverow 24:21

Hag ev a viras war an Kenyas, ha kemmeres yn-bann y gows, ha leverel, ‘Fast yw dha drigva, ha dha neyth yw settys y'n garrek;

Efesianys 4:25

Rakhenna, gorrewgh dhe-ves gowegneth, ha ‘kewsel pubonan an gwir gans agas hynsa’, rag agan bos eseli an eyl a'y gila.

Breusysi 1:16

Mebyon an Kenyas, hwegron Moyses, eth yn-bann a sita an palmwydh gans mebyon Yuda dhe wylvos Yuda usi y'n Negeb ryb Arad; hag i eth ha triga yn mysk pobel an vro.

Breusysi 4:11

Lemmyn Heber an Kenyas re dhibarthsa dhiworth an Kenysi erell, mebyon Hobab hwegron Moyses, hag ev re gampyas mar bell avel an dherwenn yn Saanannim ogas dhe Kedesh.

Breusysi 5:24

‘An moyha benniges a venynes re bo Yael, gwreg Heber an Kenyas, a venynes annedhysi yn tyldow an moyha benniges.

1 Samuel 15:6

Yn-medh Sowl dhe'n Kenysi, ‘Kewgh! Gesewgh! Omdennewgh yn-mes a'n Amalekysi, po my a'gas distru gansa; rag hwi a dhiskwedhas tregeredh dhe oll mebyon Ysrael, pan dheuthons yn-bann mes a Ejyp.’ Yndella an Kenysi a omdennas dhiworth an Amalekysi.

1 Samuel 21:2

Yn-medh Davydh dhe Ahimelek an oferyas, ‘An myghtern re worhemmynnis dhymm mater, ha leverel dhymm, “Na as gour vyth dhe wodhvos travyth a-dro dhe'n mater ma'th tannvonav warnodho, na'n pyth re worhemmynnis dhis.” My re settyas kuntellva rag ow gwer yowynk yn neb le.

1 Samuel 23:27

Ena kannas a dheuth dhe Sowl, ow leverel, ‘Fisten ha deus; rag an Filistysi re wrug omsettyans erbynn an tir.’

1 Samuel 27:11

Ha ny asa Davydh yn few naneyl gour na benyn, dhe dri ger dhe Gath, ow leverel, ‘Ma na dheriffons a-dro dhyn, ha leverel, “Davydh re wrug yndella.” ’ Hemm o y vaner dres oll an termyn mayth esa ev trigys yn pow an Filistysi.

1 Samuel 29:8

Davydh a leveris dhe Akish, ‘Mes pandr'a wrug vy? Pandr'a gevsys y'th was a-dhia'n jydh may teuth vy dhis bys y'n jydh hedhyw, ma na allav mos ha batalyas orth eskerens ow arloedh an myghtern?’

1 Samuel 30:29

ha dhe'n re esa yn Rakal, ha dhe'n re esa yn sitys an Yeraghmeelysi, ha dhe'n re esa yn sitys an Kenysi,