1 Samuel 27:1 - An Bibel Kernewek 20234 (Kernewek Kemmyn)

¹ Davydh a brederis yn y golonn, ‘Lemmyn, my a verow unn jydh dre leuv Sowl; nyns eus travyth gwell ragov marnas diank hware dhe bow an Filistysi; ena Sowl a hedh dhe'm hwilas pella a-ji dhe oryon Ysrael, ha my a dhienk mes a'y leuv.’

1 Samuel 27:1 ပူးပေါင်းရင်းမြစ်များ

1 Myghternedh 12:26

Ena Yeroboam a leveris dh'y honan, ‘Lemmyn an vyghterneth a allsa dehweles dhe ji Davydh.

1 Myghternedh 12:28

Ytho an myghtern a gemmeras kusul, ha gul dew leugh a owr. Ev a leveris dhe'n bobel, ‘Hwi res eth dhe Yerusalem hir lowr. Ottomma agas duwow, A Ysrael, re'gas dros yn-mes a Ejyp.’

1 Myghternedh 19:3

Ena ev a borthas own; ev a sevis ha fia a-barth y vewnans, ha dos dhe Beer-sheba yn Yuda, hag ev a asas y was ena.

2 Kroniklys 25:17

Ena Amasia myghtern Yuda a omgusulyas hag a dhannvonas dhe Yoash mab Yehoahaz mab Yehu a Ysrael, ow leverel, ‘Deus, miryn an eyl orth y gila fas orth fas.’

Salmow 116:11

My a leveris yn ow fysk, ‘Tus oll yw gowleverysi.’

Salmow 55:7

otta, my a wandersa a-bell, ha triga y'n difeyth. Sela.

Eksodus 14:12

A nyns yw hemma an dra a leversyn dhis yn Ejyp, ow leverel, “Gas ni agan honan, may serfyons an Ejyptianys?” Rag gwell via ragon servya an Ejyptianys es merwel y'n gwylvos.’

Lavarow Koth 13:12

Govenek delatys a wra dhe'n golonn bos klav, mes hwans kowlwrys yw gwydhenn a vewnans.

Ysay 51:12

My, my yw neb a'gas konfort. Ytho piw osta jy may perthydh own a dhen hag a verow, hag a vab-den neb a wedher avel gwels?

Niverow 14:3

Prag y hwra an Arloedh agan dri y'n tir ma, dhe goedha der an kledha? Agan gwragedh ha'gan re vyghan a vydh preydh; a ny via gwell dehweles dhe Ejyp?’

Matthew 14:31

Hag a-dhesempis Yesu a ystynnas y leuv ha'y dhalghenna, ha leverel dhodho, ‘A ty a voghes fydh, prag y hwrussys doutya?’

Mark 4:40

Hag ev a leveris dhedha, ‘Prag yth owgh hwi mar ownek? Fatell yw nag eus dhywgh fydh?’

2 Korinthianys 7:5

Yn tevri, pan dheuthen ni yn Makedonia nyns esa dh'agan korf powes vyth, mes galar a berthsyn ni yn pub fordh; strifow a-ves ahanan, own a-ji dhyn.

1 Samuel 16:1

Ha'n Arloedh a leveris dhe Samuel, ‘Pygemmys prys y fydhydh ow kyni rag Sowl? My re'n skonyas a vones myghtern war Ysrael. Lanw dha gorn gans oyl, ha ke, my a'th tannvon dhe Yesse an Bethlehemyas, rag my re brovias ragov ow honan myghtern yn mysk y vebyon.’

1 Samuel 16:13

Ena Samuel a gemmeras korn an oyl, ha'y untya yn mysk y vreder; ha spyrys an Arloedh a dheuth war Davydh, a-dhiworth an jydh na alena rag. Ena Samuel a sevis ha mones dhe Rama.

1 Samuel 20:3

Mes ynwedh Davydh a dos, ‘Dha das a woer yn ta my dhe gavoes gras y'th wolok; hag ev a breder, “Na as Yonathan dhe wodhvos hemma, po ev a vydh grevys.” Mes yn gwiryonedh, dell vew an Arloedh ha dell vewydh dha honan, yma saw kamm yntredhov ha mernans.’

1 Samuel 22:5

Ena an profoes Gad a leveris dhe Davydh, ‘Na wra triga y'n skons; dibarth, ha ke dhe bow Yuda.’ Ytho Davydh a dhibarthas, ha mos dhe goeswik Hareth.

1 Samuel 23:17

Yn-medh ev dhodho, ‘Na borth own; rag ny wra leuv ow thas Sowl dha gavoes; ha ty a vydh myghtern war Ysrael, ha my a vydh nessa dhis; ow thas Sowl ynwedh a woer y fydh yndella.’

1 Samuel 25:30

Wosa an Arloedh dhe wul dhe'm arloedh war-lergh pup-tra da a gewsis ev a-dro dhis, ha'th settya avel rewler war Ysrael,

1 Samuel 26:19

Lemmyn ytho, my a'th pys, klewes ow arloedh an myghtern geryow y was. Mars yw an Arloedh neb re ynnias warnas er ow fynn, re vlasso offrynn; mes mars yw mebyon den, bedhens milliges dherag an Arloedh, rag i re'm chasyas yn-mes y'n jydh hedhyw ma na gaffen ow rann yn eretons an Arloedh, ow leverel, “Ke, serv duwow erell.”

1 Samuel 29:2

Pan esa gwahalyethow an Filistysi ow mos yn-rag gans bagasow a gansow ha milyow, yth esa Davydh ha'y wer ow tremena a-dhelergh gans Akish.

1 Samuel 29:3

Yn-medh kaslewydhyon an Filistysi, ‘Pyth usi an Ebrowyon ma ow kul omma?’ Akish a worthybis dhe gaslewydhyon an Filistysi, ‘A nyns yw hemma Davydh, gwas Sowl myghtern Ysrael, neb re beu genev lemmyn an dydhyow ma ha'n blydhynyow ma? Ny gevis fowt vyth ynno a-ban gilfias dhymm bys y'n jydh hedhyw.’