1 Samuel 25:39 - An Bibel Kernewek 20234 (Kernewek Kemmyn)

³⁹ Ha pan glewas Davydh bos Nabal marow, yn-medh ev, ‘Benniges re bo an Arloedh neb re ventenas ow hen rag an despit dhiworth leuv Nabal, hag ev re withas y was dhiworth drog; rag an Arloedh re dreylyas drogober Nabal war y benn y honan.’ Ena Davydh a dhannvonas ha kewsel gans Abigayl, dh'y hemmeres dhodho, dh'y hemmeres avel y wreg.

1 Samuel 25:39 ပူးပေါင်းရင်းမြစ်များ

2 Samuel 1:16

Yn-medh Davydh dhodho, ‘Bedhes dha woes war dha benn dha honan; rag dha anow re dhustunias er dha bynn, ow leverel, “My re ladhas untys an Arloedh.” ’

1 Myghternedh 2:44

Ynwedh an myghtern a leveris dhe Shimei, ‘Ty a woer y'th kolonn oll an drog a wrussys dhe Davydh ow thas; ytho an Arloedh a attal dha dhrog war dha benn dha honan.

Ester 7:10

Ytho, i a grogas Haman war an wydhenn a bareussa ev rag Mordekay, hag yndella koselhes veu konnar an myghtern.

Ester 9:25

mes pan veu hi devedhys a-rag an myghtern, ev a erghis dre lytherow may tehwella y dhroktowl a dowlsa erbynn an Yedhewon war y benn y honan, ha bos ev ha'y vebyon kregys war an wydhenn.

Salmow 7:16

Y dhregynn a dreyl war y benn y honan, ha'y arowder a dhiyskynn war y glopenn y honan.

Salmow 9:5

Ty re geredhis an kenedhlow, ty re dhistruis an tebelwas; ty re dhefendyas aga hanow dhe-ves bys vykken ha bynnari.

Lavarow Koth 18:22

Neb a gyv gwreg a gyv tra dha, hag ev a gyv favour a'n Arloedh.

Lavarow Koth 19:14

Chi ha pythow yw eretons dhiworth tasow mes gwreg poellek yw ro dhiworth an Arloedh.

Lavarow Koth 22:23

Rag an Arloedh a bled aga hen, ha pylla bewnans aga fylloryon.

Lavarow Koth 31:10

Gwreg abel, piw a yll hy havoes? Hy bri yw druttha ages koral.

Lavarow Koth 31:30

Gras a doell, ha tekter yw euver, mes benyn a berth own a'n Arloedh yw dhe vos gormelys.

An Gan a Ganow 8:8

Yma dhyn ni hwoer vyghan, ha nyns eus diwvronn dhedhi; pandr'a yllyn ni gul rag agan hwoer, y'n jydh may hwovynnir rygdhi?

Mika 7:9

My a berth sorrvann an Arloedh, drefenn re beghis er y bynn, bys pan bled ow hen ha gul breus ragov. Ev a'm hembronk y'n golow; y hwelav y ewnder.

2 Korinthianys 13:7

Lemmyn ni a bys Duw na wryllowgh drog vyth; nyns yw henna may fo gwelys agan bos sewen y'n prov, mes may hwryllowgh hwi an pyth yw da, kyn havallo ni dhe fyllel.

1 Thessalonianys 5:23

Ha'n Dew a gres y honan re'gas sakkro yn tien; ha'gas spyrys ha'gas enev ha'gas korf kowal re bo gwithys divlam orth devedhyans agan Arloedh Yesu Krist.

2 Timothi 4:18

An Arloedh a wra ow delivra dhiworth pub drogober hag ow sawya rag y wlaskor nevek. Dhodho ev re bo gordhyans trank heb worfenn. Amen.

Breusysi 5:2

‘Pan ledyas ledyoryon yn Ysrael, pan ombrofyas an bobel – bennigewgh an Arloedh!

1 Samuel 24:15

Rakhenna re bo an Arloedh breusyas, ha breusi yntra my ha ty, ha gweles, ha pledya ow hen, ha'm delivra mes a'th leuv.’

1 Samuel 25:26

‘Ha lemmyn, ow arloedh, dell vew an Arloedh, ha dell vewydh dha honan, drefenn an Arloedh dhe'th lettya rag kabel-goes ha diella dre dha leuv dha honan, lemmyn ytho gas dha eskerens, ha'n re neb a hwila gul drog dhe'm arloedh, bos kepar ha Nabal.

1 Samuel 25:32

Yn-medh Davydh dhe Abigayl, ‘Benniges re bo an Arloedh, Duw Ysrael, neb a'th tannvonas dhe'm metya y'n jydh hedhyw.

1 Samuel 25:34

Rag yn hwir dell vew an Arloedh, neb re'm lettyas rag gul drog dhis, mar ny fistenses ha dos dhe'm metya, yn sur ny via gesys dhe Nabal bys yn golow myttin kemmys hag unn gour neb a bis erbynn fos.’

1 Samuel 25:40

Pan dheuth gwesyon Davydh dhe Abigayl yn Karmel, i a gewsis dhedhi ha leverel, ‘Davydh re'gan dannvonas dhis, dhe'th kemmeres dhodho avel y wreg.’

1 Samuel 26:10

Hag yn-medh Davydh ynwedh, ‘Dell vew an Arloedh, an Arloedh a'n gwysk dhe'n dor; po y jydh a dheu dhe verwel; po ev a wra mos yn-nans yn batel ha merwel.