1 Samuel 25:34 - An Bibel Kernewek 20234 (Kernewek Kemmyn)

³⁴ Rag yn hwir dell vew an Arloedh, neb re'm lettyas rag gul drog dhis, mar ny fistenses ha dos dhe'm metya, yn sur ny via gesys dhe Nabal bys yn golow myttin kemmys hag unn gour neb a bis erbynn fos.’

1 Samuel 25:34 ပူးပေါင်းရင်းမြစ်များ

Jenesis 20:6

Hag yn-medh Duw dhodho yn hunros, ‘My ynwedh a woer ty dhe wul hemma gans kolonn lan, rag my ow honan a'th withas orth pegha er ow fynn. Ytho ny wrug vy dha asa dh'y thochya.

Yoshua 10:6

Gwer Gibeon a dhannvonas dhe Yoshua dhe'n lu yn Gilgal, ow leverel, ‘Na forsak dha wesyon; deus yn-bann dhyn uskis, ha saw ni, ha gweres ni; rag oll myghternedh an Amorysi yn vro venydhyek re omguntellas er agan pynn.’

Yoshua 10:9

Ytho Yoshua a dheuth dhedha distowgh, wosa kerdhes yn-bann oll an nos dhiworth Gilgal.

1 Samuel 11:11

An nessa dydh Sowl a rannas an bobel yn teyr rann, hag orth goel an bora i a dheuth a-bervedh y'n kamp ha ladha an Ammonysi bys toemmder an jydh; ha'n re a veu gesys a skattras, ma nag esa dew anedha gesys war-barth.

1 Samuel 25:18

Ena Abigayl a fistenas ha kemmeres dew kans torth-vara, ha diw seth a win, pymp davas pareusys, ha pymp sea a ys rostys, ha kans tesenn a rappys, ha dew kans tesenn a figys. Hi a's gorras war asenes

1 Samuel 25:22

Re wrello Duw yndella ha moy ynwedh dhe eskerens Davydh mar kasav a oll a bew ev bys yn golow myttin kemmys hag unn gour neb a bis erbynn fos.’

1 Samuel 25:26

‘Ha lemmyn, ow arloedh, dell vew an Arloedh, ha dell vewydh dha honan, drefenn an Arloedh dhe'th lettya rag kabel-goes ha diella dre dha leuv dha honan, lemmyn ytho gas dha eskerens, ha'n re neb a hwila gul drog dhe'm arloedh, bos kepar ha Nabal.

1 Samuel 25:39

Ha pan glewas Davydh bos Nabal marow, yn-medh ev, ‘Benniges re bo an Arloedh neb re ventenas ow hen rag an despit dhiworth leuv Nabal, hag ev re withas y was dhiworth drog; rag an Arloedh re dreylyas drogober Nabal war y benn y honan.’ Ena Davydh a dhannvonas ha kewsel gans Abigayl, dh'y hemmeres dhodho, dh'y hemmeres avel y wreg.