1 Samuel 25:30 - An Bibel Kernewek 20234 (Kernewek Kemmyn)

³⁰ Wosa an Arloedh dhe wul dhe'm arloedh war-lergh pup-tra da a gewsis ev a-dro dhis, ha'th settya avel rewler war Ysrael,

1 Samuel 25:30 ပူးပေါင်းရင်းမြစ်များ

2 Samuel 5:2

Ynwedh yn termyn tremenys, pan o Sowl myghtern warnan, yth o ty neb a hembronka luyow Ysrael yn-mes ha'ga dri a-ji. Ha'n Arloedh a leveris dhis, “Ty a vydh bugel ow fobel Ysrael, ha ty a vydh rewler war Ysrael.” ’

Salmow 89:20

My re gavas Davydh ow gwas; gans ow oyl sans my re'n untyas.

1 Samuel 13:14

mes lemmyn ny wra dha wlaskor durya; an Arloedh re hwilas ragdho gour war-lergh y golonn y honan, ha'n Arloedh re'n apoyntyas dhe vos rewler war y bobel, drefenn na withsys an pyth a erghis an Arloedh dhis.’

1 Samuel 15:28

Ha Samuel a leveris dhodho, ‘An Arloedh re skwardyas gwlaskor Ysrael dhiworthis y'n jydh hedhyw, ha'y ri dhe gentrevek ahanas, neb yw gwell agesos.

1 Samuel 23:17

Yn-medh ev dhodho, ‘Na borth own; rag ny wra leuv ow thas Sowl dha gavoes; ha ty a vydh myghtern war Ysrael, ha my a vydh nessa dhis; ow thas Sowl ynwedh a woer y fydh yndella.’

1 Samuel 24:21

To lemmyn dhymm re'n Arloedh, na dreghydh dhe-ves ow has war ow lergh, na distrui ow hanow mes a ji ow thas.’

1 Samuel 25:31

ny vydh hemma galar vyth dhis, na offens a golonn dhe'm arloedh, rag skoellya goes heb acheson, po ow arloedh dhe sawya y honan. Ha pan dhyght an Arloedh ow arloedh yn ta, ena porth kov a'th vaghteth.’