1 Samuel 25:29 - An Bibel Kernewek 20234 (Kernewek Kemmyn)

²⁹ Mar sev yn-bann nebonan dhe'th helghya ha hwilas dha vewnans, bewnans ow arloedh a vydh maylys yn fardell an re vew gans an Arloedh dha Dhuw; mes bewnansow dha eskerens ev a dewl yn-mes, kepar ha dhiworth kew towlbrenn.

1 Samuel 25:29 ပူးပေါင်းရင်းမြစ်များ

Jenesis 15:1

Wosa an taklow ma, ger an Arloedh a dheuth dhe Abram yn gwelesigeth, ow leverel, ‘Na borth own, Abram, my yw dha skoes, dha wober pur vras.’

2 Samuel 4:8

Hag i a ros penn Ish-bosheth dhe Davydh yn Hebron, ha leverel dhe'n myghtern, ‘Awotta penn Ish-bosheth mab Sowl, dha eskar, neb a hwila dha vewnans; an Arloedh re wrontyas dial dhe'm arloedh an myghtern an jydh ma war Sowl ha war oll y has.’

Job 27:22

ha hurlya er y bynn heb truedh; hag ev a fi dhe'n fo dhiworth y nerth.

Salmow 116:15

Drudh yn golok an Arloedh yw mernans y syns.

Salmow 54:3

Rag estrenyon re sevis er ow fynn, ha tus fell a hwila ow enev, na worrsons Duw a-dheragdha. Sela.

Salmow 66:9

neb a with agan enev yn bewnans, ha ny as agan treys dhe drebuchya.

Yeremia 10:18

Rag yndellma y lever an Arloedh: Otta, my a wra tewlel yn-mes annedhysi an tir y'n termyn ma, ha'ga arvedh, ma'n kevons yn hwir.

Malaki 3:17

I a vydh dhymmo vy, yn-medh Arloedh an luyow, ow thresor arbennik y'n jydh may hwrav vy oberi. My a gemmer truedh anedha par dell gemmer den truedh a'y vab neb a'n serv.

Yowann 14:19

Hwath pols byghan ha'n bys ny'm gwel namoy; mes hwi a'm gwel, rag my a vew, ha hwi ynwedh a vew.

Yowann 17:21

rag may fons i oll onan, kepar ha ty, A Das, ynnov vy ha my ynnos jy, rag may fons i ynwedh onan ynnon ni, may krysso an bys ty dhe'm dannvon.

Yowann 17:23

my ynna i, ha ty ynnov vy, may fons i gwrys perfydh yn onan, may hwodhvo an bys ty dhe'm dannvon, ha'ga hara i kepar dell wrussys ow hara vy.

Dewteronomi 33:29

Gwynn dha vys, Ysrael! Piw yw avelos? pobel selwys gans an Arloedh, an skoes a'th weres, kledha dha veuredh. Dha eskerens a dheu dhis ow fekla, ha ty a drett war aga heynow.

1 Peder 1:5

neb yw gwithys dre alloes Duw dre fydh dhe selwyans parys dhe vos diskwedhys y'n termyn diwettha.

1 Samuel 2:9

‘Ev a with treys y dus lel, mes an debeles a vydh tawesek yn tewlder; rag dre alloes ny wra denvyth gwarthevya.