1 Samuel 25:24 - An Bibel Kernewek 20234 (Kernewek Kemmyn)

²⁴ Hi a goedhas orth y dreys, ha leverel, ‘Warnav vy ow honan, ow arloedh, bedhes an blam, my a'th pys, gas dha vaghteth dhe gewsel y'th tiwskovarn, ha klew geryow dha vaghteth.

1 Samuel 25:24 ပူးပေါင်းရင်းမြစ်များ

Jenesis 44:18

Ena Yuda dheuth nes dhodho ha leverel, ‘My a'th pys, ow arloedh, gas dha was dhe gewsel ger yn diwskovarn ow arloedh. Na wrello dha sorr leski erbynn dha was, rag kepar ha Faro osta.

2 Samuel 14:12

Ena an venyn a leveris, ‘Gas dha vaghteth, my a'th pys, dhe gewsel ger dhe'm arloedh an myghtern.’ Hag yn-medh ev, ‘Kows.’

2 Samuel 14:9

Ha'n Tekoyades a leveris dhe'n myghtern, ‘A arloedh ow myghtern, bedhes an kabel warnav, ha war ji ow thas; bedhes an myghtern ha'y dron ankablus.’

2 Samuel 20:17

Ev a dheuth nes dhedhi, ha'n venyn a wovynnas, ‘Osta Yoab?’ Hag ev a worthybis ‘Ov.’ Ena hi a leveris, ‘Goslow orth geryow dha vaghteth.’ Hag ev a worthybis, ‘Yth esov ow koslowes.’

2 Myghternedh 4:37

Hi a dheuth ha koedha orth y dreys hag omblegya dhe'n dor, ha kemmeres hy mab, ha mos yn-mes.

Ester 8:3

Ena Ester a gewsis arta a-dherag an myghtern, ha hi a goedhas a-rag y dreys hag oela, orth y bysi a dreylya dhe-ves droktowl Haman an Agagyas, a dowlsa erbynn an Yedhewon.

Lavarow Koth 25:15

Gans perthyans y hyllir dynya rewler, ha taves medhel a yll terri eskern.

Ekklesiastes 10:4

Mara sev sorr an rewler er dha bynn, na as dha dyller, rag kalmynsi a dhiswra peghosow bras.

Matthew 18:29

Y geswas ytho a goedhas orth y dreys ha pysi warnodho, “Gwra ow perthi, ha my a attal dhis.”

1 Samuel 24:8

Ena Davydh a sevis ha mos yn-mes a'n kav ha gelwel war-lergh Sowl, ow leverel, ‘Ow arloedh an myghtern.’ Ha pan dreylyas Sowl war-dhelergh, Davydh a blegyas gans y fas troha'n leur, ha plegya dhe'n dor.

1 Samuel 25:23

Pan welas Abigayl Davydh, hi a fistenas ha diyskynna dhiworth an asen, ha koedha a-rag Davydh war hy fas hag omblegya dhe'n dor.

1 Samuel 25:25

Na wres ow arloedh, my a'th pys, gul vri a'n gour Belial ma, Nabal; rag kepar dell yw y hanow, yndella yw ev; Nabal yw y hanow, hag yma follneth ganso; mes my, dha vaghteth, ny welis vy gwer yowynk ow arloedh, neb a dhannvensys.

1 Samuel 25:28

My a'th pys, gav treuspass dha vaghteth; rag an Arloedh a wra yn sur rag ow arloedh chi sur, drefenn ow arloedh dhe vatalyas batelyow an Arloedh; ha ny vydh drog kevys ynnos oll dha dhydhyow.